ನವದೆಹಲಿ: ಗೂಡ್ಸ್ ರೈಲುಗಳ ಸುರಕ್ಷತೆಗಾಗಿ ಸಶಸ್ತ್ರ ಕಾವಲು ಅಳವಡಿಸಲು ರೈಲ್ವೆ ಸಚಿವಾಲಯ ಅನುಮತಿ ನೀಡಿದೆ. ರೈಲ್ವೆ ಇತಿಹಾಸದಲ್ಲಿ ಈ ರೀತಿ ಕ್ರಮ ಇದೇ ಮೊದಲನೆಯದು. ಇದರಂತೆ, ಸರಕು, ಸರಂಜಾಮುಗಳ ಭದ್ರತೆಯನ್ನು ಖಾತರಿಗೊಳಿಸುವ ನಿಟ್ಟಿನಲ್ಲಿ ಈ ಕ್ರಮ ಮಹತ್ವದ್ದೆನಿಸಿಕೊಂಡಿದೆ.
ಈಸ್ಟರ್ನ್ ರೈಲ್ವೆ ಜೋನ್ನಲ್ಲಿ ಆರಂಭಿಕವಾಗಿ ಸಶಸ್ತ್ರ ಕಾವಲು ಅಳವಡಿಸಲಾಗುತ್ತಿದ್ದು, ಆರು ತಿಂಗಳ ಕಾಲ ಇದರ ಕಾರ್ಯನಿರ್ವಹಣೆ, ಫಲಿತಾಂಶವನ್ನು ಪರಿಶೀಲಿಸಲಾಗುತ್ತದೆ. ಇದರ ಪರಾಮರ್ಶೆಯ ಬಳಿಕ ಉಳಿದ ರೈಲ್ವೆ ಜೋನ್ಗಳಿಗೂ ಇದನ್ನು ವಿಸ್ತರಿಸಲಾಗುತ್ತದೆ ಎಂದು ರೈಲ್ವೆ ಹೊರಡಿಸಿರುವ ಜನವರಿ 29ರ ಆದೇಶದಲ್ಲಿ ತಿಳಿಸಿದೆ.
ಸರಕುಗಳನ್ನು ಸಾಗಿಸುವ ರೈಲಿನಲ್ಲಿ ಬ್ರೇಕ್ ವ್ಯಾನ್ನಲ್ಲಿ ಸಶಸ್ತ್ರ ಕಾವಲುಗಾರರು ಇರುವುದಕ್ಕೆ ಅವಕಾಶ ನೀಡಿರುವ ರೈಲ್ವೆ, ಸರಕು ಕಳವು ತಡೆಯುವ ನಿಟ್ಟಿನಲ್ಲಿ ಕ್ರಮ ತೆಗೆದುಕೊಳ್ಳಬಹುದು. ಮತ್ತು ಸರಕುಗಳ ಭದ್ರತೆಯನ್ನು ಖಾತರಿಪಡಿಸಬೇಕು ಎಂದು ಹೇಳಿದೆ. (ಏಜೆನ್ಸೀಸ್)