ಚೆನ್ನೈ: ಸಿನಿಮಾ ಹೊರತು ಪಡಿಸಿದರೆ ಕಾಲಿವುಡ್ ಸೂಪರ್ಸ್ಟಾರ್ ಅಜಿತ್ ಓರ್ವ ವೃತ್ತಿಪರ ಬೈಕ್ ರೇಸರ್ ಎಂಬುದು ಎಲ್ಲರಿಗು ತಿಳಿದಿದೆ. ತಾವು ನಟಿಸಿರುವ ಹಾಗೂ ಬಿಡುಗಡೆಗೆ ಸಜ್ಜಾಗಿರುವ “ವಾಲಿಮೈ” ಚಿತ್ರದಲ್ಲೂ ಅಜಿತ್ ಬೈಕ್ ರೇಸರ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ನಿನ್ನೆಯಷ್ಟೇ ಆ ಚಿತ್ರದ ಟೀಸರ್ ಬಿಡುಗಡೆಯಾಗಿದ್ದು, ದೇಶಾದ್ಯಂತ ಸಂಚಲನ ಮೂಡಿಸಿದೆ.
ಇದರ ನಡುವೆ ಅಜಿತ್ ಹೊಸ ಸಾಹಸಕ್ಕೆ ಕೈ ಹಾಕಿದ್ದಾರೆ. ಅವರ ಅಭಿಮಾನಿಗಳ ಪಾಲಿಗೆ ಇದು ಸಂತಸದ ವಿಚಾರವೂ ಹೌದು. ಏನೆಂದರೆ, ಬೈಕ್ನಲ್ಲೇ ವಿಶ್ವ ಪರ್ಯಟನೆಯನ್ನು ಅಜಿತ್ ಆರಂಭಿಸಿದ್ದಾರೆ. ಇದು ಅಜಿತ್ ಅವರ ಬಹುದಿನಗಳ ಯೋಜನೆ ಆಗಿದೆ. ವಿಶ್ವ ಪರ್ಯಟನೆ ಆರಂಭಿಸಿರುವ ಅಜಿತ್ ಅವರ ಫೋಟೋ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಸಂಚಲನ ಮೂಡಿಸಿದೆ.
ವೈರಲ್ ಫೋಟೋದಲ್ಲಿ ತಲಾ ಅಜಿತ್, ರೇಸಿಂಗ್ ಧಿರಿಸು ಮತ್ತು ಹೆಲ್ಮೆಟ್ ಧರಿಸಿ ಬಿಎಂಡಬ್ಲ್ಯು 12000ಜಿಎಸ್ ಸ್ಫೋರ್ಟ್ಸ್ ಬೈಕ್ ಏರಿ ಫೋಸ್ ನೀಡಿದ್ದಾರೆ. ಇನ್ನು ಬೈಕ್ನ ಬೆಲೆ ಕೇಳಿದ್ರೆ ನಿಮಗೆ ಅಚ್ಚರಿಯಾಗಬಹುದು. ಬರೋಬ್ಬರಿ 25 ಲಕ್ಷ ರೂಪಾಯಿ ಅಧಿಕ ಮೌಲ್ಯವನ್ನು ಈ ಬೈಕ್ ಹೊಂದಿದೆ.
ಅಜಿತ್ ಇತ್ತೀಚೆಗೆ ವಿಶ್ವ ಖ್ಯಾತಿಯ ಮಹಿಳಾ ಬೈಕರ್ ಮರಲಾ ಯಜರ್ಲೂ ಎಂಬುವರನ್ನು ಭೇಟಿಯಾಗಿ ಅವರ ಅನುಭವದ ಬಗ್ಗೆ ತಿಳಿದುಕೊಂಡಿದ್ದಾರೆ ಮತ್ತು ವಿಶ್ವಾದ್ಯಂತ ಬೈಕ್ ಸವಾರಿ ಮಾಡಲು ಅವರಿಂದ ಕೆಲವೊಂದು ಸಲಹೆಯನ್ನು ಪಡೆದುಕೊಂಡಿದ್ದಾರೆ.
ಇನ್ನು ಸಿನಿಮಾ ವಿಚಾರಕ್ಕೆ ಬಂದರೆ ಅಜಿತ್ ಅವರ ಮುಂದಿನ ಚಿತ್ರ ವಾಲಿಮೈ. ಈಗಾಗಲೇ ಬ್ಯಾಕ್ ಟು ಬ್ಯಾಕ್ ಬ್ಲಾಕ್ ಬಸ್ಟರ್ ಸಿನಿಮಾಗಳನ್ನು ನೀಡಿರುವ ಅಜಿತ್ಗೆ ದಕ್ಷಿಣ ಭಾರತದಲ್ಲಿ ಒಳ್ಳೆಯ ಫ್ಯಾನ್ಸ್ ಬೇಸ್ ಇದೆ. ನಿನ್ನೆಯಷ್ಟೇ ಅವರ ಟೀಸರ್ ಬಿಡುಗಡೆಯಾಗಿದ್ದು, ಅಭಿಮಾನಿಗಳ ನಿರೀಕ್ಷೆಯನ್ನು ದುಪ್ಪಟ್ಟಾಗಿಸಿದೆ. ಈ ಚಿತ್ರವನ್ನು ಎಚ್. ವಿನೋದ್ ನಿರ್ದೇಶಿಸಿದ್ದಾರೆ. ಬೋನಿ ಕಪೂರ್ ಅವರು ಜೀ ಸ್ಟುಡಿಯೋ ಮತ್ತು ಬೇವೀವ್ ಪ್ರಾಜೆಕ್ಟ್ ಎಲ್ಎಲ್ಪಿ ಸಹಯೋಗದಲ್ಲಿ ಚಿತ್ರವನ್ನು ನಿರ್ಮಾಣ ಮಾಡಿದ್ದು, 2022ರ ಸಂಕ್ರಾಂತಿ ಹಬ್ಬಕ್ಕೆ ಚಿತ್ರ ತೆರೆಗೆ ಅಪ್ಪಳಿಸಲಿದೆ. (ಏಜೆನ್ಸೀಸ್)
ಬಾ ನಲ್ಲೆ ಮಧುಚಂದ್ರಕೆ ಫಿಲ್ಮ್ ನೋಡಿ ಪತ್ನಿ ಹತ್ಯೆಗೆ ಸಂಚು: ಪೊಲೀಸರ ಮುಂದೆ ಸ್ಫೋಟಕ ರಹಸ್ಯ ಬಿಚ್ಚಿಟ್ಟ ಗಂಡ!
ಪ್ರೀತಿಸಿ ಮದ್ವೆ ಆದವಳು ಪಕ್ಕದ ಮನೆಯವನ ಜತೆ ಎಸ್ಕೇಪ್! ಮನನೊಂದು ಗಂಡ ಆತ್ಮಹತ್ಯೆಗೆ ಶರಣು
ಹಾವು ನುಂಗುವ ಸಾಹಸಕ್ಕೆ ಕೈ ಹಾಕಿದ ಕೃಷಿಕ: 2 ಬಾರಿ ಬಚಾವ್ ಆದವನಿಗೆ 3ನೇ ಬಾರಿ ಅದೃಷ್ಟ ಕೈಕೊಟ್ಟಿತು..!