ಬೆಂಗಳೂರು: ಕೆಲವು ತಿಂಗಳುಗಳ ಹಿಂದೆ ‘ವೀರ ಕಂಬಳ’ ಚಿತ್ರದಲ್ಲೊಂದು ಪ್ರಮುಖ ಮತ್ತು ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ಬಹುಭಾಷಾ ನಟ ಪ್ರಕಾಶ್ ರೈ, ಇದೀಗ ಮತ್ತೊಂದು ಕನ್ನಡ ಚಿತ್ರದ ಭಾಗವಾಗಿದ್ದಾರೆ. ಕೋಮಲ್ ಅಭಿನಯದ ಹೊಸ ಚಿತ್ರದಲ್ಲಿ ಅವರು ನಟಿಸುತ್ತಿದ್ದಾರೆ.
ಇದನ್ನೂ ಓದಿ: ರಹಸ್ಯವಾಗಿ ನಡೆದು ಹೋಯಿತಾ ರಾಖಿ ಸಾವಂತ್ ಮದುವೆ?!
‘ಟ್ವೆಂಟಿ ಟ್ವೆಂಟಿ’ ನಂತರ ಕೋಮಲ್ ಅಭಿನಯಿಸುತ್ತಿರುವ ಹೊಸ ಚಿತ್ರವೇ ‘ಕಾಲಾಯಾ ನಮಃ’. ಹೆಸರೇ ಹೇಳುವಂತೆ ಕಾಲದ ಮಹಿಮೆಯ ಕುರಿತ ಚಿತ್ರ ಇದ್ದಾಗಿದ್ದು, ಈ ಚಿತ್ರಕ್ಕೆ ಪ್ರಕಾಶ್ ರೈ ಅವರ ಎಂಟ್ರಿಯಾಗಿದೆ. ಇತ್ತೀಚೆಗೆ ಮೈಸೂರಿನಲ್ಲಿ ನಡೆದ ಈ ಚಿತ್ರದ ಚಿತ್ರೀಕರಣದಲ್ಲಿ ಪ್ರಕಾಶ್ ರೈ ಭಾಗವಹಿಸಿದ್ದು, ಅವರೊಂದಿಗೆ ಕೋಮಲ್ ಮತ್ತು ಶೈನ್ ಶೆಟ್ಟಿ ಸಹ ನಟಿಸಿದ್ದಾರೆ.
ಸಮಯ ಯಾರ ಮಾತೂ ಕೇಳುವುದಿಲ್ಲ, ಯಾವಾಗ ಏನಾಗಬೇಕೋ ಅದೇ ಆಗುತ್ತದೆ ಎಂಬ ಸಂದೇಶ ಸಾರುವ ಈ ಚಿತ್ರವನ್ನು ಕೋಮಲ್ ಪತ್ನಿ ಅನುಸೂಯ ಕೋಮಲ್ ನಿರ್ಮಿಸುತ್ತಿದ್ದು, ತಮಿಳಿನ ಮತಿವಣ್ಣನ್ ನಿರ್ದೇಶನ ಮಾಡತ್ತಿದ್ದಾರೆ. ಎಮಿಲ್ ಸಂಗೀತ ನಿರ್ದೇಶನ ಹಾಗೂ ರಾಕೇಶ್ ಸಿ ತಿಲಕ್ ಛಾಯಾಗ್ರಹಣ ಈ ಚಿತ್ರಕ್ಕಿದೆ.
ಇದನ್ನೂ ಓದಿ: RRR ಐತಿಹಾಸಿಕ ಸಾಧನೆ: ನಾಟು ನಾಟು ಹಾಡಿಗೆ ಅಂತಾರಾಷ್ಟ್ರೀಯ ಗೋಲ್ಡನ್ ಗ್ಲೋಬ್ಸ್-2023 ಗೌರವ
‘ಕಾಲಾಯ ನಮಃ’ ಚಿತ್ರದಲ್ಲಿ ಕೋಮಲ್ ಕುಮಾರ್, ಆಸಿಯಾ ಫಿರ್ದೋಸ್, ಪ್ರಕಾಶ್ ರೈ, ಸುಚೀಂದ್ರ ಪ್ರಸಾದ್, ತಿಲಕ್, ಯತಿರಾಜ್ ಜಗ್ಗೇಶ್ ಮುಂತಾದವರು ನಟಿಸುತ್ತಿದ್ದಾರೆ.
‘ಪಠಾಣ್’ ವಿವಾದ: ರಾಜಕಾರಣಿಗಳು ನಟಿಯರ ಬಟ್ಟೆಗಳ ಬಗ್ಗೆ ಯೋಚಿಸುವುದನ್ನು ಬಿಡಲಿ ಎಂದ ಸ್ವರಾ