ನವದೆಹಲಿ: ಇದೇ ಮೊದಲ ಬಾರಿಗೆ ಭಾರತೀಯ ಕಂಪನಿಯೊಂದು ಜಾಗತಿಕ ದೈತ್ಯರಿಗೆ ಭೀತಿ ಮೂಡಿಸುವ ಮಟ್ಟದಲ್ಲಿ ಬೆಳೆದು ನಿಲ್ಲಲು ಸಜ್ಜಾಗಿದೆ.
ಡಿಜಿಟಲ್ ಕ್ಷೇತ್ರದಲ್ಲಿ ರಿಲಯನ್ಸ್ನ ಜಿಯೋ ಕ್ರಾಂತಿಯನ್ನೇ ಉಂಟು ಮಾಡಿದೆ. ವರ್ಷದ ಹಿಂದಷ್ಟೇ ಆರಂಭಿಸಿದ ಜಿಯೋ ಪ್ಲಾಟ್ಫಾರಂಗೆ ಈಗಾಗಲೇ ಒಂದೂವರೆ ಲಕ್ಷ ಕೋಟಿ ರೂ. ಗೂ ಹೆಚ್ಚು ಬಂಡವಾಳ ಹರಿದು ಬಂದಿದೆ. ಗೂಗಲ್, ಫೇಸ್ಬುಕ್ ಸೇರಿ ಜಾಗತಿಕ ಕಂಪನಿಗಳು ಇದರಲ್ಲಿ ಹೂಡಿಕೆ ಮಾಡಿವೆ.
ಇದನ್ನೂ ಓದಿ; ರಿಲಾಯನ್ಸ್ ಪ್ರತಿಷ್ಠಾನ ಮುನ್ನಡೆಸ್ತಾರಾ ಮಗಳು ಇಶಾ ಅಂಬಾನಿ?
ಭಾರತದಲ್ಲಿ ಫೇಸ್ಬುಕ್ನ 40 ಕೋಟಿ ಬಳಕೆದಾರರಿದ್ದು, ಅವರನ್ನು ಜಿಯೋ ಮಾರ್ಟ್ಗೆ ಸಂಪರ್ಕಿಸುವ ನಿಟ್ಟಿನಲ್ಲಿ ಮಹಾತ್ವಾಕಾಂಕ್ಷಿ ಯೋಜನೆ ರೂಪಿಸಲಾಗಿದೆ. ಇದು ಸಹಜವಾಗಿಯೇ ರಿಟೇಲ್ ಕ್ಷೇತ್ರದಲ್ಲಿ ಜಾಗತಿಕ ದೈತ್ಯರೆನಿಸಿರುವ ಅಮೆಜಾನ್ ಹಾಗೂ ವಾಲ್ ಮಾರ್ಟ್ಗೆ ಭಾರಿ ಭೀತಿ ಮೂಡಿಸಿದೆ.
ಈವರೆಗೆ ತೈಲೋದ್ಯಮವನ್ನೇ ಪ್ರಮುಖ ಕ್ಷೇತ್ರವಾಗಿಸಿಕೊಂಡಿದ್ದ ರಿಲಯನ್ಸ್ ಇಂಡಸ್ಟ್ರೀಸ್ ಈಗ ಡಿಜಿಟಲ್ ಬಳಿಕ ರಿಟೇಲ್ ಕ್ಷೇತ್ರದಲ್ಲಿ ಮುನ್ನುಗ್ಗುತ್ತಿದೆ. ಇದಕ್ಕಾಗಿ ಬಿಗ್ ಬಜಾರ್ ಸರಣಿಯ ಸೂಪರ್ ಮಾರ್ಕೆಟ್ಗಳನ್ನು ತನ್ನದಾಗಿಸಿಕೊಳ್ಳುತ್ತಿದೆ
ಇದನ್ನೂ ಓದಿ; ಅಮೆಜಾನ್ ಹಿಂದಿಕ್ಕಿ ಬಿಗ್ ಬಜಾರ್ ತೆಕ್ಕೆಗೆ ಪಡೆದ ಅಂಬಾನಿ…?
ಆನ್ಲೈನ್ ಶಾಪಿಂಗ್, ಕ್ಲೌಡ್ ಕಂಪ್ಯೂಟಿಂಗ್, ಟೆಲಿಕಾಮ್, ಡಿಜಿಟಲ್ ಪೇಮೆಂಟ್ಸ್ ಮೊದಲಾದ ಕ್ಷೇತ್ರಗಳಲ್ಲಿ ವಿಸ್ತರಿಸಿಕೊಳ್ಳುತ್ತಿರುವ ರಿಲಯಲ್ಸ್ ಡಿಜಿಟಲ್ ಸಂಸ್ಥೆಯನ್ನು ಚೀನಾದ ಅಲಿಬಾಬಾ, ಟೆನ್ಸೆಂಟ್ ಮೊದಲಾದ ಕಂಪನಿಗಳೊಂದಿಗೆ ಹೋಲಿಸಲಾಗುತ್ತಿದೆ.
ಜಿಯೋ ಮಾರ್ಟ್ ಸದ್ಯಕ್ಕೆ 200 ನಗರಗಳಲ್ಲಿ ಸೇವೆಗಳನ್ನು ನೀಡುತ್ತಿದೆ. ಇದನ್ನು ದೇಶಾದ್ಯಂತ ಇನ್ನಷ್ಟು ನಗರಗಳಿಗೆ, ಇನ್ನಷ್ಟು ವರ್ಗಗಳಿಗೆ ಹಾಗೂ ಕ್ಷೇತ್ರಗಳಿಗೆ ವಿಸ್ತರಿಸಿಕೊಳ್ಳಲಿದೆ ಎಂದು ಮುಖೇಶ್ ಅಂಬಾನಿ ತಿಳಿಸಿದ್ದಾರೆ. ಇದು ಸಹಜವಾಗಿಯೇ ಪ್ರತಿಸ್ಪರ್ಧಿ ಕಂಪನಿಗಳಾದ ಅಮೆಜಾನ್ ಹಾಗೂ ವಾಲ್ಮಾರ್ಟ್ಗಳ ನಿದ್ದೆಗೆಡಿಸಿರುವುದಂತೂ ಹೌದು.