ಕಾಬುಲ್: ಮಹಿಳೆಯರಿಗೆ ಎಲ್ಲ ರೀತಿಯ ಹಕ್ಕುಗಳನ್ನು ನೀಡುತ್ತೇವೆ ಎಂಬ ತಾಲಿಬಾನಿಗಳ ಭರವಸೆ ಕೇವಲ ಭರವಸೆಯಾಗಿಯೇ ಉಳಿಯಲಿದೆ ಹೊರತು ಅದು ಕಾರ್ಯರೂಪಕ್ಕೆ ಬರುವುದಿಲ್ಲ ಎನ್ನುವುದಕ್ಕೆ ಈ ಒಂದು ಘಟನೆಯೇ ಸಾಕ್ಷಿ. ಇಡೀ ಅಫ್ಘಾನಿಸ್ತಾನವನ್ನು ವಶಕ್ಕೆ ಪಡೆದಿರುವ ತಾಲಿಬಾನಿಗಳು ಆಫ್ಘಾನ್ ನೆಲದಲ್ಲಿ ನರಕವನ್ನೇ ಸೃಷ್ಟಿ ಮಾಡಿದ್ದಾರೆ.
ಅಡುಗೆ ಚೆನ್ನಾಗಿಲ್ಲ ಎಂದು ಮಹಿಳೆಯೊಬ್ಬಳಿಗೆ ಕ್ರೂರಿಗಳು ಬೆಂಕಿ ಹಚ್ಚಿರುವ ಘಟನೆ ಇದೇ ವಾರ ಉತ್ತರ ಆಫ್ಘಾನ್ನಲ್ಲಿ ನಡೆದಿರುವುದಾಗಿ ಮಹಿಳಾ ಕಾರ್ಯಕರ್ತೆಯೊಬ್ಬರು ತಿಳಿಸಿದ್ದಾರೆ. ಮಹಿಳೆಗೆ ಅಡುಗೆ ಮಾಡಿಕೊಡುವಂತೆ ತಾಲಿಬಾನಿಗಳು ಹೇಳಿದ್ದರು. ಅವರ ಆದೇಶದಂತೆ ಅಡುಗೆ ಮಾಡಿ ತಂದುಕೊಟ್ಟಿದ್ದಾಳೆ. ಆದರೆ, ಅಡುಗೆ ಚೆನ್ನಾಗಿಲ್ಲ ಎಂದು ಆಕೆಗೆ ಬೆಂಕಿ ಹಚ್ಚಿದ್ದಾರೆಂದು ಆಫ್ಘಾನ್ ಮಾಜಿ ನ್ಯಾಯಾಧೀಶೆ ನಜ್ಲಾ ಅಯೌಬಿ ಮಾಧ್ಯಮವೊಂದಕ್ಕೆ ಮಾಹಿತಿ ನೀಡಿದ್ದಾರೆ.
ಇನ್ನು ತಾಲಿಬಾನಿಗಳು ತಮಗೆ ಅಡುಗೆ ಮಾಡಿಕೊಡಿ ಎಂದು ಜನರನ್ನು ಬಲವಂತ ಮಾಡುತ್ತಿದ್ದಾರೆ. ಅಲ್ಲದೆ, ಶವಪೆಟ್ಟಿಗೆಯಲ್ಲಿ ಯುವತಿಯರನ್ನು ಇಟ್ಟು ನೆರೆಯ ದೇಶಗಳಿಗೆ ಸೆಕ್ಸ್ ಗುಲಾಮಗಿರಿಗಾಗಿ ತಾಲಿಬಾನಿಗಳು ಸಾಗಿಸುತ್ತಿದ್ದಾರೆ ಎಂದು ನಜ್ಲಾ ಅಯೌಬಿ ಭಯಾನಕ ಮಾಹಿತಿಯನ್ನು ಬಿಚ್ಚಿಟ್ಟಿದ್ದಾರೆ.
ಅಯೌಬಿ ಅವರು ಸದ್ಯ ಅಮೆರಿಕದಲ್ಲಿ ನೆಲೆಸಿದ್ದಾರೆ. ತನ್ನ ಸಹ ಕಾರ್ಯಕರ್ತರ ಸಹಾಯದಿಂದ ಆಫ್ಘಾನ್ನಲ್ಲಿ ಪ್ರಸ್ತುತ ನಡೆಯುತ್ತಿರುವ ಕ್ರೌರ್ಯದ ಬಗ್ಗೆ ಮಾಹಿತಿಯನ್ನು ಸಂಗ್ರಹಿಸುತ್ತಿದ್ದಾರೆ. ಸಾವಿರಾರು ಮಹಿಳೆಯರ ಮೇಲೆ ತಾಲಿಬಾನಿಗಳು ನಿತ್ಯವೂ ಅಟ್ಟಹಾಸ ಮೆರೆಯುತ್ತಿರುವುದಾಗಿ ತಿಳಿದುಬಂದಿದೆ. (ಏಜೆನ್ಸೀಸ್)
ಯುವಕನ ತೋಳಿನಲ್ಲಿ ಟ್ಯಾಟೂ ಕ್ಯುಆರ್ ಕೋಡ್: ಸ್ಕ್ಯಾನ್ ಮಾಡಿದವರಿಗೆ ಕಾದಿತ್ತು ಅಚ್ಚರಿ..!
ತಾಕತ್ ಇದ್ರೆ ಬಳ್ಳಾರಿಗೆ ಬಾ… ಬರ್ತಿದ್ದೇನೆ ತಾಕತ್ತಿದ್ರೆ ಕಟ್ಹಾಕು! ವೈರಲ್ ಆಯ್ತು ಟ್ರೋಲ್ ವಿಡಿಯೋ