ಅಯೋಧ್ಯೆ: ರಾಮ ಜನ್ಮಭೂಮಿಯಲ್ಲಿ ಮಂದಿರಕ್ಕೆ ಭೂಮಿಪೂಜೆ ನೆರವೇರಿದ ಬೆನ್ನಿಗೇ ಅಯೋಧ್ಯೆಯಲ್ಲಿ ರಿಯಲ್ ಎಸ್ಟೇಟ್ ಕ್ಷಿಪ್ರಗತಿಯಲ್ಲಿ ಗರಿಗೆದರಿದ್ದು, ಒಂದೇ ತಿಂಗಳಲ್ಲಿ ಜಾಗದ ಬೆಲೆ ದುಪ್ಪಟ್ಟಾಗಿದೆ.
ಕೋವಿಡ್-19 ಹಾಗೂ ಲಾಕ್ಡೌನ್ ಹಿನ್ನೆಲೆಯಲ್ಲಿ ಎಲ್ಲ ವಹಿವಾಟು ತಗ್ಗಿ, ದೇಶದೆಲ್ಲೆಡೆ ರಿಯಾಲ್ಟಿ ಕೂಡ ಮಂಕಾಗಿದ್ದರೂ ಅಯೋಧ್ಯೆಯಲ್ಲಿ ‘ರಾಮನ ದಯೆ’ಯಿಂದ ರಿಯಲ್ ಎಸ್ಟೇಟ್ ಏಳಿಗೆ ಕಂಡಿದೆ.
ರಾಮಜನ್ಮಭೂಮಿ ಕುರಿತು ಸುಪ್ರೀಂಕೋರ್ಟ್ ತೀರ್ಪು ನೀಡಿ ವಿವಾದ ಇತ್ಯರ್ಥ ಪಡಿಸಿದ ನಂತರ ಅಯೋಧ್ಯೆಯಲ್ಲಿ ರಿಯಲ್ ಎಸ್ಟೇಟ್ನಲ್ಲಿ ಸುಮಾರು ಶೇ. 30 ಹೆಚ್ಚಳ ಕಂಡುಬಂದಿತ್ತು. ಇದೀಗ ಆಗಸ್ಟ್ನಲ್ಲಿ ಭೂಮಿ ಪೂಜೆ ನಡೆದ ಬಳಿಕ ರಿಯಾಲ್ಟಿ ಬೂಮ್ ಆಗಿದ್ದು, ಬೆಲೆ ದುಪ್ಪಟ್ಟಾಗಿದೆ. ಸುಪ್ರೀಂಕೋರ್ಟ್ ತೀರ್ಪಿಗೂ ಮುನ್ನ ಚದರಡಿಗೆ 900 ರೂ. ಇದ್ದ ಬೆಲೆ ಇದೀಗ 2ರಿಂದ 3 ಸಾವಿರ ರೂ. ವರೆಗೆ ತಲುಪಿದೆ ಎನ್ನುತ್ತಾರೆ ರಿಯಲ್ ಎಸ್ಟೇಟ್ ಎಕ್ಸ್ಪರ್ಟ್ಸ್.
ಸದ್ಯದ ಕ್ಷಿಪ್ರ ಹೆಚ್ಚಳಕ್ಕೆ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರು ಘೋಷಿಸಿರುವ ಬೃಹತ್ ಇನ್ಫ್ರಾಸ್ಟ್ರಕ್ಚರ್ ಪ್ರಾಜೆಕ್ಟ್ಗಳು, ತ್ರೀ ಸ್ಟಾರ್ ಹೋಟೆಲ್ಗಳು ಹಾಗೂ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ಯೋಜನೆಗಳೂ ಕಾರಣ ಎಂದು ಕೂಡ ಹೇಳಲಾಗುತ್ತಿದೆ. (ಏಜೆನ್ಸೀಸ್)