ನವದೆಹಲಿ: ಎಲ್ಲ ಹೆಲ್ಪ್ಲೈನ್ ನಂಬರ್ಗಳನ್ನು ಏಕೀಕರಣಗೊಳಿಸಿದ್ದು, ಇನ್ನು ಮುಂದೆ 139 ಮಾತ್ರ ಹೆಲ್ಪ್ಲೈನ್ ನಂಬರ್ ಆಗಿರಲಿದೆ ಎಂದು ಭಾರತೀಯ ರೈಲ್ವೆ ಗುರುವಾರ ತಿಳಿಸಿದೆ.
ತುರ್ತು ಸಮಸ್ಯೆ, ಗೊಂದಲ, ಟಿಕೆಟ್ ಸಂಬಂಧಿತ ವಿಷಯಗಳನ್ನು ಪರಿಹರಿಸಿಕೊಳ್ಳಲು ಇನ್ನು ಮುಂದೆ 139 ಮಾತ್ರ ಚಾಲ್ತಿಯಲ್ಲಿ ಇರಲಿದೆ. ಆದಾಗ್ಯೂ 182 ನಂಬರ್ನ ಹೆಲ್ಪ್ ಲೈನ್ ಕೂಡ ಇರಲಿದೆ. ಇದು ರೈಲ್ವೆ ಸುರಕ್ಷೆಗೆ ಬಳಕೆಯಾಗಲಿದೆ.
139 ನಂಬರಿನ ಹೆಲ್ಪ್ಲೈನ್ನಲ್ಲಿ 12 ಭಾಷೆಗಳಲ್ಲಿ ವ್ಯವಹರಿಸಬಹುದಾಗಿದೆ. ಇದು ಇಂಟರಾಕ್ಟಿವ್ ವಾಯ್ಸ್ ರೆಸ್ಪಾನ್ಸ್ ಸಿಸ್ಟಂ (ಐವಿಆರ್ಎಸ್) ನಲ್ಲಿ ಕೆಲಸಮಾಡುತ್ತದೆ. ಇದಕ್ಕೆ ಯಾವುದೇ ಮೊಬೈಲ್ ಅಥವಾ ಸ್ಮಾರ್ಟ್ಫೋನ್ನಿಂದ ಕರೆಮಾಡಬಹುದಾಗಿದೆ. ಸೆಕ್ಯುರಿಟಿ, ಮೆಡಿಕಲ್ ನೆರವಿಗಾಗಿ ಪ್ರಯಾಣಿಕರು ಒಂದನ್ನು ಒತ್ತಬೇಕು. ಪ್ಯಾಸೆಂಜರ್ ಎನ್ಕ್ವೈರಿಗೆ 2 ಒತ್ತಬೇಕು. ಕೆಟರಿಂಗ್ ಸಂಬಂಧಿತ ದೂರಿಗೆ 3, ಜನರಲ್ ಕಂಪ್ಲೇಂಟ್ಗಳಿಗಾಗಿ 4 ಒತ್ತಬೇಕು. ವಿಜಿಲೆನ್ಸ್ ಸಂಬಂಧಿತ ದೂರಿಗಾಗಿ 5 ಒತ್ತಬೇಕು. ಅಪಘಾತ ಸಂಬಂಧಿತ ವಿಚಾರಣೆಗೆ 6, ಕಂಪ್ಲೇಂಟ್ಗಳ ಸ್ಟೇಟಸ್ ತಿಳಿದುಕೊಳ್ಳಲು 9 ಒತ್ತಬೇಕು. ಕಾಲ್ ಸೆಂಟರ್ ಪ್ರತಿನಿಧಿಗಳ ಜತೆಗೆ ಮಾತನಾಡಬೇಕಾದರೆ * ಒತ್ತಬೇಕು. (ಏಜೆನ್ಸೀಸ್)