ನ್ಯೂಯಾರ್ಕ್: ಸಾಮಾಜಿಕ ಜಾಲತಾಣದಲ್ಲಿ ಪ್ರತಿನಿತ್ಯ ಸಾಕಷ್ಟು ವಿಡಿಯೋಗಳು ಪೋಸ್ಟ್ ಆಗುತ್ತಿರುತ್ತವೆ. ಆದರೆ, ಕೆಲವೊಂದು ವಿಡಿಯೋಗಳು ಕ್ಷಣಾರ್ಧದಲ್ಲಿ ವೈರಲ್ ಆಗಿಬಿಡುತ್ತವೆ. ಅದಕ್ಕೆ ತಾಜಾ ಉದಾಹರಣೆ ಎಂಬಂತೆ ಹಿಂದೆಯಿಂದ ಮೊಸಳೆಯೊಂದು ಹತ್ತಿರ ಬರುತ್ತಿದ್ದರೂ ವ್ಯಕ್ತಿಯೊಬ್ಬ ಕೂಲ್ ಆಗಿ ಗಾಲ್ಫ್ ಆಡುತ್ತಿರುವ ವಿಡಿಯೋವೊಂದು ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
ವಿಡಿಯೋವನ್ನು ಮೆಲಿಸ್ಸಾ ವಾಲ್ಶ್ ಎಂಬುವರು ತಮ್ಮ ಫೇಸ್ಬುಕ್ನಲ್ಲಿ ಜೂನ್ 27ರಂದು ಶೇರ್ ಮಾಡಿಕೊಂಡಿದ್ದು, ಗಾಲ್ಫ್ ಮೈದಾನದಲ್ಲಿ ಪತಿ ಎಂಬ ಶೀರ್ಷಕೆ ನೀಡಿದ್ದಾರೆ. ಫ್ಲೊರಿಡಾದ ನ್ಯಾಪ್ಲೆಸ್ನಲ್ಲಿ ಸೆರೆಹಿಡಿದ ವಿಡಿಯೋ ಇದಾಗಿದೆ.
ವಿಡಿಯೋದಲ್ಲಿರುವ ವ್ಯಕ್ತಿಯನ್ನು ಮೈಕೆಲ್ ವೆಸ್ಟ್ ಎಂದು ಗುರುತಿಸಲಾಗಿದೆ. ಗಾಲ್ಫ್ ಹೊಡೆತಕ್ಕೆ ಸಿದ್ಧವಾಗಿ ನಿಂತಿರುವಾಗ ಹಿಂಬದಿಯಿಂದ ಮೊಸಳೆಯೊಂದು ಮೈಕೆಲ್ ವೆಸ್ಟ್ ಕಡೆಗೆ ಹೊಂಚು ಹಾಕಿಕೊಂಡು ಬರುತ್ತಿರುವಂತೆ ಕಾಣುತ್ತದೆ. ಮೊಸಳೆ ಬರುತ್ತಿರುವುದನ್ನು ಮೈಕೆಲ್ ಗಮನಿಸಿದರೂ ಕೂಲ್ ಆಗಿಯೇ ಗಾಲ್ಫ್ ಚೆಂಡನ್ನು ತಮ್ಮ ಗುರಿಯೆಡೆಗೆ ಬಾರಿಸುತ್ತಾರೆ. ಗಾಲ್ಫ್ ಶಾಟ್ ಬಾರಿಸಿದ ಕೂಡಲೇ ನಡೆದುಬರುತ್ತಿದ್ದ ಮೊಸಳೆ ಹಾಗೇ ನೆಲದ ಮೇಲೆ ಮಲಗಿಬಿಡುತ್ತದೆ.
ಅಂದಹಾಗೆ ಮೈಕೆಲ್ ವೆಸ್ಟ್ ಗಾಲ್ಫ್ ಆಡುವಾಗ ಅವರ ಪತ್ನಿಯೇ ಈ ವಿಡಿಯೋ ಸೆರೆಹಿಡಿದಿದ್ದಾರೆ. 14 ಸೆಕೆಂಡ್ ಉದ್ದದ ವಿಡಿಯೋ ತುಣುಕು ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಡ್ಯೂಡ್ ಸ್ವಿಂಗ್ ನಂತರ ಮೊಸಳೆ ಕೆಳಗೆ ಬೀಳುವುದನ್ನು ನೋಡಿ ನನಗೆ ಖುಷಿಯಾಯಿತು ಎನ್ನುವ ಮೂಲಕ ಸಾಕಷ್ಟು ನೆಟ್ಟಿಗರು ಕಾಮೆಂಟ್ ಮಾಡಿದ್ದಾರೆ. (ಏಜೆನ್ಸೀಸ್)
ಕಿಯಾರಾ ಗೆಲುವಿನ ವೈಯ್ಯಾರ; ಸಿದ್ಧಾರ್ಥ್ ಬಗ್ಗೆ ಬೇಡ, ಸಕ್ಸಸ್ ಬಗ್ಗೆ ಮಾತು..
ಮತ್ತೆ ಒಂದಾಗಲಿದ್ದಾರೆ ಪ್ರಭಾಸ್-ಅನುಷ್ಕಾ; ಕಾಮಿಡಿ ಚಿತ್ರದಲ್ಲಿ ಮಿರ್ಚಿ ಜೋಡಿ
ಆಯುಷ್ಮಾನ್ ಅಯೋಮಯ!; ತುರ್ತು ಚಿಕಿತ್ಸೆಗೆ ಪರದಾಟ, ಖಾಸಗಿ ಆಸ್ಪತ್ರೆಗೆ ದಾಖಲಾದರೆ ಸಂಕಷ್ಟ..