ಪುಣೆ: ಅದೃಷ್ಟವಿದ್ದರೆ ಹಾಗೂ ಆಯಸ್ಸು ಗಟ್ಟಿಯಿದ್ದರೆ ಎಂಥ ಸಾವನ್ನೂ ಜಯಿಸಬಲ್ಲರು ಎನ್ನುವುದಕ್ಕೆ ಪುಣೆಯಲ್ಲಿ ನಡೆದಿರುವಂಥ ಘಟನೆಯೇ ಸಾಕ್ಷಿ.
14 ವರ್ಷದ ಬಾಲಕಿಯೊಬ್ಬಳು ನಾಲ್ಕನೇ ಫ್ಲೋರ್ನಲ್ಲಿ ಆಡುತ್ತಿದ್ದ ವೇಳೆ ಕಾಲು ಜಾರಿ ಬಿದ್ದುಬಿಟ್ಟಿದ್ದಾಳೆ. ಇನ್ನೇನು ತನ್ನ ಆಯಸ್ಸು ಮುಗಿಯಿತು ಎಂದು ಅವಳು ಹಾಗೂ ನೋಡಿದವರು ಅಂದುಕೊಳ್ಳುವಷ್ಟರಲ್ಲಿಯೇ ಕೆಳಮಹಡಿಯ ಗ್ರಿಲ್ಗೆ ಸಿಲುಕಿಕೊಂಡಿದ್ದಾಳೆ. ನಂತರ ಸಹಾಯಕ್ಕಾಗಿ ಕೂಗಿಕೊಂಡಿದ್ದಾಳೆ.
ಇದನ್ನು ನೋಡಿದ ಸ್ಥಳೀಯರು ಕೂಡಲೇ ಪೊಲೀಸ್ ಮತ್ತು ಅಗ್ನಿಶಾಮಕ ದಳಗಳಿಗೆ ಮಾಹಿತಿ ನೀಡಿದ್ದಾರೆ. ಕೂಡಲೇ ಸ್ಥಳಕ್ಕೆ ಧಾವಿಸಿದ ಸಿಬ್ಬಂದಿ ಮೊದಲಿಗೆ ಕೆಳಮಹಡಿಯಲ್ಲಿ ಸುರಕ್ಷತೆಗಾಗಿ ನೆಟ್ ಅಳವಡಿಸಿ ನಂತರ ಮೇಲಕ್ಕೆ ಹತ್ತಿ ಬಾಲಕಿಯನ್ನು ರಕ್ಷಿಸಿದ್ದಾರೆ. ಈ ಸಂದರ್ಭದಲ್ಲಿ ಹಗ್ಗವನ್ನು ಕೊಂಡೊಯ್ದಿರುವ ಅಗ್ನಿಶಾಮಕ ದಳದ ಸಿಬ್ಬಂದಿ ಅದನ್ನು ಬಾಲಕಿಗೆ ನೀಡಿ ಅದರ ಸಹಾಯದಿಂದ ಆಕೆಯನ್ನು ಕೆಳಕ್ಕೆ ಇಳಿಸಿದ್ದಾರೆ.
ಬಾಲಕಿ ಪ್ರಾಣಾಪಾಯದಿಂದ ಪಾರಾಗಿದ್ದಾಳೆ. ಸ್ಥಳೀಯರು ಇದರ ವಿಡಿಯೋ ಮಾಡಿದ್ದು, ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ನೀವೂ ನೋಡಿ ಈ ಮೈ ಝುಂ ಎನಿಸುವ ವಿಡಿಯೋ: (ಕೃಪೆ- ಪುಣೆಕಾರ್ ನ್ಯೂಸ್)
ದಿಢೀರ್ ನಾಪತ್ತೆಯಾದ 6ನೇ ಕ್ಲಾಸ್ ಬಾಲಕಿ: ಆಕೆಯ ಮೊಬೈಲ್ನಲ್ಲಿ ಸಿಕ್ತು ಬೆಚ್ಚಿಬೀಳೋ ಕಥೆ…
ಪ್ರಿಯಕರನ ಜತೆ ಏಕಾಂತದಲ್ಲಿರುವಾಗ ನುಗ್ಗಿದ ಗಂಡ! ರಕ್ಷಣೆ ಕೋರಿ ಹೈಕೋರ್ಟ್‌ ಮೊರೆ ಹೋದ ಮಹಿಳೆ