ಹೈದರಾಬಾದ್: ನಟಿ ರಶ್ಮಿಕಾ ಮಂದಣ್ಣ ಕನ್ನಡದ ಜತೆಗೆ ತೆಲುಗಿನಲ್ಲಿ ಹೆಚ್ಚು ಜನಪ್ರಿಯತೆ ಗಿಟ್ಟಿಸಿಕೊಳ್ಳುತ್ತಿದ್ದಾರೆ. ಸಾಲು ಸಾಲು ಸಿನಿಮಾಗಳನ್ನು ಒಪ್ಪಿಕೊಂಡು ಬಿಜಿ ನಟಿ ಎನಿಸಿಕೊಂಡಿದ್ದಾರೆ. ಇತ್ತೀಚೆಗಷ್ಟೇ ಬಾಲಿವುಡ್ನಲ್ಲೂ ಅವರು ಖಾತೆ ತೆರೆದಿದ್ದು ಗೊತ್ತೇ ಇದೆ. ಹೀಗಿರುವಾಗಲೇ ಇಷ್ಟೆಲ್ಲ ಕೆಲಸಗಳ ನಡುವೆ ರಶ್ಮಿಕಾ ತಮ್ಮ ಮನೆಗೆ ಹೊಸ ಅತಿಥಿಯನ್ನು ಬರಮಾಡಿಕೊಂಡಿದ್ದಾರೆ.
ಇದನ್ನೂ ಓದಿ: ಕನ್ನಡದ ನಿರ್ಮಾಪಕರು ಮೀಟಿಂಗ್ ಮಾಡಿದ್ದು ಯಾಕೆ?
ಹೌದು, ನಟಿ ರಶ್ಮಿಕಾ ಮನೆಗೆ ಬಂದ ಅತಿಥಿ ಹೊಸದಾದ ರೇಂಜ್ ರೋವರ್ ಕಾರು. ಆ ಕಾರಿನ ಜತೆಗೆ ಫೋಟೋ ಕ್ಲಿಕ್ಕಿಸಿಕೊಂಡ ಅವರು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಅಷ್ಟೇ ಅಲ್ಲ ಆ ಖುಷಿಯನ್ನು ಒಂದಷ್ಟು ಪದಗಳಲ್ಲಿ ಹಂಚಿಕೊಂಡಿದ್ದಾರೆ.
‘ನಾನೀಗ ನಿಮ್ಮ ಬಳಿ ಖುಷಿಯ ವಿಚಾರವೊಂದನ್ನು ಹಂಚಿಕೊಳ್ಳಲಿದ್ದೇನೆ. ಏಕೆಂದರೆ ನೀವೂ ಆ ಪಯಣದ ಭಾಗವಾಗಿದ್ದೀರಿ. ನೀವು ಅದನ್ನು ತಿಳಿದುಕೊಳ್ಳಲೇಬೇಕು. ಈ ಮೊದಲು ನಾನು ಇಷ್ಟೊಂದು ಸಾಮರ್ಥ್ಯವುಳ್ಳ ವ್ಯಕ್ತಿ ಆಗುತ್ತೇನೆ ಎಂದು ಭಾವಿಸಿರಲಿಲ್ಲ. ಈ ಪ್ರಯಾಣದ ಭಾಗವಾಗಿದ್ದಕ್ಕಾಗಿ ಮತ್ತು ನಿಮ್ಮಂತೆಯೇ ನನ್ನನ್ನು ಪ್ರೀತಿಸಿದ್ದಕ್ಕಾಗಿ ಧನ್ಯವಾದಗಳು. ನನ್ನ ಕಠಿಣ ದಿನಗಳನ್ನು ಯೋಗ್ಯವಾಗಿಸಿದ್ದಕ್ಕೆ’ ಎಂದಿದ್ದಾರೆ.
ಇದನ್ನೂ ಓದಿ: ಶೇ. 100ರಷ್ಟು ಹಾಜರಾತಿ ರದ್ದು … ‘ಮಾಸ್ಟರ್’ ಬಿಡುಗಡೆಗೆ ಹಿನ್ನೆಡೆ
ಅಂದಹಾಗೆ, ರಶ್ಮಿಕಾ ಅವರ ಕನ್ನಡದಲ್ಲಿ ಸದ್ಯ ತೆರೆಕಾಣಲಿರುವ ಸಿನಿಮಾ ಒಂದೇ ಒಂದು. ಅದು ಪೊಗರು. ಆದರೆ, ತೆಲುಗಿನಲ್ಲಿ ಸಾಲು ಸಾಲು ಸಿನಿಮಾಗಳಲ್ಲಿ ರಶ್ಮಿಕಾ ನಟಿಸುತ್ತಿದ್ದಾರೆ. ಆ ಕಾರಣಕ್ಕಾಗಿಯೇ ಇದೀಗ ತೆಲಂಗಾಣ ಸ್ಟೇಟ್ ಪಾಸಿಂಗ್ ಇರುವ ಕಾರನ್ನೇ ಅವರು ಖರೀದಿ ಮಾಡಿದ್ದಾರೆ.
ರಾಧಿಕಾಗೆ ಮಾತ್ರವಲ್ಲ, ಬೇರೆ 8 ನಟಿಯರಿಗೂ ಲಕ್ಷಾಂತರ ಹಣ ಕೊಟ್ಟಿದ್ದ ಯುವರಾಜ್!