ಬಾಲಿವುಡ್ಗೆ ಹಾರಿದ ನಟಿ ರಶ್ಮಿಕಾ ಮಂದಣ್ಣ, ರಣಬೀರ್ ಕಪೂರ್ ಜೊತೆ ಅನಿಮಲ್ ಸಿನಿಮಾದಲ್ಲಿ ಬ್ಯುಸಿ ಆಗಿದ್ದಾರೆ. ಇದೀಗ ಅನಿಮಲ್ ಸಿನಿಮಾ ರಿಲೀಸ್ ಡೇಟ್ ಫಿಕ್ಸ್ ಆಗಿದ್ದು, ನಿರ್ದೇಶಕರೇ ಬಿಡುಗಡೆ ದಿನಾಂಕ ಘೋಷಿಸಿದ್ದಾರೆ.
ಡಿಸೆಂಬರ್ 1ರಂದು ಅನಿಮಲ್ ಸಿನಿಮಾ ಹಿಂದಿ, ತಮಿಳು, ತೆಲುಗು, ಕನ್ನಡ ಸೇರಿದಂತೆ ಮಳಯಾಳಂನಲ್ಲಿ ಈ ಸಿನಿಮಾ ಬಿಡುಗಡೆಯಾಗುತ್ತಿದೆ. ಸಂದೀಪ್ ರೆಡ್ಡಿ ವಂಗಾ ನಿರ್ದೇಶನದ ಈ ಚಿತ್ರದಲ್ಲಿ ರಣಬೀರ್ ಕಪೂರ್, ರಶ್ಮಿಕಾ ಮಂದಣ್ಣ, ಬಾಬಿ ಡಿಯೋಲ್, ಅನಿಲ್ ಕಪೂರ್ ಮುಂತಾದವರು ನಟಿಸಿದ್ದಾರೆ.
ಅನಿಮಲ್ ಚಿತ್ರದ ಟ್ರೇಲರ್ನಲ್ಲಿ ರಣ್ಬೀರ್ ಮತ್ತು ಚಿತ್ರದಲ್ಲಿ ತಂದೆಯಾಗಿರುವ ಅನಿಲ್ ಕಪೂರ್ ನಡುವೆ ನಡೆಯುವ ಘರ್ಷಣೆಯನ್ನ ತೋರಿಸಲಾಗಿದೆ. ತನ್ನ ಬಾಲ್ಯದ ಆಘಾತದ ಬಗ್ಗೆ ರಣ್ಬೀರ್ ತಂದೆಗೆ ಸುಳಿವು ಕೊಟ್ಟಿದ್ದಾರೆ. ತಂದೆಯ ಕೋಪದ ಸ್ವಭಾವವನ್ನ ಮತ್ತೊಮ್ಮೆ ಆಕ್ಟ್ ಮಾಡುವಂತೆ ರಣ್ಬೀರ್ ತಂದೆಗೆ ಹೇಳೋದನ್ನ ಕೂಡಾ ಟ್ರೇಲರ್ನಲ್ಲಿ ನೋಡಬಹುದು.
ಜೀವನದ ಪ್ರತಿಯೊಂದು ಹಂತದಲ್ಲಿಯೂ ಮಗ ತನ್ನ ತಂದೆಯ ಆದೇಶಗಳನ್ನೇ ಪಾಲಿಸೋದನ್ನ ಕಾಣಬಹುದು. ಬಲ್ಬೀರ್ಗೆ (ತಂದೆ ಪಾತ್ರದಾರಿ ಅನಿಲ್ ಕಪೂರ್) ಯಾರೋ ಗುಂಡಿ ಹಾರಿಸಿದ್ದು, ರಣ್ಬೀರ್ ಅದರ ರಿವೇಂಜ್ ಪಡೆಯೋಕೆ ಮುಂದಾಗುತ್ತಾರೆ.
ನಂತರದಲ್ಲಿ ರಣ್ಬೀರ್ ತಂದೆಯ ಕೊಲೆ ಯತ್ನದ ಸೇಡು ತೀರಿಸಿಕೊಳ್ಳೋಕೆ ತುಂಬಾನೇ ಪ್ರಯತ್ನಿಸುತ್ತಾರೆ. ಇನ್ನು ರಶ್ಮಿಕಾ ಚಿತ್ರದಲ್ಲಿ ಗೀಂತಾಜಲಿಯಾಗಿ ರಣ್ಬೀರ್ ಪತ್ನಿಯಾಗಿ ನಟಿಸುತ್ತಿದ್ದು, ಭಾವನಾತ್ಮಕ ಸಂಬಂಧಗಳ ಮೌಲ್ಯದ ಸುತ್ತ ಚಿತ್ರದ ಕಥೆ ಸಾಗಲಿದೆ.
ಒಟ್ಟಾರೆಯಾಗಿ ತಂದೆಯ ಕೆಲವೊಂದು ನಡವಳಿಕೆ ಮತ್ತು ಸಮಸ್ಯೆಗಳು ಮಗ ರಣ್ಬೀರ್ ಕಪೂರ್ನನ್ನ ಆನಸಿಕ ಒತ್ತಡ ಮತ್ತು ರಕ್ತಸಿಕ್ತ ಗಲಾಟೆಗೆ ಕಾರಣವಾಗೋದನ್ನ ಟ್ರೇಲರ್ನಲ್ಲಿ ಕಾಣಬಹುದು.
ಸದ್ಯ ಚಿತ್ರದ ಟ್ರೇಲರ್ ವೈರಲ್ ಆಗುತ್ತಿದ್ದು, ಅಭಿಮಾನಿಗಳ ಕುತೂಹಲವನ್ನ ಮತ್ತಷ್ಟು ಹೆಚ್ಚಿಸಿದೆ.