ಬೆಂಗಳೂರು: ಹೊಸ ವರ್ಷದ ಹಿನ್ನಲೆ ಬೆಂಗಳೂರಿನಲ್ಲಿ ಪಬ್ಗಳು ಸಜ್ಜಾಗುತ್ತಿವೆ. ಪಬ್ಗಳಲ್ಲಿ ವಿಜೃಂಭಣೆಯಿಂದ ಸಕಲ ಸಿದ್ಧತೆ ನಡೆಯುತ್ತಿದ್ದು ಅಲ್ಲಿನ ಸಿಬ್ಬಂದಿಗಳು ಕರೊನಾ ರೂಲ್ಸ್ ಗಳ ಫಲಕಗಳನ್ನು ಹಾಕಿದ್ದಾರೆ. ಅನೇಕ ಕಡೆಗಳಲ್ಲಿ ನೋ ಮಾಸ್ಕ್, ನೋ ಎಂಟ್ರಿ ಎಂಬ ಫಲಕ ಅಳವಡಿಕೆ ಮಾಡಲಾಗಿದೆ.
ಈ ನಡುವೆ ಹೊಸ ವರ್ಷಾಚರಣೆಗೆ ಮತ್ತೊಂದು ಸೂಚನೆ ಹೊರಬಂದಿದ್ದು ಪಾರ್ಟಿ ಮೂಡ್ ನಲ್ಲಿ ಟೆರೆಸ್ ಮೇಲೆ ಹೋಗುವಂತಿಲ್ಲ ಎಂದು ಪೊಲೀಸರು ಹೇಳುತ್ತಿದ್ದಾರೆ. ಕುಡಿದ ಆಮಲಿನಲ್ಲಿ ಟೆರೆಸ್ ಹತ್ತಿ ಆಯಾ ತಪ್ಪಿ ಬೀಳುವ ಸಾಧ್ಯತೆ ಇರುವುದರಿಂದ ಈ ಸೂಚನೆ ನೀಡಲಾಗಿದೆ.
ಈ ಹಿನ್ನಲೆಯಲ್ಲಿ ಓಪನ್ ಟೆರೆಸ್ ಗಳ ಕಡೆ ಯಾರು ಹೋಗದಂತೆ ಮುನ್ನೆಚ್ಚರಿಕೆ ವಹಿಸಲು ಹೇಳಲಾಗಿದೆ. ಪೊಲೀಸರು ಟೆರೆಸ್ ಮೇಲೆ ಹೋಗುವ ಡೋರ್ ಗಳನ್ನ ಕ್ಲೋಸ್ ಮಾಡುವಂತೆ ಪಬ್, ರೆಸ್ಟೋರೆಂಟ್ ಮಾಲೀಕರಿಗೆ ಸೂಚನೆ ನೀಡಿದ್ದು ಒಂದು ವೇಳೆ ಟೆರೆಸ್ನಲ್ಲಿ ಪಾರ್ಟಿ ಹಾಲ್ಗಳಿದ್ರೆ ಸುರಕ್ಷತಾ ಕ್ರಮಗಳನ್ನ ಕೈಗೊಳ್ಳುವಂತೆ ಹೇಳಲಾಗಿದೆ. ಕುಡಿದ ಅಮಲಿನಲ್ಲಿ ಇರುವವರನ್ನ ಸೇಫ್ ಪ್ಲೇಸ್ ಗಳಲ್ಲಿ ರೆಸ್ಟ್ ಮಾಡಲು ಸ್ಥಳಾವಕಾಶ ವ್ಯವಸ್ಥೆ ಮಾಡಲು ಪೊಲೀಸರು ಸೂಚಿಸಿದ್ದಾರೆ.