ಲಂಡನ್: ಮುಂದಿನ ಯುನೈಟೆಡ್ ಕಿಂಗ್ಡಮ್ ಪ್ರಧಾನಿ ಸ್ಥಾನಕ್ಕೆ ನಡೆಯಲಿರುವ ಚುನಾವಣೆಯು ವಿಳಂಬವಾಗಲಿದೆ ಎಂಬ ಮಾಹಿತಿ ಬಂದಿದೆ. ಸೈಬರ್ ದಾಳಿಕೋರರು ಮತಯಂತ್ರವನ್ನು ಹ್ಯಾಕ್ ಮಾಡಿ ಸದಸ್ಯರ ಮತವನ್ನು ಬದಲಾಯಿಸುವ ಸಾಧ್ಯತೆ ಇದೆ ಎಂದು ಜಿಸಿಎಚ್ಕ್ಯೂ ಬೇಹುಗಾರಿಕಾ ಸಂಸ್ಥೆ ಎಚ್ಚರಿಕೆ ನೀಡಿರುವ ಹಿನ್ನೆಲೆಯಲ್ಲಿ ಮತದಾನ ವಿಳಂಬವಾಗಲಿದೆ.
ಹ್ಯಾಕ್ ಮಾಡುವ ಬಗ್ಗೆ ನಿಖರವಾದ ಮಾಹಿತಿ ಇಲ್ಲವಾದರೂ ಮತದಾನ ಪ್ರಕ್ರಿಯೆ ಮತ್ತು ಅದರ ದೋಷಗಳ ಬಗ್ಗೆ ಸಾಕಷ್ಟು ಸಲಹೆಗಳು ಬಂದಿವೆ. ಈ ಆತಂಕದ ಪರಿಣಾಮ ಸ್ಪರ್ಧೆಯ ನಂತರದಲ್ಲಿ ಸದಸ್ಯರು ತಮ್ಮ ಮತವನ್ನು ಮುಂದಿನ ನಾಯಕನಿಗೆ ಬದಲಾಯಿಲು ಇರುವ ಅವಕಾಶದ ಯೋಜನೆಯನ್ನು ಕೈಬಿಡುವಂತೆ ಕನ್ಸರ್ವೇಟಿವ್ ಪಕ್ಷ ಒತ್ತಾಯಿಸಿದೆ.
ಪಕ್ಷದ ಸುಮಾರು 160,000 ಸದಸ್ಯರಿಗೆ ಅಂಚೆ ಮತಪತ್ರಗಳನ್ನು ಇನ್ನೂ ನೀಡಿಲ್ಲ. ಇದರಿಂದ ಅವರು ಆಗಸ್ಟ್ನಲ್ಲಿ ತಡವಾಗಿ ಆಗಮಿಸಬಹುದು ಎಂದು ಎಚ್ಚರಿಕೆ ನೀಡಲಾಗಿದೆ. ಆದರೆ, ಮತಪತ್ರಗಳನ್ನು ಸೋಮವಾರದಿಂದ ಎಲ್ಲರಿಗೂ ಕಳುಹಿಸಲಾಗುವುದು ಎಂದು ಪಕ್ಷ ಹೇಳಿದೆ. ಹ್ಯಾಕಿಂಗ್ ಬೆದರಿಕೆ ಹಿನ್ನೆಲೆಯಲ್ಲಿ ಮತಯಂತ್ರದ ಬದಲು ಮತಪತ್ರದ ಮೊರೆಹೋಗುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ.
ಬೋರಿಸ್ ಜಾನ್ಸನ್ ರಾಜೀನಾಮೆಯಿಂದ ತೆರವಾಗಿರುವ ಸ್ಥಾನಕ್ಕೆ ಇದೀಗ ಅಂತಿಮ ಸುತ್ತಿನ ಚುನಾವಣೆ ಬಾಕಿ ಇದೆ. ಕಣದಲ್ಲಿ ಮಾಜಿ ಹಣಕಾಸು ಸಚಿವ ಹಾಗೂ ಇನ್ಫೋಸಿಸ್ ನಾರಾಯಣಮೂರ್ತಿ ಅಳಿಯ ರಿಷಿ ಸುನಕ್ ಮತ್ತು ವಿದೇಶಾಂಗ ಕಾರ್ಯದರ್ಶಿ ಲೀಸ್ ಟ್ರಾಸ್ ನಡುವೆ ತೀವ್ರ ಪೈಪೋಟಿ ಏರ್ಪಟ್ಟಿದೆ.
ಕನ್ಸರ್ವೇಟಿವ್ ಪಕ್ಷದ ಸದಸ್ಯರ ಅಭಿಪ್ರಾಯ ಸಂಗ್ರಹಣೆಯಲ್ಲಿ ಟ್ರಾಸ್ ಮುಂಚೂಣಿಯಲ್ಲಿದ್ದು, ವಾರಗಳ ಮತದಾನದ ನಂತರ ಸೆಪ್ಟೆಂಬರ್ 5 ರಂದು ಯಾರು ಮುಂದಿನ ಪ್ರಧಾನಿಯಾಗಬೇಕೆಂದು ನಿರ್ಧರಿಸುತ್ತಾರೆ. (ಏಜೆನ್ಸೀಸ್)
ಅಮೆರಿಕ ಸ್ಪೀಕರ್ ಭೇಟಿಗೆ ಕೆರಳಿದ ಚೀನಾ: ತೈವಾನ್ ವಾಯುರಕ್ಷಣಾ ವಲಯಕ್ಕೆ 21 ಯುದ್ಧ ವಿಮಾನ ಎಂಟ್ರಿ
ಭಾರೀ ಮಳೆಗೆ ಧರೆಗುರುಳಿ ಕಾರಿನ ಮೇಲೆ ಬಿದ್ದ ಮರ: ಕರೆ ಮಾಡಿ ತಿಳಿಸಿದ್ರು ಕ್ಯಾರೆ ಎನ್ನದ ಬಿಬಿಎಂಪಿ ಸಿಬ್ಬಂದಿ
ಸಮಾವೇಶ.. ಹಲವು ಸಂದೇಶ: ಸಿದ್ದರಾಮಯ್ಯ ಕೇಂದ್ರಬಿಂದು; ಬಿಜೆಪಿ, ಜೆಡಿಎಸ್ಗೂ ತಳಮಳ