ಬೆಂಗಳೂರು: ಇನ್ನು ಕೆಲವೇ ದಿನಗಳಲ್ಲಿ ಬಿಗ್ಬಾಸ್ ಕನ್ನಡ ಒಟಿಟಿಯ ಮೊದಲನೇ ಆವೃತ್ತಿಗೆ ತೆರೆ ಬೀಳಲಿದ್ದು, ಟಿವಿಯಲ್ಲಿ ಪ್ರಸಾರವಾಗುವ ಬಿಗ್ಬಾಸ್ ಕನ್ನಡದ 9ನೇ ಸೀಸನ್ಗೆ ಸಿದ್ಧತೆ ನಡೆಯುತ್ತಿದೆ. ಇದು ಫಿನಾಲೆ ವಾರವಾಗಿದ್ದು, ಯಾವ ಸ್ಪರ್ಧಿ ಗೆಲುವು ಸಾಧಿಸಲಿದ್ದಾರೆ ಎಂಬ ಕುತೂಹಲ ಗರಿಗೆದರಿದೆ.
ಬಿಗ್ಬಾಸ್ ಒಟಿಟಿಯಿಂದ ಕಳೆದ ವಾರ ನಂದಿನಿ ಜಿ ಎಲಿಮಿನೇಟ್ ಆಗಿ ಹೊರಬಂದಿದ್ದಾರೆ. ನಂದಿನಿ ಅವರ ಎಲಿಮಿನೇಷನ್ ಸಹಸ್ಪರ್ಧಿಗಳಿಗೂ ಮತ್ತು ವೀಕ್ಷಕರಿಗೂ ತುಂಬಾ ಅನಿರೀಕ್ಷಿತವಾಗಿದೆ. ಏಕೆಂದರೆ, ನಂದಿನಿ ಅವರು ಪ್ರಬಲ ಪ್ರತಿಸ್ಫರ್ಧಿಯಾಗಿದ್ದರು. ಜಸ್ವಂತ್ ಮತ್ತು ನಂದಿನಿ ಒಟ್ಟಿಗೆ ಮನೆಯೊಳಗೆ ಎಂಟ್ರಿ ಕೊಟ್ಟಿದ್ದರು. ಇಬ್ಬರು ಪ್ರೇಮಿಗಳಾಗಿದ್ದು, ಮನೆಯೊಳಗೂ ತಮ್ಮ ಪ್ರೀತಿಯನ್ನು ಮುಂದುವರಿಸಿದ್ದರು. ಇಬ್ಬರ ಲವ್ ಸ್ಟೋರಿ ವೀಕ್ಷಕರಿಗೆ ಇಷ್ಟವು ಆಗಿತ್ತು. ಆದರೆ, ನಂದಿನಿಯ ಅತಿಯಾದ ವರ್ತನೆ ವೀಕ್ಷಕರಿಗೆ ಕಿರಿಕಿರಿ ಉಂಟುಮಾಡಿತ್ತು, ಜಸ್ವಂತ್ ಮೇಲೆ ತುಂಬಾ ಕಣ್ಣಿಟ್ಟಿದ್ದ ನಂದಿನಿ, ಆತ ತನಗೆ ಮಾತ್ರ ಸ್ವಂತ ಎನ್ನುವಂತೆ ವರ್ತಿಸುತ್ತಿದ್ದರು. ಹೀಗಾಗಿ ನಂದಿನಿ ಎಲಿಮಿನೇಟ್ ಆಗಲಿ ಎಂದು ಒಂದು ವರ್ಗದ ವೀಕ್ಷಕರು ಬಯಸಿದ್ದರು.
ಅದೇನೇ ಇರಲಿ ಸದ್ಯ ನಂದಿನಿ ಹೊರಬಂದಿದ್ದಾರೆ. ಇದೀಗ ಜಸ್ವಂತ್, ದೊಡ್ಮನೆಯಲ್ಲಿ ನಂದಿನಿ ಇಲ್ಲದ ದಿನಗಳ ಕಳೆಯುತ್ತಿದ್ದಾರೆ. ಈಗಲಾದರೂ ಆಟದ ಕಡೆ ಗಮನಹರಿಸಿ, ಉತ್ತಮವಾಗಿ ಆಡಲಿ ಎಂದು ವೀಕ್ಷಕರು ಬಯಸಿದ್ದಾರೆ. ಸಿಕ್ಕ ಸಮಯದಲ್ಲಿ ನಂದಿನಿಯೂ ಸಹ ಒಳ್ಳೆಯ ಸ್ಪರ್ಧೆಯನ್ನು ನೀಡಿದ್ದಾರೆ.
ಇದೀಗ ನಂದಿನಿ ಹೊರಬಂದ ಬಳಿಕ ಅವರು ಬಿಗ್ಬಾಸ್ ಮನೆಯಲ್ಲಿ ಗಳಿಸಿದ ಹಣದ ಬಗ್ಗೆ ವೀಕ್ಷಕರು ಪ್ರಶ್ನಿಸುತ್ತಿದ್ದಾರೆ. ಎಷ್ಟು ಗಳಿಸಿರಬಹುದು ಎಂಬುದನ್ನು ತಿಳಿದುಕೊಳ್ಳಲು ಉತ್ಸುಕರಾಗಿದ್ದಾರೆ. ಮೂಲಗಳ ಪ್ರಕಾರ ಪ್ರತಿ ವಾರಕ್ಕೆ ನಂದಿನಿ ಅವರಗೆ 5 ಲಕ್ಷ ರೂಪಾಯಿ ಸಂಭಾವನೆ ಸಿಗುತ್ತಿತ್ತು ಎನ್ನಲಾಗಿದೆ. ನಂದಿನಿ ಒಟ್ಟು 5 ವಾರಗಳ ಕಾಲ ಮನೆಯಲ್ಲಿದ್ದರು. ವಾರಕ್ಕೆ 5 ಲಕ್ಷ ಅಂದರೂ ಐದು ವಾರಕ್ಕೆ 25 ಲಕ್ಷ ರೂ. ಹಣ ನಂದಿನಿಗೆ ಸಿಕ್ಕಿದೆ ಎಂದು ಹೇಳಲಾಗಿದೆ. ಆದರೆ, ಇದು ಎಷ್ಟು ಖಚಿತವೋ ಅವರೇ ಹೇಳಬೇಕಾಗಿದೆ. ಆದರೆ, ಬಿಗ್ಬಾಸ್ ಮೂಲಗಳ ಪ್ರಕಾರ 25 ಲಕ್ಷ ರೂ. ಸಿಕ್ಕಿದೆ ಎನ್ನಲಾಗುತ್ತಿದೆ.
ಅಂದಹಾಗೆ ನಂದಿನಿ, ಹಿಂದಿ ರಿಯಾಲಿಟಿ ಶೋ, ರೋಡೀಸ್: ಜರ್ನಿ ಇನ್ ಸೌತ್ ಆಫ್ರಿಕಾ 2022 ರ ವಿಜೇತೆ. ಇದರ ಜೊತೆಗೆ, ನಂದಿನಿ ವೃತ್ತಿಪರ ನೃತ್ಯಗಾರ್ತಿ, ಫುಟ್‌ಬಾಲ್ ಆಟಗಾರ್ತಿ, ಅಥ್ಲೀಟ್ ಮತ್ತು ಫಿಟ್‌ನೆಸ್ ತರಬೇತುದಾರರಾಗಿದ್ದಾರೆ. (ಏಜೆನ್ಸೀಸ್)
ವಿರಾಮದ ವೇಳೆ ಜವರಾಯನ ಅಟ್ಟಹಾಸ: ಮಂಗಳೂರು ಮೂಲದ ಮಲಯಾಳಿ ವೈದ್ಯೆ ಪುಣೆಯಲ್ಲಿ ದುರ್ಮರಣ
ಬೈಕ್ ಮೇಲೆ ಕುಳಿತು ಪ್ರಯಾಣ ಮಾಡಿದ ಗೂಳಿ! ನೀವು ಇದುವರೆಗೂ ನೋಡಿರದ ವಿಡಿಯೋ ಇದು…
ಚಲಿಸುತ್ತಿದ್ದ ಬೈಕ್ ಮುಂದೆ ದಿಢೀರ್ ಜಿಗಿದ ಬೀದಿ ನಾಯಿ: ಅಪಘಾತದಲ್ಲಿ ಯುವಕ ದುರಂತ ಸಾವು