ಮುಂಬೈ: ಬಾಲಿವುಡ್ನ ನಟ ಆಮಿರ್ ಖಾನ್ ಪುತ್ರಿ ಇರಾ ಖಾನ್ ಕಳೆದ ಭಾನುವಾರ (ಮೇ8) 25ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. ಕುಟುಂಬಸ್ಥರ ಜೊತೆ ಬರ್ತ್ ಡೇ ಆಚರಿಸಿಕೊಂಡ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಯಿತು. ಅಲ್ಲದೆ, ಬಿಕಿನಿ ಧರಿಸಿ ಕೇಕ್ ಕತ್ತಿರಿಸಿದ ಕಾರಣಕ್ಕೆ ಇರಾ ಖಾನ್ ಫೋಟೋಗಳು ಸಿಕ್ಕಾಪಟ್ಟೆ ಟ್ರೋಲ್ ಕೂಡ ಆಯಿತು. ಇದೀಗ ಮತ್ತಷ್ಟು ಹಾಟ್ ಫೋಟೋಗಳನ್ನು ಹರಿಬಿಡುವ ಮೂಲಕ ಇರಾ ಖಾನ್ ಟ್ರೋಲಿಗರಿಗೆ ತಿರುಗೇಟು ನೀಡಿದ್ದಾರೆ.
ನಿನ್ನೆ (ಮೇ.14) ಇನ್ಸ್ಟಾಗ್ರಾಂನಲ್ಲಿ ಬರ್ತಡೇ ಫೋಟೋಗಳನ್ನು ಶೇರ್ ಮಾಡಿಕೊಂಡಿರುವ ಇರಾ, ನನ್ನ ಹಿಂದಿನ ಬರ್ತಡೇ ಆಚರಣೆಯ ಫೋಟೋ ಬಗ್ಗೆ ಎಲ್ಲರ ಟ್ರೋಲ್ಗಳು ಹಾಗೂ ದ್ವೇಷ ಮುಗಿದ್ದಿದ್ದರೆ, ಬರ್ತಡೇ ಆಚರಣೆಯ ಇನ್ನೊಂದಿಷ್ಟು ಫೋಟೋಗಳು ಇಲ್ಲಿವೆ ನೋಡಿ ಎಂದು ಅಡಿ ಬರಹ ನೀಡಿದ್ದಾರೆ. ಈ ಮೂಲಕ ಮತ್ತೆ ಟ್ರೋಲ್ ಮಾಡಿ ಖುಷಿ ಪಡಿ ಮತ್ತು ದ್ವೇಷ ಮಾಡಿ ಎನ್ನುವ ರೀತಿಯಲ್ಲಿ ಪರೋಕ್ಷವಾಗಿ ಹೇಳಿಕೆ ನೀಡಿ ತಿರುಗೇಟು ನೀಡಿದ್ದಾರೆ.
View this post on Instagram
ಇನ್ನು ಇರಾ ಖಾನ್ ಪ್ರಿಯಕರ ಹಾಗೂ ಫಿಟ್ನೆಸ್ ಕೋಚ್ ನೂಪುರ್ ಶಿಖರೆ ಕೂಡ ಟ್ರೋಲ್ ಮಾಡುವವರಿಗೆ ತಮ್ಮದೇ ರೀತಿಯಲ್ಲಿ ಪ್ರತಿಕ್ರಿಯೆ ನೀಡುವ ಮೂಲಕ ಇರಾ ಬೆನ್ನಿಗ ನಿಂತಿದ್ದಾರೆ. ನಿಮ್ಮ ಎಲ್ಲಾ ಟ್ರೋಲ್ಗಳಿಗೆ ನಮ್ಮ ಪ್ರತಿಕ್ರಿಯೆ ಇದಾಗಿರಲಿದೆ ಎಂದು ನಗುವ ಎಮೋಜಿಯನ್ನು ಶೇರ್ ಮಾಡಿಕೊಂಡಿದ್ದಾರೆ. ನೀವು ಎಷ್ಟೇ ಟ್ರೋಲ್ ಮಾಡಿದರೂ ನಾವೇನು ತಲೆಕಡೆಸಿಕೊಳ್ಳುವುದಿಲ್ಲ ಎಂಬ ಸಂದೇಶವನ್ನು ನೂಪುರ್ ಶಿಖರೆ ರವಾನಿಸಿದ್ದಾರೆ.
ಇರಾ ಖಾನ್ ಇನ್ನೂ ಬಾಲಿವುಡ್ಗೆ ಎಂಟ್ರಿ ಆಗಿಲ್ಲವಾದರೂ ಸ್ಟಾರ್ ನಟನ ಪುತ್ರಿ ಎಂಬ ಕಾರಣಕ್ಕೆ ಅವರಾಗಲೇ ಅಸಂಖ್ಯಾತ ಅಭಿಮಾನಿಗಳ ಪಾಲಿಗೆ ಸೆಲೆಬ್ರಿಟಿಯಂತೆ ಕಾಣುತ್ತಿದ್ದಾರೆ. ಆಮಿರ್ ಖಾನ್ನ ಮಾಜಿ ಪತ್ನಿ ರೀನಾ ದತ್ತಾ, ಮಗ ಆಜಾದ್‌, ಆಮಿರ್ ಖಾನ್, ಬರ್ತ್ ಡೇ ಸಂಭ್ರಮಾಚರಣೆಯಲ್ಲಿ ಪಾಲ್ಗೊಂಡಿದ್ದರು. ಆಗ ತಾನೇ ಸ್ವಿಮಿಂಗ್ ಪೂಲ್ನಿಂದ ಎದ್ದು ಬಂದ ಇರಾ, ಬಿಕಿನಿಯಲ್ಲೇ ಕೇಕ್ ಕತ್ತರಿಸುತ್ತಿದ್ದರೆ, ಅತ್ತ ಕುಟುಂಬಸ್ಥರು ಇರಾಳ ಸುತ್ತುವರಿದು ಶುಭ ಕೋರುತ್ತಾ ಸಂಭ್ರಮಿಸಿದ್ದರು. ಬಹುವರ್ಣದ ಬಿಕಿನಿ, ಕಿವಿಯೋಲೆ ಧರಿಸಿರುವ ಇರಾ ಎಂದಿನಂತೆ ಸ್ಟೈಲಿಶ್ ಆಗಿ ಕಾಣಿಸಿಕೊಂಡಿದ್ದರು. ರೀನಾ ಕಪ್ಪು ಮತ್ತು ಬಿಳಿ ಉಡುಪಿನಲ್ಲಿ ಸುಂದರವಾಗಿ ಕಾಣುತ್ತಿದ್ದರು. ಆಮಿರ್ ಮತ್ತು ಪುತ್ರ ಕೂಡ ಆಗಷ್ಟೇ ಸ್ವಿಮ್ಮಿಂಗ್ ಪೂಲ್ನಿಂದ ಹೊರಬಂದಂತೆ ಚಿತ್ರದಲ್ಲಿ ಕಾಣುತ್ತಿದ್ದರು. ಈ ಫೋಟೋಗಳು ಜಾಲತಾಣದಲ್ಲಿ ವೈರಲ್ ಆಗಿ ಸಿಕ್ಕಾಪಟ್ಟೆ ಟ್ರೋಲ್ ಆಗಿತ್ತು. ಇದೀಗ ಟ್ರೋಲಿಗರಿಗೆ ಇರಾ ತಿರುಗೇಟು ನೀಡಿ, ಮತ್ತೆ ಕೆಣಕಿದ್ದಾರೆ. ಇದು ಮುಂದೆ ಎಲ್ಲಿಗೆ ಹೋಗಿ ನಿಲ್ಲುತ್ತದೆ ಅಂತಾ ಕಾದು ನೋಡಬೇಕಿದೆ. (ಏಜೆನ್ಸೀಸ್)
View this post on Instagram