ಪ್ಯೊಂಗ್ಯಾಂಗ್: ತಿಂಗಳ ಕಾಲ ನಾಪತ್ತೆ ನಂತರ ಕಳೆದ ವಾರವಷ್ಟೇ ಉತ್ತರ ಕೊರಿಯಾದ ಸರ್ವೋಚ್ಚ ನಾಯಕ ಕಿಮ್ ಜಾಂಗ್ ಉನ್ ಸಾರ್ವಜನಿಕರ ಎದುರು ಪ್ರತ್ಯಕ್ಷರಾಗಿದ್ದಾರೆ. ಇದರ ನಡುವೆ ಕಿಮ್ಗೆ ಸಂಬಂಧಿಸಿದ ಫೋಟೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದು, ಅವರ ಆರೋಗ್ಯದ ಮೇಲೆ ಸಂದೇಹ ಹುಟ್ಟಿಸುವಂತಿದೆ.
ಜಾಲತಾಣದಲ್ಲಿ ಹರಿದಾಡುತ್ತಿರುವ ಫೋಟೋದಲ್ಲಿ ಕಿಮ್ ತುಂಬಾ ಬಡವಾಗಿದ್ದಾರೆ. ತುಂಬಾ ದಪ್ಪಗಿದ್ದ ಕಿಮ್, ಸದ್ಯದ ಫೋಟೋದಲ್ಲಿ ತುಂಬಾ ತೆಳ್ಳಗೆ ಕಾಣುತ್ತಿದ್ದಾರೆ. ಇದೇ ಸಂಗತಿ ಕಿಮ್ ಆರೋಗ್ಯ ಕುರಿತು ಊಹಾಪೋಹಾಗಳು ಹರಿದಾಡಲು ಕಾರಣವಾಗಿದೆ.
ಕಿಮ್ ಅವರ ತೂಕ ಇಳಿಕೆಯು ಅವರ ಹದಗೆಡುತ್ತಿರುವ ಆರೋಗ್ಯದ ಸೂಚನೆ ಇರಬಹುದೆಂಬ ಮಾತುಗಳು ಉತ್ತರ ಕೊರಿಯಾದ್ಯಂತ ಕೇಳಿಬರುತ್ತಿವೆ. ಕಿಮ್ ಬಡಕಲಾಗಿರುವ ಫೋಟೋವನ್ನು ಕಳೆದ ವೀಕೆಂಡ್ನಲ್ಲಿ ಕೆಸಿಎನ್ಎ ಪ್ರಕಟಿಸಿದ್ದು, ಆಡಳಿತಾರೂಢ ಪಕ್ಷದ ಸಭೆಗೆ ಸಂಬಂಧಿಸಿದ ಫೋಟೋ ಇದಾಗಿದೆ. ಸುಮಾರು 1 ತಿಂಗಳ ಕಾಲ ಕಣ್ಮರೆಯಾಗಿದ್ದ ಕಿಮ್ ಇದೀಗ ದೇಹದ ಬದಲಾವಣೆಯೊಂದಿಗೆ ಪ್ರತ್ಯಕ್ಷರಾಗಿದ್ದಾರೆ.
ದಕ್ಷಿಣ ಕೊರಿಯಾ ರಾಜಧಾನಿ ಸಿಯೋಲ್ ಮೂಲದ ಡೈಲಿ ಎನ್ಕೆ ನ್ಯೂಸ್, ಕಿಮ್ ಅವರ ಇತ್ತೀಚಿನ ಫೋಟೋ ಕುರಿತು ಸಂಪೂರ್ಣ ವಿಶ್ಲೇಷಣೆ ಮಾಡಿದ್ದು, 2020ರ ನವೆಂಬರ್-ಡಿಸೆಂಬರ್ನಿಂದ 2021ರ ಏಪ್ರಿಲ್-ಜೂನ್ವರೆಗಿನ ಕಿಮ್ ಚಿತ್ರಗಳನ್ನು ಪ್ರಸ್ತುತ ಚಿತ್ರದೊಂದಿಗೆ ಹೋಲಿಕೆ ಮಾಡಲಾಗಿದೆ.
ಕಿಮ್ ಅವರ ಚಿತ್ರವೊಂದರಲ್ಲಿ ಐಡಬ್ಲ್ಯೂಸಿ ಶಾಫ್ಹೌಸೆನ್ ಪೋರ್ಟೊಫಿನೊ ಗಡಿಯಾರವನ್ನು ಧರಿಸಿರುವುದು ಕಂಡುಬಂದಿದೆ. ವೆಬ್‌ಸೈಟ್ ಪ್ರಕಾರ 37 ವರ್ಷದ ಕಿಮ್, ತನ್ನ ನೆಚ್ಚಿನ ಕೈಗಡಿಯಾರದ ಮೇಲಿನ ಪಟ್ಟಿಯನ್ನು ಬಿಗಿಗೊಳಿಸಿದ್ದಾನೆ ಎಂದು ಹೇಳಿದೆ. ವಾಚ್ನ ಬೆಲೆ 12,000 ಡಾಲರ್ ಮೌಲ್ಯ ಎಂದು ವರದಿಯಾಗಿದೆ.
ನವೆಂಬರ್ 2020 ಮತ್ತು ಈ ವರ್ಷದ ಮಾರ್ಚ್‌ನಲ್ಲಿ ತೆಗೆದ ಒಂದೇ ರೀತಿಯ ಚಿತ್ರಗಳನ್ನು ಹೋಲಿಕೆ ಮಾಡಿ ನೋಡಿದಾಗ ಕಿಮ್ ಅವರ ಎಡ ಮಣಿಕಟ್ಟು ಗಣನೀಯವಾಗಿ ತೆಳುವಾಗಿದೆ ಎಂದು ಫೋಟೋಗಳು ಸೂಚಿಸುತ್ತಿವೆ. ಆದಾಗ್ಯೂ, ಉತ್ತರ ಕೊರಿಯಾದ ನಾಯಕನ ಆರೋಗ್ಯದ ಬಗ್ಗೆ ಊಹಾಪೋಹಗಳು ಹರಿದಾಡುತ್ತಿರುವುದು ಇದೇ ಮೊದಲೇನಲ್ಲ.
ಕಳೆದ ವರ್ಷ, ಕಿಮ್ ಜೊಂಗ್ ಉನ್ 20 ದಿನಗಳ ಕಾಲ ಬೆಳಕಿನಿಂದ ಹೊರಗುಳಿದಿದ್ದರು. ಈ ಸಮಯದಲ್ಲಿ ಅವರು ತಮ್ಮ ದಿವಂಗತ ಅಜ್ಜ ಮತ್ತು ರಾಜ್ಯ ಸಂಸ್ಥಾಪಕ ಕಿಮ್ ಇಲ್ ಸುಂಗ್ ಅವರ ಜನ್ಮದಿನಾಚರಣೆಯನ್ನು ತಪ್ಪಿಸಿಕೊಂಡರು. ಕಿಮ್ ಅವರ ಕುಟುಂಬಕ್ಕೆ ಹೃದಯ ಸಂಬಂಧಿ ಕಾಯಿಲೆಗಳ ಇತಿಹಾಸವಿದೆ ಎಂದು ತಜ್ಞರು ಮೊದಲೇ ನಿರ್ಣಯಿಸಿದ್ದಾರೆ. (ಏಜೆನ್ಸೀಸ್)
5 ರೂಪಾಯಿ ನೋಟು ವಿನಿಮಯ ಮಾಡಿ 30 ಸಾವಿರ ರೂ. ಸಂಪಾದಿಸಿ! ಹೇಗೆ ಎಂಬ ಪ್ರಶ್ನೆಗೆ ಇಲ್ಲಿದೆ ಉತ್ತರ