ಮುಂಬೈ: ನಟಿ ಶಿಲ್ಪಾ ಶೆಟ್ಟಿ ಅವರ ಪಾಪರಾಜಿಗಳು ಫೇವರಿಟ್ ಎಂಬುದು ಎಲ್ಲರಿಗು ತಿಳಿದಿದೆ. ಎಲ್ಲೇ ಹೋಗಲಿ ಅವರಿಗೆ ಎದುರಾಗುವ ಪಾಪರಾಜಿಗಳ ಕ್ಯಾಮೆರಾ ಕಣ್ಣಿಗೆ ನಗುತ್ತಲೇ ಪೋಸ್ ನೀಡುತ್ತಾರೆ. ಆದರೆ, ಶಿಲ್ಪಾ ಅವರ ಪತಿ ರಾಜ್ ಕುಂದ್ರಾ ಕೆಲವು ದಿನಗಳಿಂದ ಪಾಪರಾಜಿಗಳಿಗೆ ಮುಖ ತೋರಿಸದಂತೆ ಫೇಸ್ ಮಾಸ್ಕ್ನಿಂದ ಮುಚ್ಚಿಕೊಳ್ಳುತ್ತಿದ್ದಾರೆ.
ವಿಚಿತ್ರ ಕಪ್ಪು ಮಾಸ್ಕ್ ಮತ್ತು ಹೆಲ್ಮೆಟ್ನಿಂದ ತಮ್ಮ ಮುಖವನ್ನು ರಾಜ್ ಕುಂದ್ರಾ ಮರೆ ಮಾಚಿಕೊಳ್ಳುತ್ತಿದ್ದಾರೆ. ಸದ್ಯ ಪಾಪರಾಜಿಗಳು ಕೂಡ ಅದಕ್ಕೆ ಹೊಂದಿಕೊಂಡಿದ್ದಾರೆ. ಆದರೆ, ಎಷ್ಟು ದಿನ ಅಂತಾ ಮುಖ ಮುಚ್ಚಿಕೊಂಡು ಓಡಾಡಲು ಸಾಧ್ಯ ಅನ್ನೋದೇ ಎಲ್ಲರ ಪ್ರಶ್ನೆ.
ಕಳೆದ ರಾತ್ರಿ ಶಿಲ್ಪಾ ಶೆಟ್ಟಿ ಮತ್ತು ರಾಜ್ ಕುಂದ್ರಾ ಅವರು ಕಾರ್ಯಕ್ರಮವೊಂದರಲ್ಲಿ ಭಾಗಿಯಾಗಲು ಮನೆಯಿಂದ ಹೊರ ಬಂದರು. ಶಿಲ್ಪಾ ಅವರು ನೀಲಿ ಬಣ್ಣದ ಚಿಫಾನ್ ಉಡುಗಡೆಯಲ್ಲಿ ಮಿಂಚಿದರು ಮತ್ತು ಪಾಪರಾಜಿಗಳ ಕ್ಯಾಮೆರಾ ಕಣ್ಣಿಗೆ ಪೋಸ್ ನೀಡಿದರು. ಆದರೆ, ರಾಜ್ ಕುಂದ್ರಾ ಕಪ್ಪು ಬಣ್ಣದ ಉಡುಗೆ ಧರಿಸುವ ಜೊತೆಗೆ ಅದೇ ಬಣ್ಣದ ಫೇಸ್ ಮಾಸ್ಕ್ ಧರಿಸಿಕೊಂಡು ಕಾರಿನಿಂದ ಕೆಳಗಿಳಿದರು. ಈ ವೇಳೆ ಬಹುತೇಕರಿಗ ಕುಂದ್ರಾ ಲುಕ್ ನೋಡಿ ಗೊಂದಲ ಉಂಟಾಗಿದ್ದು ಉಂಟು.
ವಯಸ್ಕರ ಸಿನಿಮಾ ದಂಧೆ ಪ್ರಕರಣದಲ್ಲಿ ಬಂಧನವಾದಾಗಿ ಜಾಮೀನಿನ ಮೇಲೆ ಬಿಡುಗಡೆಯಾದಾಗಿನಿಂದ ರಾಜ್ ಕುಂದ್ರಾ ತಮ್ಮ ಮುಖವನ್ನು ಮಾಸ್ಕ್ನಿಂದ ಮುಚ್ಚಿಕೊಂಡು ಓಡಾಡುತ್ತಿರುತ್ತಾರೆ. ಕಳೆದ ಫೆಬ್ರವರಿಯಲ್ಲಿ ಮುಂಬೈ ಪೊಲೀಸರು ಅವರನ್ನು ಬಂಧಿಸಿದರು. ವೆಬ್ಸರಣಿಗಳಲ್ಲಿ ಅವಕಾಶ ನೀಡುವುದಾಗಿ ನಂಬಿಸಿ, ನೀಲಿ ಚಿತ್ರಗಳನ್ನು ಸೆರೆಹಿಡಿಯುತ್ತಿದ್ದರು ಎಂಬ ಆರೋಪ ಕುಂದ್ರಾ ಮೇಲಿದೆ.
ಸದ್ಯ ಕುಂದ್ರಾ ಜಾಮೀನಿನ ಮೇಲೆ ಹೊರಗಿದ್ದಾರೆ. ಆದರೆ, ಹೊರಗಡೆ ಹೋಗುವಾಗ ಪಾಪರಾಜಿಗಳಿಗೆ ಮುಖ ತೋರಿಸಬೇಕಾಗುತ್ತದೆ ಅಂತ ತಮ್ಮ ಮುಖವನ್ನು ಕಪ್ಪು ಬಣ್ಣದ ಮಾಸ್ಕ್ನಿಂದ ಮುಚ್ಚಿಕೊಂಡು ತಿರುಗಾಡುತ್ತಿದ್ದಾರೆ. (ಏಜೆನ್ಸೀಸ್)
ಪಾವಗಡದಲ್ಲಿ ತಪ್ಪಿದ ಮತ್ತೊಂದು ಬಸ್ ದುರಂತ: ರಭಸವಾಗಿ ಹರಿಯುವ ನೀರಿನಲ್ಲಿ ಸಿಲುಕಿದ ಖಾಸಗಿ ಬಸ್
ಅನೈತಿಕ ಸಂಬಂಧಕ್ಕೆ ಶಿಕ್ಷಕಿ ಬಲಿ: 6 ತಿಂಗಳ ಬಳಿಕ ಆರೋಪಿಗಳ ಹೆಡೆಮುರಿ ಕಟ್ಟಿದ ನಂಜನಗೂಡು ಪೊಲೀಸರು
ಜಾಲತಾಣದಲ್ಲಿ ವಿದ್ಯಾರ್ಥಿ ಹಾಕಿದ್ದ ಪೋಸ್ಟ್ ಓದುತ್ತಾ ಕಾಲೇಜು ವೇದಿಕೆಯಲ್ಲೇ ಕಣ್ಣೀರಾಕಿದ ಶಾಸಕ ಸಾರಾ ಮಹೇಶ್