ಬೆಂಗಳೂರು: ಸ್ಯಾಂಡಲ್ವುಡ್ ನಟಿ ಆಶಿಕಾ ರಂಗನಾಥ್ ಕುರಿತು ಇತ್ತೀಚೆಗೆ ಸೋಷಿಯಲ್ ಮೀಡಿಯಾದಲ್ಲಿ ಒಂದು ವಿಡಿಯೋ ಹರಿದಾಡಿತ್ತು. ಆಶಿಕಾ ಕುಡಿದು ತೂರಾಡುತ್ತಿರುವ ದೃಶ್ಯವಿರುವ ಈ ವಿಡಿಯೋ ಈಗ ಸಾಕಷ್ಟು ಚರ್ಚೆಗೆ ಗ್ರಾಸವಾಗಿತ್ತು ನಿಜವೇನೆಂದರೆ, ಇದು ‘ರೆಮೋ’ ಚಿತ್ರದ ಒಂದು ದೃಶ್ಯ. ಇದು ಗೊತ್ತಿರದವರು ಆಶಿಕಾ ಬಗ್ಗೆ ಟ್ರೋಲ್ ಮಾಡಿದ್ದರು. ಈ ಬಗ್ಗೆ ಆಶಿಕಾ ಬೇಸರಿಸಿಕೊಂಡಿದ್ದೂ ಆಗಿತ್ತು.
ಇದನ್ನೂ ಓದಿ: ‘ಆರಾಮ್ ಅರವಿಂದಸ್ವಾಮಿ’ ಆದ ಅನೀಶ್; ಹೊಸ ಲುಕ್ ಬಿಡುಗಡೆ
ಈಗ ಆಶಿಕಾ ಪರವಾಗಿ ರವಿಚಂದ್ರನ್ ಬ್ಯಾಟಿಂಗ್ ಮಾಡಿದ್ದಾರೆ. ಆಕೆ ಆ ರೀತಿ ಅಲ್ಲ ಎಂದು ಹೇಳಿದ್ದಾರೆ. ಭಾನುವಾರ ರಾತ್ರಿ ನಡೆದ ‘ರೆಮೋ’ ಚಿತ್ರದ ಪ್ರೀ-ರಿಲೀಸ್ ಇವೆಂಟ್ನಲ್ಲಿ ಭಾಗವಹಿಸಿ ಮಾತನಾಡಿದ ಅವರು, ‘ಆಶಿಕಾ ನೀವು ಈ ಚಿತ್ರದಲ್ಲಿ ಬಹಳ ಚೆನ್ನಾಗಿ ಕಾಣುತ್ತೀರಾ. ಇತ್ತೀಚೆಗೆ ಬಿಡುಗಡೆಯಾದ ವಿಡಿಯೋ ನೋಡಿ ನಿಮಗೆ ಬೇಸರವಾಯಿತು ಎಂದು ಕೇಳಿದೆ. ನನ್ನ ಹೆಂಡತಿ ಸಹ ನಿಮ್ಮ ವೀಡಿಯೋ ಬಗ್ಗೆ ಹೇಳಿದರು. ಆದರೆ, ನೀವು ಆ ತರಹ ಅಲ್ಲ ಎಂದು ಹೇಳಿದೆ. ನನಗೆ ಗೊತ್ತು. ನಿಮಗೂ ಗೊತ್ತು. ಹಾಗಾಗಿ, ಹೆದರುವ ಅವಶ್ಯಕತೆ ಇಲ್ಲ. ಅದು ಸಿನಿಮಾದ ಒಂದು ಭಾಗ. ಬಹಳ ಬೋಲ್ಡ್ ಆಗಿ ಕಾಣುತ್ತೀರಾ. ನೀವು ಬೋಲ್ಡ್ ಆಂಡ್ ಬ್ಯೂಟಿಫುಲ್’ ಎಂದು ರವಿಚಂದ್ರನ್ ಹೇಳೀದರು.
ಇದನ್ನೂ ಓದಿ: ಚಾಲೆಂಜ್ಗಾಗಿ ಈ ಪಾತ್ರ ಒಪ್ಪಿಕೊಂಡೆ; ಅನಂತ್ ನಾಗ್ ಹೀಗೆ ಹೇಳಿದ್ದು ಯಾವ ಚಿತ್ರದ ಬಗ್ಗೆ ಗೊತ್ತಾ?
ಇನ್ನು, ನಾಯಕ ಇಶಾನ್ ಬಗ್ಗೆ ಮಾತನಾಡಿದ ಅವರು, ‘ಇಶಾನ್ ಬಹಳ ಶ್ರೀಮಂತ ಎಂದು ಯಾರೋ ಹೇಳಿದರು. ಸ್ಟೈಲ್, ಸ್ಮೈಲ್, ಚೆಲುವು ಎಲ್ಲದರಲ್ಲೂ ಅವರು ಬಹಳ ರಿಚ್ ಆಗಿದ್ದಾರೆ. ಅವರು ಕ್ರೇಜಿ ಸ್ಟಾರ್ ಅಲ್ಲ, ಅದಕ್ಕೂ ಮಿಗಿಲು. ಮೊದಲ ಸಿನಿಮಾ ಮಾಡುವಾಗ ನಾವು ಅವನಷ್ಟು ವಿಶ್ವಾಸದಿಂದ ಇರಲಿಲ್ಲ. ಹೇಗೋ ಇದ್ವಿ. ಕ್ರಮೇಣ ಸರಿ ಮಾಡಿಕೊಂಡು ಬಂದೆವು. ನೀವು ಎರಡನೇ ಸಿನಿಮಾಗೆ ಬಹಳ ಕ್ಲಿಯರ್ ಆಗಿದ್ದೀರಾ. ತುಂಬಾ ಚೆನ್ನಾಗಿ ಕಾಣಿಸ್ತೀರಾ. ನಿಮಗೆ ಖಂಡಿತಾ ಇಲ್ಲೊಂದು ಸ್ಥಾನವಿದೆ. ಎಷ್ಟು ದೂರ ಹೋಗುತ್ತೀರಾ ಎನ್ನುವುದು ನಿಮ್ಮ ಮೇಲೆ ಬಿಟ್ಟಿದೆ. ಕೆಲಸ ಮಾಡುತ್ತಿರಿ. ಕೆಲಸ ಅಷ್ಟೇ ನಮ್ಮಿಂದ ಸಾಧ್ಯ. ಇನ್ನೆಲ್ಲವೂ ಆ ವಿಧಿಯ ಆಟ. ಪ್ರಾಮಾಣಿಕವಾಗಿ ಮಾಡಿದರೆ, ಎಲ್ಲವೂ ಸಿಗುತ್ತದೆ’ ಎಂದು ರವಿಚಂದ್ರನ್ ಹೇಳಿದರು.
‘ಕೆಜಿಎಫ್’ ಎನ್ನುವುದು ಕಾನ್ಫಿಡೆನ್ಸ್; ‘ಕಾಂತಾರ’ ಎನ್ನುವುದು ಎಮೋಷನ್ … ರವಿಚಂದ್ರನ್ ವ್ಯಾಖ್ಯಾನ