ಸರ್ಕಾರದ ಸ್ವಾಯತ್ತ ಸಂಸ್ಥೆಯಾಗಿರುವ ಹಾವೇರಿ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆಯಲ್ಲಿ ಬೋಧಕ ಹುದ್ದೆಗೆ ನೇಮಕ ಮಾಡಿಕೊಳ್ಳಲಾಗುತ್ತಿದ್ದು, ಕರ್ನಾಟಕ ಸರ್ಕಾರದ ಸೂಚನೆ ಅನ್ವಯ ರಾಜ್ಯದ ಸ್ವಾಯತ್ತ ಸಂಸ್ಥೆಗಳಲ್ಲಿ ನೀಡಲಾಗುತ್ತಿರುವ ವೇತನ ಮಾದರಿಯಲ್ಲೇ ವೇತನ ನೀಡಲಾಗುವುದು. ಆಸಕ್ತ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಬಹುದು. ಹುದ್ದೆಗಳಲ್ಲಿ ಸಾಮಾನ್ಯವರ್ಗ, ಪ್ರವರ್ಗ-1, 2ಎ, 2ಬಿ,3ಎ, 3ಬಿ, ಎಸ್ಸಿ, ಎಸ್ಟಿ, ಗ್ರಾಮೀಣ, ಮಹಿಳಾ, ಮಾಜಿ ಸೈನಿಕ, ಕಲ್ಯಾಣ ಕರ್ನಾಟಕ ಹಾಗೂ ಅಂಗವಿಕಲ ಅಭ್ಯರ್ಥಿಗಳಿಗೆ ಮೀಸಲಾತಿ ನಿಗದಿಪಡಿಸಲಾಗಿದೆ.
ಹುದ್ದೆ ವಿವರ
* ಪ್ರೊಫೆಸರ್ – 5
* ಅಸೋಸಿಯೇಟ್ ಪ್ರೊಫೆಸರ್ – 17
* ಅಸಿಸ್ಟೆಂಟ್ ಪ್ರೊಫೆಸರ್ – 31
* ಸೀನಿಯರ್ ರೆಸಿಡೆಂಟ್ಸ್ – 12
* ಟ್ಯೂಟರ್ಸ್ – 14
ಯಾವೆಲ್ಲ ವಿಭಾಗಗಳಲ್ಲಿ ನೇಮಕ?: ಅಂಗರಚನಶಾಸ್ತ್ರ (ಅನಾಟಮಿ), ಅರಿವಳಿಕೆ ಶಾಸ್ತ್ರ, ಜೀವರಸಾಯನ ಶಾಸ್ತ್ರ, ಕಮ್ಯುನಿಟಿ ಮೆಡಿಸನ್, ದಂತವೈದ್ಯಶಾಸ್ತ್ರ, ಚರ್ಮಶಾಸ್ತ್ರ, ರತರೋಗಶಾಸ್ತ್ರ ಮತ್ತು ಕುಷ್ಠ ರೋಗ, ತುರ್ತು ಔಷಧ, ವಿಧಿ-ವಿಜ್ಞಾನ ಔಷಧ, ಸಾಮಾನ್ಯ ಔಷಧ, ಸಾಮಾನ್ಯ ಶಸ್ತ್ರ ಚಿಕಿತ್ಸೆ, ಪ್ರಸೂತಿ ಮತ್ತು ಸ್ತ್ರೀರೋಗ ಶಾಸ್ತ್ರ, ನೇತ್ರಶಾಸ್ತ್ರ, ಮೂಳೆಚಿಕಿತ್ಸೆ, ಓಟೋ-ರೈನೋ ಲಾರಿಂಗೊಲಜಿ, ರೋಗಶಾಸ್ತ್ರ, ಶಿಶುವೈದ್ಯಶಾಸ್ತ್ರ, ಶರೀರ ಶಾಸ್ತ್ರ, ಮನೋವೈದ್ಯಶಾಸ್ತ್ರ, ರೇಡಿಯೋ- ರೋಗರ್ನಿಣಯ, ಕ್ಷಯ ಮತ್ತು ಎದೆ ರೋಗಗಳ ವಿಭಾಗದಲ್ಲಿ ನೇಮಕ ಮಾಡಿಕೊಳ್ಳಲಾಗುತ್ತಿದೆ.
ಶೈಕ್ಷಣಿಕ ಅರ್ಹತೆ: ಎಲ್ಲ ಹುದ್ದೆಗೂ ಎಂಬಿಬಿಎಸ್/ಎಂಡಿ/ ಎಂಸ್ ಪದವಿ ಕೇಳಲಾಗಿದ್ದು, ಪ್ರೊಫೆಸರ್ ಹಾಗೂ ಅಸೋಸಿಯೇಟ್ ಪ್ರೊಫೆಸರ್ ಹುದ್ದೆಗೆ ವೃತ್ತಿ ಅನುಭವ ಕೇಳಲಾಗಿದೆ.
ವಯೋಮಿತಿ: ಪ್ರೊಫೆಸರ್ ಹುದ್ದೆಗೆ ಗರಿಷ್ಠ 50 ವರ್ಷ, ಅಸೋಸಿಯೇಟ್ ಪ್ರೊಫೆಸರ್ಗೆ ಗರಿಷ್ಠ 45 ವರ್ಷ, ಉಳಿದ ಹುದ್ದೆಗಳಿಗೆ ಗರಿಷ್ಠ 43 ವರ್ಷ ವಯೋಮಿತಿ ನಿಗದಿಯಾಗಿದ್ದು, ಮೀಸಲಾತಿ ಅಭ್ಯರ್ಥಿಗಳಿಗೆ ವಯೋಸಡಿಲಿಕೆ ಇದೆ.
ಅರ್ಜಿ ಶುಲ್ಕ: ಎಲ್ಲ ಅಭ್ಯರ್ಥಿಗಳು ಅರ್ಜಿ ಶುಲ್ಕವಾಗಿ 2000ರೂ. ಅನ್ನು ಹಾವೇರಿ ವೈದ್ಯಕಿಯ ವಿಜ್ಞಾನಗಳ ಸಂಸ್ಥೆಯ ವಿಶೇಷ ಅಧಿಕಾರಿ ಹೆಸರಿಗೆ ಅಥವಾ ಎಸ್ಬಿಐ ಮೂಲಕ ಆನ್ಲೈನ್ ಪಾವತಿಯನ್ನು 27.8.2021ರ ಒಳಗಾಗಿ ಮಾಡಬೇಕಿದೆ.
ಆಯ್ಕೆ ಪ್ರಕ್ರಿಯೆ: ಅಭ್ಯರ್ಥಿಗಳ ಶೈಕ್ಷಣಿಕ ಅಂಕ, ಪಬ್ಲಿಕೇಷನ್, ವೃತ್ತಿ ಅನುಭವ, ರಾಷ್ಟ್ರೀಯ, ಅಂತಾರಾಷ್ಟ್ರೀಯ ಮಟ್ಟದಲ್ಲಿ ನೀಡಿದ ಉಪನ್ಯಾಸಗಳ ಸಂಖ್ಯೆ ಆಧರಿಸಿ ಆಯ್ದ ಅಭ್ಯರ್ಥಿಗಳನ್ನು ಸಂದರ್ಶನಕ್ಕೆ ಆಹ್ವಾನಿಸಲಾಗುವುದು.
ಅರ್ಜಿ ಸಲ್ಲಿಸಲು ಕೊನೇ ದಿನ: 27.8.2021
ಅಧಿಸೂಚನೆಗೆ: https://bit.ly/3meg030
ಮಾಹಿತಿಗೆ: http://dme.karnataka.gov.in