ಮುಂಬೈ: ತಮ್ಮ ಹೆಸರಿಗೆ ಮಸಿ ಬಳಿಯುವುದಕ್ಕೆ ಏನಾದರೂ ಬಂದರೆ, ಕಾನೂನು ಕ್ರಮ ತೆಗೆದುಕೊಳ್ಳುವುದಾಗಿ ಪಾಯಲ್ ಘೋಶ್ ವಿರುದ್ಧ ರಿಚಾ ಚಡ್ಡಾ ಎಚ್ಚರಿಸಿದ್ದರು. ಇದೀಗ ಅವರು ಆ ಎಚ್ಚರಿಕೆಯನ್ನು ನಿಜ ಮಾಡಿ ತೋರಿಸಿದ್ದಾರೆ.
ಇದನ್ನೂ ಓದಿ: ಪ್ರಗತಿ ಸ್ಟುಡಿಯೋದ ನಾಗೇಶ್ ಬಾಬ ಇನ್ನಿಲ್ಲ
ಮುಂಬೈ ಹೈಕೋರ್ಟ್ನಲ್ಲಿ ಪಾಯಲ್ ವಿರುದ್ಧ ಮಾನನಷ್ಟ ಮೊಕ್ಕದ್ದಮೆಯನ್ನು ರಿಚಾ ಹೂಡಿದ್ದಾರೆ. ಯಾವ್ಯಾವುದೋ ವಿಚಾರಕ್ಕೆ ತಮ್ಮನ್ನು ಎಳೆದು ತಂದಿರುವುದರ ಜತೆಗೆ, ಹೆಸರಿಗೆ ಮಸಿ ಬಳಿಯುವುದಕ್ಕೆ ಪ್ರಯತ್ನಿಸಿದ್ದಿಕ್ಕೆ ಒಂದು ಕೋಟಿ ಒಂದು ಲಕ್ಷ ರೂಪಾಯಿಗಳನ್ನು ಕಟ್ಟಿಕೊಡಬೇಕು ಎಂದು ಕೇಸ್ ಹಾಕಿದ್ದಾರೆ.
ಬರೀ ಪಾಯಲ್ ಘೋಶ್ ಮಾತ್ರವಲ್ಲ, ನಟ ಕಮಾಲ್ ಖಾನ್ ಮತ್ತು ಒಂದು ಖಾಸಗಿ ಸುದ್ದಿವಾಹಿನಿಯ ಮೇಲೂ ಅವರು ಮೊಕದ್ದಮೆ ದಾಖಲಿಸಿದ್ದಾರೆ. ಈ ಪ್ರಕರಣವು ಬುಧವಾರ ಮುಂಬೈ ಹೈಕೋರ್ಟ್ನಲ್ಲಿ ವಿಚಾರಣೆಗೆ ಬರಲಿದೆ.
ಇದಕ್ಕೂ ಮುನ್ನ ಪಾಯಲ್ ಘೋಶ್, ನಟ-ನಿರ್ದೇಶಕ ಅನುರಾಗ್ ಕಶ್ಯಪ್ ವಿರುದ್ಧ ಲೈಂಗಿಕ ಕಿರುಕುಳ ಆರೋಪ ಹೊರಿಸಿದ್ದರು. ಈ ಸಂದರ್ಭದಲ್ಲಿ ಅನುರಾಗ್ ಕಶ್ಯಪ್ ಖುದ್ದು ತಮ್ಮ ಬಳಿ ತಮಗೆ ನಟಿಯರಾದ ರಿಚಾ ಚಡ್ಢಾ, ಮಾಹಿ ಗಿಲ್ ಮತ್ತು ಹ್ಯೂಮಾ ಖುರೇಷಿ ಮುಂತಾದವರು ಸಹಕರಿಸಿದ್ದಾಗಿ ಹೇಳಿಕೊಂಡಿದ್ದರು.
ಇದನ್ನೂ ಓದಿ: ಪವನ್ ಕಲ್ಯಾಣ್ರನ್ನು ಭೇಟಿ ಮಾಡಿದ ಕಿಚ್ಚ ಸುದೀಪ್
ಪಾಯಲ್ ತಮ್ಮ ಹೆಸರನ್ನು ಈ ವಿಷಯದಲ್ಲಿ ಅನವಶ್ಯಕವಾಗಿ ಎಳೆದು ತರುತ್ತಿರುವುದರ ಬಗ್ಗೆ ರಿಚಾ ಈ ಮೊದಲು ಕಿಡಿಕಾರಿದ್ದರು. ಅಷ್ಟೇ ಅಲ್ಲ, ಪಾಯಲ್ ಮೇಲೆ ಇದೀಗ ಕಾನೂನು ಕ್ರಮ ಕೈಗೊಳ್ಳುವುದಕ್ಕೆ ಯೋಚಿಸುತ್ತಿರುವುದಾಗಿ ಹೇಳಿದ್ದರು. ಅದಕ್ಕೆ ಸರಿಯಾಗಿ ಇದೀಗ ಪಾಯಲ್ ವಿರುದ್ಧ ಮಾನನಷ್ಟ ಮೊಕದ್ದಮೆಯನ್ನು ರಿಚಾ ಹೂಡಿದ್ದಾರೆ.
ಟಾಲಿವುಡ್ ಬ್ಯೂಟಿ ಕಾಜಲ್ ಮದುವೆ ಫಿಕ್ಸ್: ಕೊನೆಗೂ ವದಂತಿಗೆ ತೆರೆಎಳೆದ ಮಗಧೀರನ ಬೆಡಗಿ..!