ಬೆಂಗಳೂರು: ಜಗತ್ತಿನಲ್ಲಿ ನಾನಾ ರೀತಿಯ ಕೋರ್ಸ್ಗಳು, ತರಬೇತಿಗಳೂ ಇವೆ. ಆದರೆ ಇದು ಅವೆಲ್ಲಕ್ಕಿಂತಲೂ ವಿಭಿನ್ನ ಎಂದರೂ ಅತಿಶಯೋಕ್ತಿ ಏನಲ್ಲ. ಇಲ್ಲಿ ಸಂಸಾರ ನಿಭಾಯಿಸಲಿಕ್ಕೂ ತರಬೇತಿ ನೀಡುತ್ತಾರೆ. ಮದುವೆ ಆಗಲಿರುವವರು, ಮದುವೆ ಆದವರು ಇವರಿಗೆ ಸಂಸ್ಥೆಯೊಂದು ಇಂಥ ಕೋರ್ಸ್ ಆರಂಭಿಸಿದೆ.
ದುಲ್ಹ-ದುಲ್ಹನ್ ಕೋರ್ಸ್ ಎಂದೇ ಸಂಸ್ಥೆಯೊಂದು ಇಂಥ ಕೋರ್ಸ್ ಆರಂಭಿಸಿದೆ. ಮಾತ್ರವಲ್ಲ, ಈ ಕೋರ್ಸ್ ಮೂಲಕ ವಧು-ವರರಿಗೆ, ಗಂಡ-ಹೆಂಡತಿಗೆ ಯಾವ ರೀತಿಯ ತರಬೇತಿ ನೀಡಲಾಗುತ್ತದೆ ಎಂಬ ವಿವರಗಳನ್ನೂ ಇದು ನೀಡಿದೆ. ಅಂದಹಾಗೆ ಈ ವಿನೂತನ ರೀತಿಯ ಕೋರ್ಸ್ ಆರಂಭಿಸಿರುವುದು ಹೈದರಾಬಾದ್ನ ಫ್ಯಾಮಿಲಿ ಇನ್ಸ್ಟಿಟ್ಯೂಟ್ ಎಂಬ ಸಂಸ್ಥೆ.
ಮದುವೆ ಎಂದರೇನು?, ಅಂಡರ್ಸ್ಟ್ಯಾಂಡಿಂಗ್ ಮಂತ್ರ, ಯಾಕೆ ಮದುವೆ?, ಕೋಪ ನಿರ್ವಹಣೆ, ನಿಯಮ ಮತ್ತು ಹೊಣೆಗಾರಿಕೆ, ಪತಿಯ ಪ್ರಮಾದಗಳು, ಪತ್ನಿಯ ಮೂಲಭೂತ ಅಗತ್ಯಗಳು, ಪತಿ ಮಾಡಬೇಕಾದ್ದು ಮತ್ತು ಮಾಡಬಾರದ್ದು, ಆದರ್ಶ ಪತಿಯಾಗುವುದು ಹೇಗೆ?, ಹ್ಯಾಪಿನೆಸ್ ಮಂತ್ರ, ಮೂರ್ಖ ನಿರೀಕ್ಷೆಗಳು, ಆದರ್ಶ ಪತ್ನಿಯಾಗುವುದು ಹೇಗೆ?, ಪತಿಯನ್ನು ಗೆಲ್ಲುವುದು ಹೇಗೆ?, ಮನೆ ನಿರ್ವಹಣೆ, ನಿರ್ಧಾರಗಳ ಪರಿಣಾಮ ಎಂಬ ವಿಷಯಗಳಡಿ ಈ ಕೋರ್ಸ್ ನೀಡಲಾಗುತ್ತಿದೆ ಎಂದು ಈ ಸಂಸ್ಥೆ ಹೇಳಿಕೊಂಡಿದೆ.
