ಲಖನೌ: ಆಲ್ರೌಂಡ್ ಪ್ರದರ್ಶನದ ಮೂಲಕ ಮೊದಲ ಜಯದ ನಿರೀೆಯಲ್ಲಿರುವ ಕನ್ನಡಿಗ ಕೆಎಲ್ ರಾಹುಲ್ ಸಾರಥ್ಯದ ಲಖನೌ ಸೂಪರ್ಜೈಂಟ್ಸ್ ತಂಡ ಐಪಿಎಲ್&17ರಲ್ಲಿ ಏಕನಾ ಕ್ರೀಡಾಂಗಣದಲ್ಲಿ ಶನಿವಾರ ನಡೆಯಲಿರುವ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್ ತಂಡದ ಸವಾಲು ಎದುರಿಸಲಿದೆ. ಟೂರ್ನಿಯ ಆರಂಭಿಕ 9 ಪಂದ್ಯಗಳಲ್ಲಿ ಆತಿಥೇಯ ಗೆಲುವು ಸಾಧಿಸಿದ್ದು, ಲಖನೌ ತಂಡ ತವರಿನಲ್ಲಿ ಖಾತೆ ತೆರೆಯುವ ತವಕದಲ್ಲಿದೆ.
ಮೊದಲ ಲೀಗ್ ಪಂದ್ಯದಲ್ಲಿ ಲಖನೌ ತಂಡ ರಾಜಸ್ಥಾನ ಎದುರು 20 ರನ್ಗಳಿಂದ ಸೋಲು ಅನುಭವಿಸಿದ್ದರೆ, ಮೊದಲ ಪಂದ್ಯದಲ್ಲಿ ಗೆದ್ದು 2ನೇ ಪಂದ್ಯದಲ್ಲಿ ಆರ್ಸಿಬಿ ಎದುರು ಆಘಾತ ಕಂಡಿರುವ ಶಿಖರ್ ಧವನ್ ಬಳಗ ಜಯದ ಹಳಿಗೆ ಮರಳುವ ವಿಶ್ವಾಸದಲ್ಲಿದೆ. ಟಿ20 ವಿಶ್ವಕಪ್ಗೆ ಟೀಮ್ ಇಂಡಿಯಾದ ವಿಕೆಟ್ ಕೀಪರ್ ಸ್ಥಾನದ ರೇಸ್ನಲ್ಲಿರುವ ರಾಹುಲ್, ಬೆಂಗಳೂರಿನ ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿ (ಎನ್ಸಿಎ) ವೈದ್ಯರ ಸಲಹೆ ನಡುವೆಯೂ ಕೀಪಿಂಗ್ ಮಾಡುವ ಜವಾಬ್ದಾರಿ ಹೊತ್ತುಕೊಂಡಿದ್ದಾರೆ. ಗಾಯದ ಬಳಿಕ ಆಡಿದ ಮೊದಲ ಪಂದ್ಯದಲ್ಲಿ ಅರ್ಧಶತಕದ ಮೂಲಕ ಫಾರ್ಮ್ಗೆ ಮರಳಿರುವ ರಾಹುಲ್ಗೆ ಇತರ ಬ್ಯಾಟರ್ಗಳ ಸಮರ್ಥ ಬೆಂಬಲಬೇಕಿದೆ. ಜತೆಗೆ ಟಿ20 ಟೀಮ್ ಇಂಡಿಯಾಗೆ ಫಿನಿಷರ್ ಸ್ಥಾನ ತುಂಬುವ ಅವಕಾಶವನ್ನು ಪಡೆಯುವ ಚಾಲೆಂಜ್ ರಾಹುಲ್ ಮುಂದಿದೆ.
ಎಲ್ಎಸ್ಜಿಗೆ ಬ್ಯಾಟಿಂಗ್ ಚಿಂತೆ
ಮೊದಲ ಪಂದ್ಯದಲ್ಲಿ ನೀರಸ ಬ್ಯಾಟಿಂಗ್ ನಿರ್ವಹಣೆ ಲಖನೌ ತಂಡದ ಸೋಲಿಗೆ ಪ್ರಮುಖ ಕಾರಣವಾಗಿತ್ತು. ಕ್ವಿಂಟನ್ ಡಿಕಾಕ್, ಕನ್ನಡಿಗ ದೇವದತ್ ಪಡಿಕ್ಕಲ್ ವೈಫಲ್ಯ ತಂಡಕ್ಕೆ ಹಿನ್ನಡೆ ತಂದಿತ್ತು. ರಾಹುಲ್ ಅರ್ಧಶತಕ ಸಿಡಿಸಿ ಪುನರಾಗಮನ ಕಂಡರೂ ಪಂದ್ಯಕ್ಕೆ ಫಿನಿಷಿಂಗ್ ಟಚ್ ನೀಡುವಲ್ಲಿ ವಿಲರಾದರು. ಆರಂಭದಲ್ಲಿ ರಾಹುಲ್ ನಿಧಾನಗತಿಯ ಬ್ಯಾಟಿಂಗ್ ಹಿನ್ನಡೆ ಎನಿಸಿದೆ. ಮಧ್ಯಮ ಕ್ರಮಾಂಕದಲ್ಲಿ ಆಲ್ರೌಂಡರ್ ಕೃನಾಲ್ ಪಾಂಡ್ಯ, ದೀಪಕ್ ಹೂಡಾ ಅವರಿಂದ ನಿರೀತ ಪ್ರದರ್ಶನ ಮೂಡಿಬರಬೇಕಿದೆ. ಆಸೀಸ್ ಆಲ್ರೌಂಡರ್ ಮಾರ್ಕಸ್ ಸ್ಟೋಯಿನಿಸ್ ನಿರ್ವಹಣೆ ತಂಡಕ್ಕೆ ಪರಿಣಾಮಕಾರಿ ಎನಿಸಿದೆ. ವೇಗಿ ಮಾರ್ಕ್ ವುಡ್, ಡೇವಿಡ್ ವಿಲ್ಲಿ ಅನುಪಸ್ಥಿತಿ ತಂಡಕ್ಕೆ ಕಾಡುತ್ತಿದೆ. ಮೊಹ್ಸಿನ್ ಖಾನ್, ನವೀನ್ ಉಲ್ ಹಕ್ ಪ್ರಮುಖ ವೇಗಿಗಳಾಗಿದ್ದು, ವೆಸ್ಟ್ ಇಂಡೀಸ್ ಸೆನ್ಸೇಷನ್ ಶಮರ್ ಜೋಸೆಫ್ ಪದಾರ್ಪಣೆ ನಿರೀಕ್ಷೆಯಲ್ಲಿದ್ದಾರೆ.
ಪಂಜಾಬ್ಗೆ ಆಲ್ರೌಂಡರ್ಸ್ ಬಲ
ನಾಯಕ ಶಿಖರ್ ಧವನ್ ಐಪಿಎಲ್ನಲ್ಲಿ ಸಾಧಾರಣ ಸ್ಟ್ರೈಕ್ರೇಟ್ ಹೊಂದಿದ್ದು, ಪವರ್ ಪ್ಲೇಯಲ್ಲಿ ಬಿರುಸಿನ ಬ್ಯಾಟಿಂಗ್ ಅವಶ್ಯಕತೆ ಎಂದು ಸ್ವತ@ ಒಪ್ಪಿಕೊಂಡಿದ್ದಾರೆ. ಜಾನಿ ಬೇರ್ಸ್ಟೋ ಕಳಪೆ ಫಾರ್ಮ್ ತಂಡಕ್ಕೆ ದೊಡ್ಡ ತಲೆನೋವಾಗಿದೆ. ಜಿತೇಶ್ ಶರ್ಮ ಉಪನಾಯಕರಾದ ಬಳಿಕ ರನ್ಬರ ಎದುರಿಸಿದ್ದಾರೆ. ಆಲ್ರೌಂಡರ್ಗಳಾದ ಲಿಯಾಮ್ ಲಿವಿಂಗ್ಸ್ಟೋನ್, ಸ್ಯಾಮ್ ಕರನ್ ಮೇಲೆ ಪಂಜಾಬ್ ಹೆಚ್ಚು ಅವಲಂಬಿತವಾಗಿದೆ. ಬೌಲಿಂಗ್ನಲ್ಲಿ ಕಗಿಸೊ ರಬಾಡಗೆ ಇತರ ವೇಗಿಗಳಿಂದ ಸಾಥ್ ಬೇಕಿದೆ. ಅರ್ಷದೀಪ್ ಸಿಂಗ್ ಹಾಗೂ ಹರ್ಷಲ್ ಪಟೇಲ್ ಹಿಂದಿನ ಪಂದ್ಯದಲ್ಲಿ ದುಬಾರಿ ಎನಿಸಿದ್ದರು. ಅನುಭವಿ ಸ್ಪಿನ್ನರ್ಗಳ ಕೊರತೆ ತಂಡಕ್ಕಿದೆ.
ಮುಖಾಮುಖಿ: 3
ಲಖನೌ: 2
ಪಂಜಾಬ್: 1
ಆರಂಭ: ರಾತ್ರಿ 7.30
ನೇರಪ್ರಸಾರ: ಸ್ಟಾರ್ ಸ್ಪೋರ್ಟ್ಸ್, ಜಿಯೋ ಸಿನಿಮಾ
ಮುಂಬೈ ಇಂಡಿಯನ್ಸ್ ತಂಡದೊಳಗೆ ಎರಡು ಬಣ! ಹಾರ್ದಿಕ್-ರೋಹಿತ್ ಪರ ಗುಂಪುಗಳಲ್ಲಿ ಆಟಗಾರರ ವಿಭಜನೆ!