ಮುಂಬೈ: ತಾರಾ ದಂಪತಿಯಾದ ಸ್ಟಾರ್ ಕ್ರಿಕೆಟಿಗ ವಿರಾಟ್ ಕೊಹ್ಲಿ ಮತ್ತು ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ ಮುಂಬೈನ ಅಲಿಬಾಗ್ ಏರಿಯಾದಲ್ಲಿ 8 ಎಕರೆಯ ಫಾರ್ಮ್ ಹೌಸ್ ಅನ್ನು ಕೊಂಡುಕೊಂಡಿದ್ದಾರೆ.
ಅಲಿಬಾಗ್ ಬಳಿಯಿರುವ ಜಿರಾದ್ ಗ್ರಾಮದಲ್ಲಿ ಈ ಎಂಟು ಎಕರೆ ಫಾರ್ಮ್ ಹೌಸ್ ಕಂಡುಬರುತ್ತದೆ. ವಿರುಷ್ಕಾ ದಂಪತಿ ಬರೋಬ್ಬರಿ 19.24 ಕೋಟಿ ರೂಪಾಯಿ ಕೊಟ್ಟು ಫಾರ್ಮ್ ಹೌಸ್ ಖರೀದಿ ಮಾಡಿದ್ದಾರೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.
ಸರ್ಕಾರದ ಖಜಾನೆ ದಂಪತಿ ಈಗಾಗಲೇ 1.15 ಕೋಟಿ ರೂಪಾಯಿ ಡೆಪಾಸಿಟ್ ಮಾಡಿದ್ದು, ವಿರಾಟ್ ಸಹೋದರ ವಿಕಾಸ್ ಕೊಹ್ಲಿ, ಗಣೇಶ ಚತುರ್ಥಿಗು ಮುನ್ನವೇ ಹಣವನ್ನು ವರ್ಗಾವಣೆ ಮಾಡಿದ್ದಾರೆ.
ಸದ್ಯ ಕೊಹ್ಲಿ ದುಬೈನಲ್ಲಿ ಏಷ್ಯಾ ಕಪ್ನಲ್ಲಿ ಭಾಗವಹಿಸಿದ್ದಾರೆ. ಹಣ ವರ್ಗಾವಣೆಯನ್ನು ಪ್ರಖ್ಯಾತ ರಿಯಲ್ ಎಸ್ಟೇಟ್ ಕಂಪನಿ ಸಮಿರಾ ಹ್ಯಾಬಿಟಟ್ಸ್ ಮೂಲಕ ಮಾಡಿರುವುದಾಗಿ ತಿಳಿದುಬಂದಿದೆ. ಆರು ತಿಂಗಳ ಹಿಂದೆಯೇ ವಿರುಷ್ಕಾ ಸ್ಥಳಕ್ಕೆ ಭೇಟಿ ನೀಡಿ, ಪರಿಶೀಲನೆ ನಡೆಸಿದ್ದರು. ಕ್ರಿಕೆಟ್ನಲ್ಲಿ ಬಿಜಿಯಾಗಿದ್ದರಿಂದ ಸ್ವತಃ ಅವರು ಬಂದು ವ್ಯವಹರಿಸಲು ಸಾಧ್ಯವಾಗಿಲ್ಲ. ಹೀಗಾಗಿ ಸಹೋದರ ವಿಕಾಸ್ ಕೊಹ್ಲಿ ಎಲ್ಲ ಪ್ರಕ್ರಿಯೆಯನ್ನು ನೋಡಿಕೊಳ್ಳುತ್ತಿದ್ದಾರೆ.
ಉದ್ಯಮಿಗಳ ಜೊತೆಗೆ, ಚಲನಚಿತ್ರ ನಟರು ಮತ್ತು ಕ್ರಿಕೆಟಿಗರು ಅಲಿಬಾಗ್‌ನ ರಮಣೀಯ ಪರಿಸರದಲ್ಲಿ ಭೂಮಿಯನ್ನು ಖರೀದಿಸುವುದು ಸಾಮಾನ್ಯವಾಗಿದ್ದು, ಅಲ್ಲಿ ಅವರು ಹಳ್ಳಿಗಾಡಿನ ಮನೆಗಳನ್ನು ನಿರ್ಮಿಸುತ್ತಿದ್ದಾರೆ. (ಏಜೆನ್ಸೀಸ್)
ಯಾರಾಗಲಿದ್ದಾರೆ ಬಿಗ್ಬಾಸ್ ಒಟಿಟಿ ಸೀಸನ್ ವಿನ್ನರ್? ನೆಟ್ಟಿಗರ ಈ ಊಹೆ ನಿಜವಾಗುತ್ತಾ?
ಜನಾಕ್ರೋಶಕ್ಕೆ ಹೆದರಿ ದೇಶ ಬಿಟ್ಟು ಪರಾರಿಯಾಗಿದ್ದ ಲಂಕಾದ ಮಾಜಿ ಅಧ್ಯಕ್ಷ ತವರಿಗೆ ವಾಪಸ್!