ನವದೆಹಲಿ: 12 ವರ್ಷ ಮೇಲ್ಪಟ್ಟವರಿಗೆ ನೀಡಲು ತುರ್ತು ಬಳಕೆ ಅನುಮೋದನೆ ಪಡೆದಿರುವ ಜೈಡಸ್ ಕ್ಯಾಡಿಲಾದ ಜೈಕೋವಿ-ಡಿ ಕರೊನಾ ಲಸಿಕೆಯ ಬೆಲೆ ನಿಗದಿ ಕುರಿತಾಗಿ ಕಂಪೆನಿ ಮತ್ತು ಕೇಂದ್ರ ಸರ್ಕಾರದ ನಡುವೆ ಮಾತುಕತೆ ನಡೆಯುತ್ತಿದೆ. ತನ್ನ ಮೂರು ಡೋಸ್ ಲಸಿಕೆಗೆ 1,900 ರೂ. ಬೆಲೆ ನಿಗದಿ ಮಾಡುವ ಪ್ರಸ್ತಾವನೆಯನ್ನು ಕ್ಯಾಡಿಲಾ ಕಂಪೆನಿ ಸರ್ಕಾರದ ಮುಂದಿರಿಸಿದೆ ಎನ್ನಲಾಗಿದೆ.
ಜಗತ್ತಿನ ಮೊದಲ ಡಿಎನ್ಎ ಆಧಾರಿತ ಕರೊನಾ ಲಸಿಕೆಯಾದ ಜೈಕೋವಿ-ಡಿಯನ್ನು ಸದ್ಯದಲ್ಲೇ ಲಸಿಕಾ ಅಭಿಯಾನದಲ್ಲಿ ಬಳಸಲು ಆರಂಭಿಸಲಾಗುವುದು ಎಂದು ಕಳೆದ ದಿನಗಳಲ್ಲಿ ಸರ್ಕಾರ ಹೇಳಿಕೆ ನೀಡಿತ್ತು. ಈ ಲಸಿಕೆಯ ಬೆಲೆಯ ಬಗ್ಗೆ ಅದಾಗಲೇ ಎರಡು ಸುತ್ತಿನ ಮಾತುಕತೆ ನಡೆದಿದ್ದು, ಈ ವಾರದಲ್ಲೇ ಅಂತಿಮ ನಿರ್ಧಾರ ಕೈಗೊಳ್ಳಲಾಗುವುದು ಎಂದು ಪಿಟಿಐ ವರದಿ ಮಾಡಿದೆ.
ಇದನ್ನೂ ಓದಿ: ಮಹಿಳೆಯ ಜೀವ ತೆಗೆದ ಶಾಸಕ ಕುಮಾರಸ್ವಾಮಿ ಕಾರು- ಸಿಸಿಟಿವಿಯಲ್ಲಿ ಬಯಲಾಯ್ತು ಅಸಲಿಯತ್ತು!
ಜೈಕೋವಿ-ಡಿ ಲಸಿಕೆಗೆ ಕೋವಾಕ್ಸಿನ್ ಮತ್ತು ಕೋವಿಶೀಲ್ಡ್ಗಿಂತ ಭಿನ್ನವಾಗಿ ಬೆಲೆ ನಿಗದಿಯಾಗಲಿದೆ. ಏಕೆಂದರೆ ಅದನ್ನು ಸೂಜಿರಹಿತ ಇಂಜೆಕ್ಟರ್ನಿಂದ ಮೂರು ಡೋಸ್ಗಳಲ್ಲಿ ನೀಡಲಾಗುವುದು. ಒಂದು ಇಂಜೆಕ್ಟರ್ನಿಂದ 20,000 ಡೋಸ್ಗಳನ್ನು ಕೊಡಬಹುದಾಗಿದ್ದು, ಇಂಜೆಕ್ಟರ್ನ ಬೆಲೆಯೇ 30,000 ರೂ.ಗಳಾಗಿದೆ ಎಂದು ವರದಿ ತಿಳಿಸಿದೆ. (ಏಜೆನ್ಸೀಸ್)
ಅಕ್ಕಿನೇನಿ ಕುಟುಂಬ ನೀಡಲು ಮುಂದಾದ ಜೀವನಾಂಶ ಎಷ್ಟು ಗೊತ್ತಾ?! ಏನೆಂದರು ಸಮಂತಾ?