ನವದೆಹಲಿ: ಸತತ ವೈಫಲ್ಯದಿಂದಾಗಿ ನಾಯಕತ್ವನ್ನೇ ಬದಲಿಸಿದರೂ ಸನ್‌ರೈಸರ್ಸ್‌ ಹೈದರಾಬಾದ್ ತಂಡದ ಅದೃಷ್ಟ ಮಾತ್ರ ಬದಲಾದಂತಿಲ್ಲ. ರಾಜಸ್ಥಾನ ರಾಯಲ್ಸ್ ತಂಡದ ಆರಂಭಿಕ ಬ್ಯಾಟ್ಸ್‌ಮನ್ ಜೋಸ್ ಬಟ್ಲರ್ (124ರನ್, 64 ಎಸೆತ, 11 ಬೌಂಡರಿ, 8 ಸಿಕ್ಸರ್) ಭರ್ಜರಿ ಶತಕದಾಟ ಹಾಗೂ ಮುಸ್ತಾಫಿಜರ್ ರೆಹಮಾನ್ (20ಕ್ಕೆ 3), ಕ್ರಿಸ್ ಮಾರಿಸ್ (28ಕ್ಕೆ 3) ಜೋಡಿಯ ಮಾರಕ ದಾಳಿಗೆ ನಲುಗಿದ ಸನ್‌ರೈಸರ್ಸ್‌ ತಂಡ ಐಪಿಎಲ್-14ರ ತನ್ನ 7ನೇ ಪಂದ್ಯದಲ್ಲಿ 55 ರನ್‌ಗಳಿಂದ ಶರಣಾಯಿತು. ಲೀಗ್‌ನಲ್ಲಿ ಇದುವರೆಗೂ ಆಡಿರುವ 7 ಪಂದ್ಯಗಳಲ್ಲಿ 2ನೇ ಬಾರಿಗೆ ಹ್ಯಾಟ್ರಿಕ್ ಸೋಲಿನ ರುಚಿ ಕಂಡಿತು.
ಅರುಣ್ ಜೇಟ್ಲಿ ಮೈದಾನದಲ್ಲಿ ಭಾನುವಾರ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ರಾಜಸ್ಥಾನ ರಾಯಲ್ಸ್ ತಂಡ, ಬಟ್ಲರ್ ಹಾಗೂ ಸಂಜು ಸ್ಯಾಮ್ಸನ್ (48ರನ್, 33 ಎಸೆತ, 4 ಬೌಂಡರಿ, 2 ಸಿಕ್ಸರ್) ಬಿರುಸಿನ ಬ್ಯಾಟಿಂಗ್ ಫಲವಾಗಿ 3 ವಿಕೆಟ್‌ಗೆ 220 ರನ್ ಪೇರಿಸಿತು. ಪ್ರತಿಯಾಗಿ ಸನ್‌ರೈಸರ್ಸ್‌ ತಂಡ 8 ವಿಕೆಟ್‌ಗೆ 165 ರನ್ ಕಲೆಹಾಕಲಷ್ಟೇ ಶಕ್ತವಾಯಿತು.
ರಾಜಸ್ಥಾನ ರಾಯಲ್ಸ್: 3 ವಿಕೆಟ್‌ಗೆ 220 (ಜೋಸ್ ಬಟ್ಲರ್ 124, ಸಂಜ್ಯ ಸ್ಯಾಮ್ಸನ್ 48, ಸಂದೀಪ್ ಶರ್ಮ 50ಕ್ಕೆ 1, ರಶೀದ್ ಖಾನ್ 24ಕ್ಕೆ 1, ವಿಜಯ್ ಶಂಕರ್ 42ಕ್ಕೆ 1), ಸನ್‌ರೈಸರ್ಸ್‌ ಹೈದರಾಬಾದ್: 8 ವಿಕೆಟ್‌ಗೆ 165 (ಮನೀಷ್ ಪಾಂಡೆ 31, ಜಾನಿ ಬೇರ್‌ಸ್ಟೋ 30, ಕೇನ್ ವಿಲಿಯಮ್ಸನ್ 20, ಮುಸ್ತಾಫಿಜರ್ ರೆಹಮಾನ್ 20ಕ್ಕೆ 3, ಕ್ರಿಸ್ ಮಾರಿಸ್ 29ಕ್ಕೆ 3, ರಾಹುಲ್ ತೆವಾಟಿಯಾ 45ಕ್ಕೆ 1, ಕಾರ್ತಿಕ್ ತ್ಯಾಗಿ 32ಕ್ಕೆ 1).
An all-round effort. Two big points. 😁💗#HallaBol | #RoyalsFamily | #RRvSRH | #IPL2021 pic.twitter.com/sbfesYzJnQ
— Rajasthan Royals (@rajasthanroyals) May 2, 2021