ನವದೆಹಲಿ: ಸ್ವಲ್ಪ ದಿನಗಳ ಹಿಂದೆ ದೆಹಲಿಯ ಪ್ರತಿಷ್ಠಿತ ಶಾಲೆಗಳ ಗಂಡುಮಕ್ಕಳ ಆನ್ಲೈನ್ ಚಾಟ್ ಸಾಮಾಜಿಕ ಜಾಲತಾಣಗಳಲ್ಲಿ ಸದ್ದು ಮಾಡಿತ್ತು.
ಇನ್ನೂ 18ವರ್ಷ ತುಂಬದ ಗಂಡು ಮಕ್ಕಳು ಇನ್ಸ್ಟಾಗ್ರಾಂ ಗ್ರುಪ್ ರಚಿಸಿಕೊಂಡು ಅದರಲ್ಲಿ ಗ್ಯಾಂಗ್ ರೇಪ್, ಸೆಕ್ಸ್, ಹುಡುಗಿಯರ ನಗ್ನ ದೇಹಗಳ ಫೋಟೋ ಶೇರ್ ಮಾಡಿದ್ದು ವೈರಲ್ ಆಗಿತ್ತು. ಟ್ವಿಟರ್ನಲ್ಲಂತೂ ಬಾಯ್ಸ್ ಲಾಕರ್ ರೂಂ ಹ್ಯಾಷ್ಟ್ಯಾಗ್ ಟ್ರೆಂಡ್ ಆಗಿಬಿಟ್ಟಿತ್ತು. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಗ್ರುಪ್ನ್ನು ಡಿ ಆ್ಯಕ್ಟಿವೇಟ್ ಮಾಡಿ, ಓರ್ವನನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದ್ದರು.
ಇದನ್ನೂ ಓದಿ: ಆನ್ಲೈನ್ ಚಾಟಿಂಗ್ನಲ್ಲಿ 18 ತುಂಬದ ಹುಡುಗರ ಪೋಲಿ ಮಾತು ಕೇಳಿ ಬೆಚ್ಚಿಬಿದ್ದ ಪೊಲೀಸರು!
ಈಗ ಬಾಯ್ಸ್ ಲಾಕರ್ ರೂಂ ಅಶ್ಲೀಲ ಚಾಟ್ಗಳ ಪ್ರಕರಣ ಟ್ವಿಸ್ಟ್ ಪಡೆದುಕೊಂಡಿದೆ. ಒಂದು ಶಾಕಿಂಗ್ ಸತ್ಯವನ್ನು ಪೊಲೀಸರು ಬಹಿರಂಗಪಡಿಸಿದ್ದಾರೆ.
ಈ ಗ್ಯಾಂಗ್ರೇಪ್ ಬಗ್ಗೆ ಮೊದಲು ಮಾತು ಶುರುವಾಗಿದ್ದು ಬಾಯ್ಸ್ ಲಾಕರ್ ರೂಂ ಎಂಬ ಆನ್ಲೈನ್ ಗ್ರುಪ್ನಲ್ಲಿ ಅಲ್ಲ. ಓರ್ವ ಹುಡುಗಿ ಮಾಡಿದ ಕೆಲಸ. ಹುಡುಗನ ಹೆಸರಿನಲ್ಲಿ ಇನ್ನೋರ್ವ ಹುಡುಗನಿಗೆ ಗ್ಯಾಂಗ್ರೇಪ್ ಬಗ್ಗೆ ಮೆಸೇಜ್ ಕಳಿಸಿದ್ದಾರೆ.
ಮೊದಲು ಸೆಕ್ಸ್, ರೇಪ್ ಸಂಭಾಷಣೆ ಶುರುವಾಗಿದ್ದು ಸ್ನ್ಯಾಪ್ಚಾಟ್ ಆ್ಯಪ್ನಲ್ಲಿ. ಅದೂ ಓರ್ವ ಹುಡುಗಿ ಸಿದ್ಧಾರ್ಥ್ ಎಂಬ ಹೆಸರಿನ ಅಕೌಂಟ್ ಕ್ರಿಯೇಟ್ ಮಾಡಿ ಅದರಿಂದ ಮತ್ತೋರ್ವ ಹುಡುಗನಿಗೆ ಗ್ಯಾಂಗ್ ರೇಪ್ಗೆ ಸಂಬಂಧಪಟ್ಟಂತೆ ಮೆಸೇಜ್ ಮಾಡಿದ್ದಾಳೆ. ಕಾರಣ ಆ ಹುಡುಗನ ಪ್ರತಿಕ್ರಿಯೆ ಏನು ಎಂಬುದನ್ನು ತಿಳಿಯಲು. ಇವರಿಬ್ಬರೂ ಬಾಯ್ಸ್ ಲಾಕರ್ ರೂಂ ಎಂಬ ಇನ್ಸ್ಟಾಗ್ರಾಂ ಗ್ರುಪ್ಗೆ ಸೇರಿದವರಲ್ಲ.
ಇದನ್ನೂ ಓದಿ: ಹುಡುಗಿಯರ ಅಶ್ಲೀಲ ಚಾಟ್, ಹುಡುಗರ ದೇಹದ ಬಗ್ಗೆ ಮಾತು; ಸ್ಕ್ರೀನ್ ಶಾಟ್ ನೋಡಿ ಹೌಹಾರಿದ ನೆಟ್ಟಿಗರು..!
ಆದರೆ ಇವರಿಬ್ಬರ ಸ್ನ್ಯಾಪ್ಚಾಟ್ ಮೆಸೇಜ್ಗಳ ಸ್ಕ್ರೀನ್ಶಾಟ್ಗಳು ಸಾಮಾಜಿಕ ಜಾಲತಾಣಗಳಲ್ಲಿ ತುಂಬ ಶೇರ್ ಆದವು. ಹಾಗೇ ಬಾಯ್ಸ್ ಲಾಕರ್ ರೂಂ ಗ್ರುಪ್ನಲ್ಲೂ ಶೇರ್ ಆಯಿತು. ಅದನ್ನೇ ಇಟ್ಟುಕೊಂಡು ಗ್ರುಪ್ನಲ್ಲಿರುವ ಹುಡುಗರೂ ಚಾಟ್ ಮಾಡತೊಡಗಿದರು. ಅದು ಅಶ್ಲೀಲವಾಗಿ ಮಾರ್ಪಟ್ಟಿತು ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.
ಮೊದಲು ಚಾಟ್ ಮಾಡಿದ ಹುಡುಗ-ಹುಡುಗಿಯ ವಿರುದ್ಧ ಯಾವುದೇ ಪ್ರಕರಣ ದಾಖಲಿಸುವುದಿಲ್ಲ. ನಕಲಿ ಐಡಿಗಳನ್ನು ರಚಿಸುವುದು ಅಪರಾಧ. ಆದರೆ ಈ ಹುಡುಗಿಯ ಉದ್ದೇಶ ಕೆಟ್ಟದ್ದಾಗಿರಲಿಲ್ಲ ಎಂಬುದು ತನಿಖೆಯಲ್ಲಿ ಗೊತ್ತಾಗಿದೆ. ಆದ್ದರಿಂದ ತಿಳಿವಳಿಕೆ ಹೇಳಿದ್ದೇವೆ. ಯಾವುದೇ ಕಂಪ್ಲೇಂಟ್ ಪೈಲ್ ಮಾಡಿಲ್ಲ ಎಂದಿದ್ದಾರೆ.
ಈಕೆ ಹುಡುಗನ ಹೆಸರಲ್ಲಿ ಅಕೌಂಟ್ ಕ್ರಿಯೇಟ್ ಮಾಡಿಕೊಂಡು ಮೆಸೇಜ್ ಮಾಡಿದ್ದರೂ ಕೂಡ ಅದರಲ್ಲಿ ಲೈಂಗಿಕ ದೌರ್ಜನ್ಯವನ್ನು ತಡೆಯುವ ಬಗ್ಗೆ ಮಾತನಾಡಿದ್ದಾಳೆ. ಹಾಗಾಗಿ ಇಲ್ಲಿ ನಕಲಿ ಐಡಿ ಕ್ರಿಯೇಟ್ ಮಾಡಿದ್ದಷ್ಟೇ ತಪ್ಪು ಹೊರತು ಅಶ್ಲೀಲತೆ ಏನೂ ಇಲ್ಲ ಎಂದಿದ್ದಾರೆ. (ಏಜೆನ್ಸೀಸ್)