ಇಂದೋರ್: ಆರಂಭಿಕ ಯಶಸ್ವಿ ಜೈಸ್ವಾಲ್ (68 ರನ್, 34 ಎಸೆತ, 5 ಬೌಂಡರಿ, 6 ಸಿಕ್ಸರ್) ಹಾಗೂ ಶಿವಂ ದುಬೆ (63* ರನ್, 32 ಎಸೆತ, 5 ಬೌಂಡರಿ, 4 ಸಿಕ್ಸರ್) ಸ್ಫೋಟಕ ಬ್ಯಾಟಿಂಗ್ ನೆರವಿನಿಂದ ಟೀಮ್ ಇಂಡಿಯಾ ಎರಡನೇ ಟಿ20 ಪಂದ್ಯದಲ್ಲಿ ಪ್ರವಾಸಿ ಅಫ್ಘಾನಿಸ್ತಾನ ಎದುರು 6 ವಿಕೆಟ್ಗಳ ಭರ್ಜರಿ ಗೆಲುವು ದಾಖಲಿಸಿದೆ. ಇದರೊಂದಿಗೆ ಮೂರು ಪಂದ್ಯಗಳ ಸರಣಿ ಪಂದ್ಯ ಬಾಕಿಯಿರುವಂತೆಯೇ ರೋಹಿತ್ ಶರ್ಮ ಪಡೆ 20 ವಶಪಡಿಸಿಕೊಂಡಿದೆ.
ಹೋಳ್ಕರ್ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ಪಂದ್ಯದಲ್ಲಿ ಟಾಸ್ ಸೋತ ಅ್ಘಾನಿಸ್ತಾನ ತಂಡ, ಗುಲ್ಬಾದಿನ್ ನೈಬ್ (57 ರನ್, 35 ಎಸೆತ, 5 ಬೌಂಡರಿ, 4 ಸಿಕ್ಸರ್) ಅರ್ಧಶತಕದ ನಡುವೆಯೂ ಭರ್ತಿ 20 ಓವರ್ಗಳಲ್ಲಿ 172 ರನ್ಗಳಿಗೆ ಆಲೌಟ್ ಆಯಿತು. ಪ್ರತಿಯಾಗಿ ಯಶಸ್ವಿ ಜೈಸ್ವಾಲ್& ಹಾಗೂ ಶಿವಂ ದುಬೆ ಜತೆಯಾಟದ ಬಲದಿಂದ 15.4 ಓವರ್ಗಳಲ್ಲಿ 4 ವಿಕೆಟ್ಗೆ 173 ರನ್ಗಳಿಸಿ ಜಯದ ಕೇಕೆ ಹಾಕಿತು.
ಮತ್ತೆ ನಿರಾಸೆ ಮೂಡಿಸಿದ ರೋಹಿತ್: ಸವಾಲಿನ ಮೊತ್ತ ಬೆನ್ನತ್ತಿದ್ದ ಟೀಮ್ ಇಂಡಿಯಾ ನಾಯಕ ರೋಹಿತ್ ಶರ್ಮ (0) ವಿಕೆಟ್ ಕಳೆದುಕೊಂಡಿತು. ತಾನೆದುರಿಸಿದ ಮೊದಲ ಎಸೆತದಲ್ಲಿ ಬೌಲ್ಡ್ ಆದ ರೋಹಿತ್ ಪುನರಾಗಮನ ಸರಣಿಯಲ್ಲಿ ಸತತ 2ನೇ ಬಾರಿಗೆ ಸೊನ್ನೆ ಸುತ್ತಿದರು. ಬಳಿಕ ಯುವ ಬ್ಯಾಟರ್ ಯಶಸ್ವಿ ಜೈಸ್ವಾಲ್ ಜತೆಯಾದ ಅನುಭವಿ ವಿರಾಟ್ ಕೊಹ್ಲಿ (29) ತಂಡಕ್ಕೆ ಚೇತರಿಕೆ ಒದಗಿಸಿದರು. ಇವರಿಬ್ಬರು 2ನೇ ವಿಕೆಟ್ಗೆ 28 ಎಸೆತಗಳಲ್ಲಿ 57 ರನ್ಗಳಿಸಿದರು. ಮೊದಲ ಆರು ಓವರ್ಗಳಲ್ಲಿ 69 ರನ್ ಕಲೆಹಾಕಿದ ಟೀಮ್ ಇಂಡಿಯಾ ಉತ್ತಮ ಆರಂಭ ಪಡೆಯಿತು.
ಗೆಲುವಿನ ಜತೆಯಾಟ: ವಿರಾಟ್ ಕೊಹ್ಲಿ ನಿರ್ಗಮನದ ಬಳಿಕ ಯಶಸ್ವಿ ಜೈಸ್ವಾಲ್ ಜತೆಯಾದ ಆಲ್ರೌಂಡರ್ ಶಿವಂ ದುಬೆ ಆ್ಘನ್ ಬೌಲರ್ಗಳನ್ನು ದಂಡಿಸಿದರು. ಮನಸೋಇಚ್ಛೆ ದಂಡಿಸಿದ ಇವರಿಬ್ಬರು 3ನೇ ವಿಕೆಟ್ಗೆ 42 ಎಸೆತಗಳಲ್ಲಿ 92 ರನ್ ಕಸಿದರು. ಆರಂಭಿದಿಂದಲೂ ಅಬ್ಬರಿಸಿದ ಯಶಸ್ವಿ ಜೈಸ್ವಾಲ್ 27 ಎಸೆತಗಳಲ್ಲಿ ಅರ್ಧಶತಕಗಳಿಸಿದರೆ, ಇವರಿಗೆ ಉತ್ತಮ ಬೆಂಬಲ ನೀಡಿದ ಶಿವಂ ದುಬೆ 22 ಎಸೆತದಲ್ಲಿ ಸತತ ಎರಡನೇ ಅರ್ಧಶತಕ ಸಿಡಿಸಿ ಗೆಲುವಿನ ಹಾದಿ ಸುಗಮಗೊಳಿಸಿದರು. 13ನೇ ಓವರ್ನಲ್ಲಿ ಜೈಸ್ವಾಲ್, ಜಿತೇಶ್ ಶರ್ಮ ವಿಕೆಟ್ ಪಡೆದ ಆ್ಘನ್ ತಿರುಗೇಟು ನೀಡಲು ಯತ್ನಿಸಿತು, ಆದರೆ 5ನೇ ವಿಕೆಟ್ಗೆ ದುಬೆ ಹಾಗೂ ರಿಂಕು ಸಿಂಗ್ (9) ಗೆಲುವಿನ ದಡ ಸೇರಿಸಿದರು.