ವಿಜಯವಾಡ: ಸಿನಿಮಾ ಟಿಕೆಟ್ ದರದ ವಿಚಾರವಾಗಿ ಆಂಧ್ರ ಪ್ರದೇಶ ಸರ್ಕಾರ ಮತ್ತು ತೆಲುಗು ಸಿನಿಮಾ ಇಂಡಸ್ಟ್ರಿ ನಡುವಿನ ಮುಸುಕಿನ ಗುದ್ದಾಟ ಮುಂದುವರಿದಿದೆ. ತೆಲುಗು ಸಿನಿಮಾ ಇಂಡಸ್ಟ್ರಿಯನ್ನು ಆಂಧ್ರ ಸರ್ಕಾರ ದಮನ ಮಾಡುವ ನೀತಿಯನ್ನು ಅನುಸರಿಸುತ್ತಿದೆ ಎಂದು ಆರೋಪ ಕೇಳಿಬಂದಿದ್ದು, ಇದೀಗ ವೈರಲ್ ಆಗಿರುವ ಫೋಟೋವೊಂದು ಅದಕ್ಕೆ ಪುಷ್ಟಿ ನೀಡುವಂತಿದೆ.
ವೈರಲ್ ಆಗಿರುವ ಫೋಟೋದಲ್ಲಿ ತೆಲಂಗಾಣದ ಸಿನಿಮಾ ಹಾಲ್ ಪಾರ್ಕಿಂಗ್ ದರ ಮತ್ತು ಆಂಧ್ರದ ಸಿನಿಮಾ ಟಿಕೆಟ್ ದರವನ್ನು ಹೋಲಿಕೆ ಮಾಡಲಾಗಿದೆ. ಅದರಲ್ಲಿ ಸಿನಿಮಾ ಟಿಕೆಟ್ ದರಕ್ಕಿಂತ ಪಾರ್ಕಿಂಗ್ ದರವೇ ಹೆಚ್ಚಿದೆ. ಆಂಧ್ರದ ಬಾಲ್ಕನಿ ಟಿಕೆಟ್ ದರಕ್ಕಿಂತ ತೆಲಂಗಾಣದ ಪಾರ್ಕಿಂಗ್ ದರವೇ ಹೆಚ್ಚಿದೆ.
ತೆಲಂಗಾಣದ ಚಿತ್ರಮಂದಿರಗಳಲ್ಲಿ ವಾಹನ ಪಾರ್ಕಿಂಗ್ ದರ 30 ರೂಪಾಯಿ ಇದೆ. ಆದರೆ, ಆಂಧ್ರದಲ್ಲಿ ಟಿಕೆಟ್ ಬೆಲೆ ಬಾಲ್ಕನಿ 20, ಫಸ್ಟ್ ಕ್ಲಾಸ್ 15 ಹಾಗೂ ಸೆಕೆಂಡ್ ಕ್ಲಾಸ್ 10 ರೂ. ಇದೆ. ಸರ್ಕಾರದ ಟಿಕೆಟ್ ಬೆಲೆ ಇಳಿಸಿರುವ ಪರಿಣಾಮ ಮೂಲ ಖರ್ಚು ವೆಚ್ಚವನ್ನು ಸಹ ಮರುಪಡೆಯಲು ಸಾಧ್ಯವಾಗುತ್ತಿಲ್ಲ ಎಂದು ಸಿನಿಮಾ ಪ್ರದರ್ಶಕರು ಮತ್ತು ವಿತರಕರು ಅಸಮಾಧಾನ ಹೊರಹಾಕಿದ್ದಾರೆ.
ಕಡಿಮೆ ಟಿಕೆಟ್ ದರ ನಿಗದಿಯಿಂದಾಗಿ ಆಂಧ್ರದದಲ್ಲಿ ಅನೇಕ ಸಿನಿಮಾ ಮಂದಿರಗಳನ್ನು ಬಂದ್ ಮಾಡಲಾಗಿದೆ. ಟಿಕೆಟ್ ದರ ಮಾತ್ರವಲ್ಲದೆ, ಸಿನಿಮಾ ಹಾಲ್ ಸುರಕ್ಷತಾ ಕ್ರಮಗಳ ಬಗ್ಗೆಯೂ ಸರ್ಕಾರ ಕಟ್ಟುನಿಟ್ಟಾದ ಕ್ರಮ ಕೈಗೊಂಡಿದ್ದು, ಸುರಕ್ಷತಾ ಕ್ರಮ ಪಾಲಿಸದ 15 ಚಿತ್ರಮಂದಿಗಳನ್ನು ಸರ್ಕಾರ ಸೀಜ್ ಮಾಡಿದೆ.
ಆಂಧ್ರ ಸರ್ಕಾರದ ಈ ಕ್ರಮವನ್ನು ಪ್ರಶ್ನಿಸಿದ ತೆಲುಗು ಚಿತ್ರರಂಗ ಕೂಡ ಕೋರ್ಟ್ ಮೆಟ್ಟಿಲೇರಿದೆ. ಅಲ್ಲದೆ, ನಾನಿ ಸೇರಿದಂತೆ ಅನೇಕ ನಟರು ಕೂಡ ಸರ್ಕಾರದ ಕ್ರಮವನ್ನು ಬಹಿರಂಗವಾಗಿಯೇ ಟೀಕಿಸಿದ್ದಾರೆ. ಸದ್ಯ ಈ ಪರಿಸ್ಥಿತಿ ಹೀಗೆ ಮುಂದುವರಿದರೆ ಆರ್ಆರ್ಆರ್ ಮತ್ತು ರಾಧೆ ಶ್ಯಾಮ್ ಚಿತ್ರದ ಗಳಿಕೆಯ ಮೇಲೆ ತೀವ್ರ ಪರಿಣಾಮ ಬೀರಲಿದೆ. (ಏಜೆನ್ಸೀಸ್)
ರಾಕಿ ಭಾಯ್ ಗಡ್ಡಕ್ಕೆ ಮುಕ್ತಿ ಯಾವಾಗ? ಕೆಜಿಎಫ್-2 ಬಗ್ಗೆ ಯಶ್ ಹೇಳಿದ್ದೇನು….?
ಡಿಸೆಂಬರ್ 31ರಂದು ಬಂದ್ಗೆ ಕರೆ ನೀಡಿರುವುದು ಕನ್ನಡಕ್ಕೆ ಮಾಡಿದ ದ್ರೋಹ: ನಟ ಶಿವರಾಜ್ಕುಮಾರ್
ಸಾರ್ವಜನಿಕರ ಕ್ಷಮೆಯಾಚಿಸದಿದ್ರೆ ಭಾರತದಲ್ಲಿ ಉಳಿಯಲು ಬಿಡುವುದಿಲ್ಲ: ಸನ್ನಿ ಲಿಯೋನ್ಗೆ ಅರ್ಚಕರ ಎಚ್ಚರಿಕೆ
ಮಕ್ಕಳ ಪಡೆಯಲೂ ಸಿಗುತ್ತೆ ಸಾಲ; ಚೀನಾದ ಜಿಲಿನ್ ಪ್ರಾಂತ್ಯದಲ್ಲಿ ಜನಸಂಖ್ಯೆ ಹೆಚ್ಚಿಸಲು ಹೊಸ ಕ್ರಮ