ಮುಂಬೈ: ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ ಮತ್ತು ನಟ ರಣವೀರ್ ಸಿಂಗ್ ಜೋಡಿ ಈಚಿನ ತಾರಾಜೋಡಿಗಳಲ್ಲಿ ಅತ್ಯಂತ ಜನಪ್ರಿಯವಾಗಿದೆ. ಇದೀಗ ರಣವೀರ್ ಸಿಂಗ್ ತಮ್ಮ ಅಪ್ಪನಾಗುವ ಆಸೆಯನ್ನು ಹೇಳಿಕೊಂಡಿದ್ದಾರೆ. ಅಷ್ಟೇ ಅಲ್ಲ, ದೀಪಿಕಾ ಚಿಕ್ಕವರಿದ್ಧಾಗ ಇದ್ದಂತೆ ಕ್ಯೂಟ್ ಆಗಿರುವ ಹೆಣ್ಣು ಮಗು ಆದರೆ ತಮ್ಮ ಲೈಫ್ ಸೆಟ್ ಆದಂತೆ ಎಂದು ಉದ್ಗರಿಸಿದ್ದಾರೆ.
ಕಲರ್ಸ್ ಟಿವಿಯಲ್ಲಿ ಹೊಸದಾಗಿ ಮೂಡಿಬರುತ್ತಿರುವ ‘ದ ಬಿಗ್ ಪಿಚ್ಚರ್’ ಕ್ವಿಜ್ ಶೋನ ಹೋಸ್ಟ್ ಆಗಿ ರಣವೀರ್ ಸಿಂಗ್ ಕಿರುತೆರೆ ಪ್ರವೇಶಿಸಿದ್ದಾರೆ. ಶನಿವಾರ ಆರಂಭವಾದ ಈ ಶೋನ ಪ್ರೋಮೋ ವಿಡಿಯೋದಲ್ಲಿ ರಣವೀರ್, ಸ್ಟುಡಿಯೋ ಆಡಿಯನ್ಸ್ ಜೊತೆ ಲೋಕಾಭಿರಾಮವಾಗಿ ಮಾತನಾಡುತ್ತಾ, “ನಿಮಗೆ ಗೊತ್ತಿರುವಂತೆ ನನಗೆ ಮದುವೆಯಾಗಿದೆ. ಕೆಲವೇ ವರ್ಷಗಳಲ್ಲಿ ನಮಗೂ ಮಕ್ಕಳಾಗುತ್ತವೆ” ಎಂದು ನಾಚಿಕೊಂಡು ಹೇಳಿದ್ದಾರೆ.
View this post on Instagram
ಅಷ್ಟೇ ಅಲ್ಲ, “ನಿಮ್ಮ ಭಾಬಿ(ದೀಪಿಕಾ)ಯ ಬೇಬಿ ಫೋಟೋಗಳನ್ನು ನೀವು ನೋಡಬೇಕು. ಎಷ್ಟು ಕ್ಯೂಟ್ ಬೇಬಿ ಆಗಿದ್ದಳು. ಆ ತರಹದ ಕ್ಯೂಟ್ ಬೇಬಿ ಸಿಕ್ಕರೆ ನನ್ನ ಜೀವನ ಸೆಟ್ ಆದಂತೆ” ಎಂದಿರುವ ರಣವೀರ್, ತಾವು ಮಗುವಿನ ಹೆಸರುಗಳ ಪಟ್ಟಿ ಮಾಡುತ್ತಿದ್ದು, ಕ್ವಿಜ್ ಅಭ್ಯರ್ಥಿ ಹೇಳಿದ ‘ಶೌರ್ಯ ವೀರ್ ಸಿಂಗ್’ ಎಂಬ ಹೆಸರನ್ನು ಆ ಪಟ್ಟಿಗೆ ಸೇರಿಸಿಕೊಳ್ಳುವುದಾಗಿಯೂ ಹೇಳಿದ್ದಾರೆ. ಈ ಬಗ್ಗೆ ದೀಪಿಕಾರ ಅಭಿಪ್ರಾಯ ಏನು ತಿಳಿಯಬೇಕಿದೆ! (ಏಜೆನ್ಸೀಸ್)
VIDEO| ಸ್ಕೂಟರಲ್ಲಿ ಹೋಗುತ್ತಿದ್ದ ಹುಡುಗಿಯನ್ನು ನಿಲ್ಲಿಸಿ ಬುರ್ಖಾ ತೆಗೆಸಿದರು! ವೈರಲ್ ಆಯ್ತು ವಿಡಿಯೋ
ಕಿಬ್ಬೊಟ್ಟೆಗೆ ವ್ಯಾಯಾಮ, ಬೆನ್ನೆಲುಬಿಗೆ ಶಕ್ತಿ ನೀಡುವ ‘ಏಕಪಾದ ಕೌಂಡಿನ್ಯಾಸನ’