ಕೇಂದ್ರ ಲೋಕಸೇವಾ ಆಯೋಗ (ಯುಪಿಎಸ್ಸಿ) ಕೇಂದ್ರ ಸರ್ಕಾರದ ವಿವಿಧ ಇಲಾಖೆಯಲ್ಲಿರುವ ಹಲವು ಹುದ್ದೆಗಳಿಗೆ ಅರ್ಹ ಅಭ್ಯರ್ಥಿಗಳಿಂದ ಅರ್ಜಿ ಆಹ್ವಾನಿಸಲಾಗಿದೆ. ಕೃಷಿ ಇಲಾಖೆ, ಮಾಹಿತಿ ಮತ್ತು ಪ್ರಸಾರ ಸಚಿವಾಲಯ, ಯೂತ್ ಅಫೇರ್ಸ್ ಇಲಾಖೆಗಳಲ್ಲಿ ನೇಮಕಾತಿ ನಡೆಯುತ್ತಿದ್ದು, ಆಯ್ಕೆಯಾಗುವ ಅಭ್ಯರ್ಥಿಗಳು ದೇಶದ ಯಾವುದೇ ಭಾಗದಲ್ಲಿ ಕಾರ್ಯನಿರ್ವಹಿಸಲು ಸಿದ್ಧರಿರಬೇಕು.
ಹುದ್ದೆ ವಿವರ
* ಜೂನಿಯರ್ ಟೈಮ್ ಸ್ಕೇಲ್ (ಜೆಟಿಎಸ್)- 29
ಕಾರ್ವಿುಕ ಮತ್ತು ಉದ್ಯೋಗ ಸಚಿವಾಲಯದ ಸಹಾಯಕ ಕಾರ್ವಿುಕ ಆಯುಕ್ತ (ಕೇಂದ್ರ)/ ಸಹಾಯಕ ಕಲ್ಯಾಣ ಆಯುಕ್ತ (ಕೇಂದ್ರ) / ಸಹಾಯಕ ಕಾರ್ವಿುಕ ಕಲ್ಯಾಣ ಆಯುಕ್ತ ಹುದ್ದೆಗಳನ್ನು ಒಳಗೊಂಡ ಕೇಂದ್ರ ಕಾರ್ವಿುಕ ಸೇವೆಯ (ಗ್ರೂಪ್ ಎ) ಗ್ರೇಡ್ ಹುದ್ದೆಗೆ ನೇಮಕ ಮಾಡಿಕೊಳ್ಳಲಾಗುತ್ತಿದೆ. ಸೋಷಿಯಲ್ ವರ್ಕ್/ ಲೇಬರ್ ವೆಲ್ಪೇರ್/ ಇಂಡಸ್ಟ್ರಿಯಲ್ ರಿಲೇಷನ್/ ಪರ್ಸನಲ್ ಮ್ಯಾನೇಜ್ವೆುಂಟ್/ ಲೇಬರ್ ಲಾದಲ್ಲಿ ಪದವಿ/ ಡಿಪ್ಲೊಮಾ ಪಡೆದಿರುವ ಗರಿಷ್ಠ 35 ವರ್ಷದೊಳಗಿನ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಬಹುದು. 7ನೇ ವೇತನ ಆಯೋಗದ 10ನೇ ಹಂತದ ವೇತನ ಅನ್ವಯವಾಗಲಿದೆ.
*ಸೀನಿಯರ್ ಗ್ರೇಡ್- 20
ಮಾಹಿತಿ ಮತ್ತು ಪ್ರಸಾರ ಸಚಿವಾಲಯ ಭಾರತೀಯ ಮಾಹಿತಿ ಸೇವೆಯ ಹಿರಿಯ ಶ್ರೇಣಿಯ ಹುದ್ದೆ ಇದಾಗಿದ್ದು, ಹಿಂದಿ-6, ಇಂಗ್ಲಿಷ್-6, ತೆಲುಗು-1, ಮರಾಠಿ-2, ಬೆಂಗಾಳಿ-2, ತಮಿಳು-2, ಕಾಶ್ಮೀರಿ ಭಾಷೆಯಲ್ಲಿ 1 ಹುದ್ದೆ ಇದೆ. ಯಾವುದೇ ಪದವಿ/ ಜರ್ನಲಿಸಂ/ ಮಾಸ್ ಕಮ್ಯುನಿಕೇಷನ್ನಲ್ಲಿ ಪದವಿ/ ಡಿಪ್ಲೊಮಾ/ ಸ್ನಾತಕೋತ್ತರ ಪದವಿ ಪಡೆದಿರುವ 30 ವರ್ಷದೊಳಗಿನ ಅಭ್ಯರ್ಥಿಗಳು ಅರ್ಹರಾಗಿದ್ದು, 7ನೇ ಹಂತದ ಅನ್ವಯ ವೇತನ ಇದೆ.
* ಯೂತ್ ಆಫೀಸರ್- 5
ಯೂತ್ ಅಫೇರ್ಸ್ ಆಂಡ್ ಸ್ಪೋರ್ಟ್ಸ್ ಸಚಿವಾಲಯದ ನ್ಯಾಷನಲ್ ಸರ್ವಿಸ್ ಸ್ಕೀಮ್ (ಎನ್ಎಸ್ಎಸ್)ನಲ್ಲಿ ಈ ಹುದ್ದೆಗೆ ನೇಮಕ ಮಾಡಿಕೊಳ್ಳಲಾಗುತ್ತಿದ್ದು, ಪದವಿ/ ಸ್ನಾತಕೋತ್ತರ ಪದವಿ ಪಡೆದಿರುವ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಬಹುದು. ಕನಿಷ್ಠ 2 ವರ್ಷದ ವೃತ್ತಿ ಅನುಭವ ಕೇಳಲಾಗಿದೆ. 7ನೇ ವೇತನ ಆಯೋಗ ಅನ್ವಯ 7ನೇ ಹಂತದ ವೇತನ ಇದ್ದು, ಗರಿಷ್ಠ 30 ವರ್ಷ ವಯೋಮಿತಿ ನಿಗದಿಪಡಿಸಲಾಗಿದೆ.
* ಡೇಟಾ ಪ್ರೊಸೆಸಿಂಗ್ ಅಸಿಸ್ಟೆಂಟ್ – 1
ಸಸ್ಯ ಸಂರಕ್ಷಣಾ ಮತ್ತು ಶೇಖರಣಾ ನಿರ್ದೇಶನಾಲಯದಲ್ಲಿ ಡೇಟಾ ಸಂಸ್ಕರಣಾ ಸಹಾಯಕ ಹುದ್ದೆಗೆ ನೇಮಕ ಮಾಡಿಕೊಳ್ಳಲಾಗುತ್ತಿದ್ದು, ಕಂಪ್ಯೂಟರ್ ಅಪ್ಲಿಕೇಷನ್/ ಇನ್ಫರ್ವೆಷನ್ ಟೆಕ್ನಾಲಜಿ/ ಕಂಪ್ಯೂಟರ್ ಸೈನ್ಸ್ನಲ್ಲಿ ಸ್ನಾತಕೋತ್ತರ ಪದವಿ ಪಡೆದಿರುವ 30 ವರ್ಷದೊಳಗಿನ ಅಭ್ಯರ್ಥಿಗಳು ಅರ್ಹರಾಗಿದ್ದು, 7ನೇ ಹಂತದ ಅನ್ವಯ ವೇತನ ನೀಡಲಾಗುವುದು.
* ಪ್ರೖೆವೇಟ್ ಸೆಕ್ರೇಟರಿ – 1
ಕೃಷಿ ಇಲಾಖೆಯ ಕೃಷಿ ವೆಚ್ಚ ಮತ್ತು ಬೆಲೆಗಳ ಆಯೋಗ (ಸಿಎಸಿಪಿ)ದಲ್ಲಿ ನೇಮಕ ಮಾಡಿಕೊಳ್ಳಲಾಗುತ್ತಿದ್ದು, ಯಾವುದೇ ಪದವಿ ಪಡೆದಿದ್ದು, ಟೈಪಿಂಗ್ ಜ್ಞಾನ ಅವಶ್ಯ. ಗರಿಷ್ಠ 30 ವರ್ಷ ವಯೋಮಿತಿ ನಿಗದಿಪಡಿಸಿದ್ದು, 7ನೇ ಹಂತದ ವೇತನ ಇದೆ.
ಅರ್ಜಿ ಶುಲ್ಕ: ಎಸ್ಸಿ, ಎಸ್ಟಿ, ಅಂಗವಿಕಲ, ಮಹಿಳಾ ಅಭ್ಯರ್ಥಿಗಳನ್ನು ಹೊರತುಪಡಿಸಿ ಉಳಿದ ಅಭ್ಯರ್ಥಿಗಳು 25 ರೂ. ಅರ್ಜಿ ಶುಲ್ಕ ಪಾವತಿಸಬೇಕು.
ಅರ್ಜಿ ಸಲ್ಲಿಸಲು ಕೊನೇದಿನ: 28.10.2021
ಅಧಿಸೂಚನೆಗೆ: https://bit.ly/3DqBNdu
ಮಾಹಿತಿಗೆ: http://www.upsc.gov.in