ನವದೆಹಲಿ: ನಾಗರಿಕ ಸಮಾಜವೇ ತಲೆತಗ್ಗಿಸುವಂತಹ ಘಟನೆ ಉತ್ತರಾಖಂಡದಲ್ಲಿ ನಡೆದಿದೆ. ಚಿಕ್ಕಮ್ಮ ಆಗಿರಲಿ ಅಥವಾ ದೊಡ್ಡಮ್ಮ ಆಗಿರಲಿ ಅವರು ಮಾತೃ ಸಮಾನರು. ಆದರೆ, ಇಲ್ಲೊಬ್ಬ ಯುವಕ ತನ್ನ ಮಲತಾಯಿಯ ಜೊತೆ ಓಡಿ ಹೋಗಿದ್ದು, ಪೊಲೀಸ್ ಠಾಣೆಯ ಮೆಟ್ಟಿಲೇರಿರುವ ನೊಂದ ವ್ಯಕ್ತಿ, ನನ್ನ ಮಗ ನನ್ನ ಎರಡನೇ ಹೆಂಡತಿಯ ಜತೆ ಓಡಿ ಹೋಗಿದ್ದು ನ್ಯಾಯ ದೊರಕಿಸಿ ಕೊಡಿ ಎಂದು ಮನವಿ ಮಾಡಿದ್ದಾರೆ.
ಈ ಘಟನೆ ಉತ್ತರಾಖಂಡದ ಬಜ್ಪುರ್ ಜಿಲ್ಲೆಯಲ್ಲಿ ನಡೆದಿದೆ. ಇಂದ್ರರಾಮ್ ಎಂಬಾತ ಮಗನ ವಿರುದ್ಧವೇ ದೂರು ನೀಡಿದ್ದಾನೆ. ನನ್ನ ಎರಡನೇ ಹೆಂಡತಿ ಬಾಬ್ಲಿ ಜತೆ ನನ್ನ ಪುತ್ರ ಮದುವೆಯಾಗಿದ್ದಾನೆ ಎಂದು ದೂರಿನಲ್ಲಿ ಉಲ್ಲೇಖಸಿದ್ದಾನೆ.
ಇಂದ್ರಾರಾಮ್ ಮೊದಲ ಪತ್ನಿಗೆ ಇಬ್ಬರು ಗಂಡು ಮಕ್ಕಳಿದ್ದಾರೆ. ಬಾಬ್ಲಿಯನ್ನು ಮದುವೆಯಾಗಿ 11 ವರ್ಷ ಕಳೆದಿವೆ. ಮೊದಲ ಹೆಂಡತಿಯ ಪುತ್ರ ನಿತ್ಯವು ಮನೆಗೆ ಬರುತ್ತಿದ್ದನಂತೆ. ಹಿಂದಿನ ದಿನ ಮನೆಗೆ ಹೋಗುವುದಾಗಿ ಹೇಳಿದ್ದ ಬಾಬ್ಲಿ ವಾಪಸ್ ಬಂದಿರಲಿಲ್ಲ. ಬಳಿ ವಿಚಾರಣೆ ನಡೆಸಿದಾಗ ಬಾಬ್ಲಿ, ಇಂದ್ರರಾಮ್ ಮೊದಲ ಪುತ್ರನ ಜತೆ ಮದುವೆಯಾಗಿರುವ ವಿಚಾರ ಗೊತ್ತಾಗಿದೆ.
ಮನೆಯಿಂದ ಹೋಗುವಾಗ ಬಾಬ್ಲಿ 20 ಸಾವಿರ ರೂಪಾಯಿ ಹಣದೊಂದಿಗೆ ಪರಾರಿಯಾಗಿದ್ದಾಳೆ ಎಂದು ಇಂದ್ರರಾಮ್ ಆರೋಪಿಸಿದ್ದಾನೆ. ಪತಿಯೊಂದಿಗೆ ಹಿಂತಿರುಗಲು ನಿರಾಕರಿಸಿದ ಕಾರಣ ಮಾತಿನ ಚಕಮಕಿ ನಡೆದಿದ್ದು, ಇಂದ್ರರಾಮ್ ಗಾಯಗೊಂಡಿದ್ದಾರೆ. ಪತ್ನಿ ಮತ್ತು ಮಗನೇ ಇಂತಹ ನೀಚ ಕೃತ್ಯ ಮಾಡಿರುವುದನ್ನು ನೋಡಿ ನೊಂದುಕೊಂಡಿರುವ ಇಂದ್ರರಾಮ್ ಗೋಳಾಡುತ್ತಿದ್ದಾನೆ. ಇಬ್ಬರು ಇದೀಗ ನಾಪತ್ತೆಯಾಗಿದ್ದು, ಪೊಲೀಸರಿಗೆ ದೂರು ನೀಡಿ ನ್ಯಾಯಕ್ಕಾಗಿ ಮನವಿ ಮಾಡಿದ್ದಾನೆ. (ಏಜೆನ್ಸೀಸ್)
ವಿದೇಶಿ ಸಂಸತ್ತಿನಲ್ಲಿ ಮೊದಲ ಬಾರಿಗೆ ಮೊಳಗಿದ ಕನ್ನಡ: ಕೆನಡಾ ಸಂಸದ ಚಂದ್ರ ಆರ್ಯರಿಂದ ಕನ್ನಡದಲ್ಲೇ ಭಾಷಣ
ಅಕ್ರಮ ಸಂಬಂಧ, ವರದಕ್ಷಿಣೆ ಕಿರುಕುಳ: ರವಿ ಚೆನ್ನಣ್ಣನವರ್ ಸಹೋದರನ ವಿರುದ್ಧ ಎಫ್ಐಆರ್
ಮೈಸೂರು ಜಿಲ್ಲಾಧಿಕಾರಿಯಾಗಿದ್ದ ರೋಹಿಣಿ ಸಿಂಧೂರಿಗೆ ಮತ್ತೆ ಸಂಕಷ್ಟ: ದಿಢೀರ್ ಶಾಕ್ ಕೊಟ್ಟ ಸರ್ಕಾರ