ಮನಿಲಾ: ಹದಿನೆಂಟರ ಯುವತಿ ಮತ್ತು ಎಪ್ಪತೆಂಟರ ಮುದುಕನ ನಡುವಿನ ಅಸಾಮಾನ್ಯ ಪ್ರೇಮಕತೆಯೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ಇನ್ನೂ ಮದುವೆಯಾಗದೆ ಹೆಣ್ಣಿಗಾಗಿ ಪರಿತಪಿಸುತ್ತಿರುವ ಗಂಡು ಮಕ್ಕಳ ಹೊಟ್ಟೆ ಬೆಂಕಿಯಿಟ್ಟಂತಾಗಿದೆ. ವಯಸ್ಸಿನಲ್ಲಿ ಅಜಗಜಾಂತರ ವ್ಯತ್ಯಾಸ ಇರುವ ಇಬ್ಬರ ಲವ್ ಸ್ಟೋರಿಯನ್ನು ಕೇಳಿದ್ರೆ ನಿಮ್ಮ ಹುಬ್ಬೇರುವುದರಲ್ಲಿ ಯಾವುದೇ ಸಂಶಯವಿಲ್ಲ.
ಅಂದಹಾಗೆ ಈಗ ನಾವು ಹೇಳುತ್ತಿರುವುದು 18 ವರ್ಷದ ಹಲಿಮಾ ಅಬ್ದುಲ್ಲಾ ಮತ್ತು 78 ವರ್ಷದ ರಶಾದ್ ಮಂಗಕೋಪ್ ಅವರ ಲವ್ ಸ್ಟೋರಿಯ ಬಗ್ಗೆ. ಇಬ್ಬರು ಈಗಾಗಲೇ ಮದುವೆ ಸಹ ಆಗಿದ್ದಾರೆ. ಇವರು ಫಿಲಿಪ್ಪೈನ್ಸ್ ದೇಶದವರು. ಫಿಲಿಪ್ಪೈನ್ಸ್ ಅಂದಮೇಲೆ ಕೇಳಬೇಕಾ, ಅಲ್ಲಿ ವಯಸ್ಸಿನ ಭಾರಿ ಅಂತರದ ಮದುವೆಗಳು ಸರ್ವೇ ಸಾಮಾನ್ಯ.
ಇನ್ನು ಹಲಿಮಾ ಮತ್ತು ರಶಾದ್ ಅವರದ್ದು ಲವ್ ಅಟ್ ಫಸ್ಟ್ ಸೈಟ್. ಮೊದಲ ಬಾರಿಗೆ ಇಬ್ಬರು ಮದುವೆ ಸಮಾರಂಭದ ಡಿನ್ನರ್ ಪಾರ್ಟಿಯಲ್ಲಿ ಭೇಟಿಯಾದರು. ಮೊದಲ ನೋಟದಲ್ಲೇ ಇಬ್ಬರ ನಡುವೆ ಪ್ರೇಮಾಂಕುರವಾಯಿತಂತೆ. ಬಳಿಕ ಇಬ್ಬರು ಡೇಟಿಂಗ್ ಆರಂಭಿಸಿದರು. ಮೂರು ವರ್ಷಗಳ ಕಾಲ ಡೇಟಿಂಗ್ ನಡೆಸಿದ ಅಸಾಮಾನ್ಯ ಜೋಡಿ, ಇದೀಗ ಕುಟುಂಬದವರ ಒಪ್ಪಿಗೆಯನ್ನು ಪಡೆದು ಮದುವೆ ಆಗಿದ್ದಾರೆ.
ಇಬ್ಬರ ನಡುವೆ 60 ವರ್ಷ ವಯಸ್ಸಿನ ಅಂತರವಿದೆ. ಇಬ್ಬರು ಇದುವರೆಗೂ ಒಮ್ಮೆಯು ಪ್ರೀತಿಯ ಬಲೆಯಲ್ಲಿ ಬಿದ್ದಿಲ್ಲ ಎಂದು ಹೇಳಿಕೊಂಡಿದ್ದಾರೆ. ಮೂಲಗಳ ಪ್ರಕಾರ ಹಲಿಮಾಳೇ ರಶಾದ್ ಪ್ರೀತಿಯ ಬಲೆಯಲಿ ಬಿದ್ದಳಂತೆ. ರಶಾದ್ಗೆ ಈವರೆಗೂ ಮದುವೆ ಆಗಿಲ್ಲದಿರುವುದು ಸಹ ಆತನ ಮೇಲಿನ ಪ್ರೀತಿಗೆ ಕಾರಣವಂತೆ. ಇಬ್ಬರ ಮದುವೆಗೆ ಮನೆಯವರು ಒಪ್ಪಿಕೊಳ್ಳಲು ಕೂಡ ಇದೇ ಕಾರಣವಂತೆ.
ಇವರಿಬ್ಬರ ಲವ್ ಸ್ಟೋರಿ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದು, ಮಿಶ್ರ ಪ್ರತಿಕ್ರಿಯೆಯನ್ನು ಪಡೆದುಕೊಳ್ಳುತ್ತಿದೆ. ಇಸ್ಲಾಮಿಕ್ ಪದ್ಧತಿಯಂತೆ ಈ ಅಸಾಮಾನ್ಯ ಜೋಡಿ ವಿವಾಹವಾದರು. (ಏಜೆನ್ಸೀಸ್)
ಸೆಟ್ಟೇರಿತು ನಿರ್ದೇಶಕ ಪವನ್ ಒಡೆಯರ್ ಅವರ ಮೊದಲ ಹಿಂದಿ ಸಿನಿಮಾ: ಚಿತ್ರಕ್ಕೆ ‘ನೋಟರಿ’ ಟೈಟಲ್
ಸತ್ತವನನ್ನೇ ಮದ್ವೆಯಾದ ಖತರ್ನಾಕ್ ಬಾರ್ ಗರ್ಲ್! ಪಾದ್ರಿ ನೀಡಿದ ಸಾಥ್: 20 ಕೋಟಿ ರೂ. ಗುಳುಂ
ಅಮೆರಿಕದಲ್ಲಿ ಕಿಡ್ನ್ಯಾಪ್ ಆಗಿದ್ದ ಭಾರತೀಯ ಮೂಲದ ಒಂದೇ ಕುಟುಂಬದ ನಾಲ್ವರು ಶವವಾಗಿ ಪತ್ತೆ