4 ತಿಂಗಳ ಮೊಮ್ಮಗನಿಗೆ ರೂ. 240 ಕೋಟಿಯ ಷೇರು: ಅಜ್ಜ ನಾರಾಯಣಮೂರ್ತಿಯಿಂದ ಇನ್ಫೋಸಿಸ್​ ಸ್ಟಾಕ್​ ಉಡುಗೊರೆ

ಮುಂಬೈ: ನಾರಾಯಣ ಮೂರ್ತಿ ಅವರು ತಮ್ಮ ನಾಲ್ಕು ತಿಂಗಳ ಮೊಮ್ಮಗನಿಗೆ 240 ಕೋಟಿ ರೂಪಾಯಿ ಮೌಲ್ಯದ ಇನ್ಫೋಸಿಸ್ ಷೇರುಗಳನ್ನು ಉಡುಗೊರೆಯಾಗಿ ನೀಡಿದ್ದಾರೆ.

ನಾರಾಯಣ ಮೂರ್ತಿ ಅವರು ಕಳೆದ ಶುಕ್ರವಾರ ಮಾರುಕಟ್ಟೆಯ ಹೊರಗಿನ ವಹಿವಾಟಿನಲ್ಲಿ ತಮ್ಮ ಮೊಮ್ಮಗನಿಗೆ 15 ಲಕ್ಷ ಷೇರುಗಳನ್ನು ಅಥವಾ ಕಂಪನಿಯಲ್ಲಿ 0.04% ಪಾಲನ್ನು ಉಡುಗೊರೆಯಾಗಿ ನೀಡಿದರು.

ಮಗುವಿನ ಅಜ್ಜ ಎನ್.ಆರ್.ನಾರಾಯಣ ಮೂರ್ತಿ ಅವರು 240 ಕೋಟಿ ರೂಪಾಯಿಗೂ ಹೆಚ್ಚು ಮೌಲ್ಯದ 15 ಲಕ್ಷ ಇನ್ಫೋಸಿಸ್ ಷೇರುಗಳನ್ನು ಉಡುಗೊರೆಯಾಗಿ ನೀಡಿದ್ದರಿಂದ ನಾಲ್ಕು ತಿಂಗಳ ಮಗು ಏಕಾಗ್ರ ರೋಹನ್ ಮೂರ್ತಿ ತನ್ನ ಕಾಲಿನ ಮೇಲೆ ನಡೆಯಲು ಕಲಿಯುವ ಮೊದಲೇ ಶತಕೋಟ್ಯಧೀಶನಾಗಿದ್ದಾನರೆ. ಈಗ ಏಕಾಗ್ರ ರೋಹನ್ ಮೂರ್ತಿಯನ್ನು ಬಿಲಿಯನರ್​ ಬೇಬಿ ಎಂದು ಕರೆಯಲಾಗುತ್ತಿದೆ.

77 ವರ್ಷದ ನಾರಾಯಣ ಮೂರ್ತಿ ಅವರು ಕಳೆದ ಶುಕ್ರವಾರದಂದು ಮಾರುಕಟ್ಟೆಯ ಹೊರಗಿನ ವಹಿವಾಟಿನಲ್ಲಿ ತಮ್ಮ ಮೊಮ್ಮಗನಿಗೆ 15 ಲಕ್ಷ ಷೇರುಗಳನ್ನು ಅಥವಾ ಕಂಪನಿಯಲ್ಲಿ 0.04% ಪಾಲನ್ನು ಉಡುಗೊರೆಯಾಗಿ ನೀಡಿದ್ದಾರೆ ಎಂದು ಷೇರು ವಿನಿಮಯ ಮಂಡಳಿಯ ದಾಖಲೆಗಳು ತೋರಿಸುತ್ತವೆ. ಉಡುಗೊರೆ ಪತ್ರವನ್ನು ಕಾರ್ಯಗತಗೊಳಿಸಿದ ನಂತರ, ಐಟಿ ಕಂಪನಿಯಲ್ಲಿ ಇನ್ಫೋಸಿಸ್ ಸಹ-ಸಂಸ್ಥಾಪಕರ ಪಾಲು 0.36% ಕ್ಕೆ ಕುಸಿಯಿತು.

ಸೋಮವಾರ ಮಧ್ಯಾಹ್ನ ಇನ್ಫೋಸಿಸ್ ಲಿಮಿಟೆಡ್ ಷೇರುಗಳು 1,620 ರೂ. ಇವೆ. ಇಂಟ್ರಾ ಡೇ ವಹಿವಾಟಿನಲ್ಲಿ ಈ ಷೇರುಗಳ ಗರಿಷ್ಠ ಬೆಲೆ 1632 ರೂ. ಈ ಮೂಲಕ ಏಕಾಗ್ರ ರೋಹನ್ ಮೂರ್ತಿಗೆ ಉಡುಗೊರೆಯಾಗಿ ನೀಡಿರುವ ಷೇರುಗಳ ಮೌಲ್ಯ 243 ಕೋಟಿ ರೂಪಾಯಿ ಆಗುತ್ತದೆ.

ಇನ್ಫೋಸಿಸ್ ಸಂಸ್ಥಾಪಕ ಎನ್ಆರ್ ನಾರಾಯಣ ಮೂರ್ತಿ ಅವರ ಪುತ್ರ ರೋಹನ್ ಮೂರ್ತಿ ಮತ್ತು ಸೊಸೆ ಅಪರ್ಣಾ ಕೃಷ್ಣನ್ ಅವರಿಗೆ ಕಳೆದ ವರ್ಷ ನವೆಂಬರ್ 10 ರಂದು ಬೆಂಗಳೂರಿನಲ್ಲಿ ಏಕಾಗ್ರ ಜನಿಸಿದ್ದಾನೆ.

ಹಾರ್ವರ್ಡ್ ವಿಶ್ವವಿದ್ಯಾನಿಲಯದಿಂದ ಕಂಪ್ಯೂಟರ್ ಸೈನ್ಸ್ ಪದವೀಧರರಾಗಿರುವ ರೋಹನ್​ ಅವರು ಬೋಸ್ಟನ್ ಹೆಡ್‌ಲೈನ್ ಸಾಫ್ಟ್‌ವೇರ್ ಸಂಸ್ಥೆಯಾದ ಸೊರೊಕೊವನ್ನು ನಡೆಸುತ್ತಿದ್ದಾರೆ. ಮತ್ತೊಂದೆಡೆ, ಅಪರ್ಣಾ ಮೂರ್ತಿ ಮಾಧ್ಯಮ ಮುಖ್ಯಸ್ಥರಾಗಿದ್ದಾರೆ. ನಾರಾಯಣ ಮೂರ್ತಿ ಮತ್ತು ಪತ್ನಿ ಸುಧಾ ಮೂರ್ತಿಯವರ ಮೂರನೇ ಮೊಮ್ಮಗ ಏಕಾಗ್ರ.

ಬೆಂಗಳೂರಿನ ಈ ಖ್ಯಾತ ಕೈಗಾರಿಕೋದ್ಯಮಿ ದಂಪತಿಗೆ ಇನ್ನೂ ಇಬ್ಬರು ಮೊಮ್ಮಕ್ಕಳಿದ್ದಾರೆ. ಕೃಷ್ಣ ಮತ್ತು ಅನುಷ್ಕಾ ಅಕ್ಷತಾ ಮೂರ್ತಿ. ಡಿಸೆಂಬರ್ ತ್ರೈಮಾಸಿಕದ ಅಂತ್ಯದ ವೇಳೆಗೆ, ಇನ್ಫೋಸಿಸ್‌ನಲ್ಲಿ ನಾರಾಯಣ ಮೂರ್ತಿ ಅವರ ಮಗಳು ಅಕ್ಷತಾ ಅವರು 1.05% ಪಾಲನ್ನು ಹೊಂದಿದ್ದರು, ಸುಧಾ 0.93% ಮತ್ತು ರೋಹನ್ 1.64% ಅನ್ನು ಹೊಂದಿದ್ದರು.

ಮೂರ್ತಿ ಅವರು 1981 ರಲ್ಲಿ ಆರು ಇತರ ಸಹ-ಸಂಸ್ಥಾಪಕರೊಂದಿಗೆ ಇನ್ಫೋಸಿಸ್ ಪ್ರಾರಂಭಿಸಿದ್ದರು. 1981 ರಲ್ಲಿ 10,000 ರೂಪಾಯಿಗಳ ಸಾಧಾರಣ ಹೂಡಿಕೆಯೊಂದಿಗೆ ಪ್ರಾರಂಭವಾದ ಇನ್ಫೋಸಿಸ್ ಈಗ ಭಾರತದ ಎರಡನೇ ಅತಿದೊಡ್ಡ ಟೆಕ್ ಕಂಪನಿಯಾಗಿದೆ. ಕಳೆದ 5 ವರ್ಷಗಳಲ್ಲಿ ಇನ್ಫೋಸಿಸ್ ಷೇರುಗಳು ತನ್ನ ಹೂಡಿಕೆದಾರರಿಗೆ 116 ಪ್ರತಿಶತದಷ್ಟು ಲಾಭವನ್ನು ನೀಡಿವೆ.

https://www.vijayavani.net/purchase-of-2-lakh-shares-from-the-promoters-of-the-company-rs-1047-crore-worth-of-orders-demand-for-stock

https://www.vijayavani.net/shares-of-reliance-company-which-fell-from-rs-2641-to-rs-9-why-did-it-rise-by-20-in-2-days

https://www.vijayavani.net/demand-for-metal-stocks-index-slightly-up

https://www.vijayavani.net/10-crore-shares-traded-in-a-single-day-why-is-tata-company-share-price-rising