ನವದೆಹಲಿ : ಕಳೆದ 75 ದಿನಗಳಲ್ಲಿ 41 ನೇ ಬಾರಿಯ ಬೆಲೆ ಏರಿಕೆಯಲ್ಲಿ ಇಂದು ಪೆಟ್ರೋಲ್ ದರ 30 ಪೈಸೆಯಷ್ಟು ಹೆಚ್ಚಳ ಕಂಡಿದೆ. ಪಂಚರಾಜ್ಯಗಳ ವಿಧಾನಸಭಾ ಚುನಾವಣೆಯ ಫಲಿತಾಂಶದ ನಂತರದಲ್ಲಿ ದೇಶದಲ್ಲಿ ಪೆಟ್ರೋಲ್ ಬೆಲೆ ಲೀಟರ್ 11.44 ರೂ.ಗಳಷ್ಟು ಏರಿಕೆಯಾಗಿದೆ.
ಮತ್ತೊಂದೆಡೆ, ಡೀಸೆಲ್ ಬೆಲೆಯಲ್ಲಿ ಇಂದು ಯಾವುದೇ ಬದಲಾವಣೆಯಾಗಿಲ್ಲ. ಮೇ ತಿಂಗಳಿಂದ ಈವರೆಗೆ ಲೀಟರ್ಗೆ 9.14 ರೂ.ಗಳಷ್ಟು ಏರಿಕೆ ಕಂಡಿರುವ ಡೀಸೆಲ್ಗೆ ಮೂರನೇ ಬಾರಿ ಬೆಲೆ ಏರಿಕೆಯಿಂದ ವಿನಾಯಿತಿ ಸಿಕ್ಕಿದೆ. ಜೊತೆಗೆ ಡೀಸೆಲ್ ಬೆಲೆ ಜುಲೈ 12 ರಂದು ಲೀಟರ್ 16 ಪೈಸೆಯಷ್ಟು ಇಳಿಕೆಯನ್ನೂ ಕಂಡಿತ್ತು ಎನ್ನಲಾಗಿದೆ.
ಇದನ್ನೂ ಓದಿ: ಕೇರಳದಲ್ಲಿ ಇಂದು, ನಾಳೆ ಸಂಪೂರ್ಣ ಲಾಕ್ಡೌನ್
ಇಂದಿನ ಏರಿಕೆಯ ನಂತರ, ದೆಹಲಿಯಲ್ಲಿ ಪೆಟ್ರೋಲ್ ಬೆಲೆಯು ಲೀಟರ್ಗೆ 101.84 ರೂ. ತಲುಪಿದೆ, ಡೀಸೆಲ್ ಬೆಲೆ 89.87 ರೂ.ಗಳಷ್ಟಿದೆ. ದೆಹಲಿಯ ಇಂಡಿಯನ್ ಆಯಿಲ್ ಕಾರ್ಪೋರೇಷನ್ನ ಈ ಬೆಲೆಯನ್ನು ಮಾನದಂಡವಾಗಿಟ್ಟುಕೊಂಡರೂ, ದೇಶದ ವಿವಿಧೆಡೆಗಳಲ್ಲಿ ಆಯಾ ರಾಜ್ಯಗಳ ತೆರಿಗೆ ದರಗಳನ್ವಯ ಇಂಧನ ಬೆಲೆಗಳಲ್ಲಿ ವ್ಯತ್ಯಾಸ ಕಂಡುಬರುತ್ತದೆ.
ಐದು ಮಹಾನಗರಗಳಾದ ದೆಹಲಿ, ಮುಂಬೈ, ಚೆನ್ನೈ, ಕೊಲ್ಕತ ಮತ್ತು ಬೆಂಗಳೂರಿನಲ್ಲಿ ಅದಾಗಲೇ 100 ರೂ.ಗಳ ಮಟ್ಟವನ್ನು ಪೆಟ್ರೋಲ್ ಬೆಲೆ ಮೀರಿ ಆಗಿದೆ. ಮುಂಬೈನಲ್ಲಿ ಪೆಟ್ರೋಲ್ 107.83 ರೂ. ಮತ್ತು ಡೀಸೆಲ್ 97.45 ರೂ.ಗಳ ದರದಲ್ಲಿ ಲಭ್ಯವಿದೆ. ದೇಶಾದ್ಯಂತ ಇಂಧನವು ಅತ್ಯಂತ ದುಬಾರಿಯಾಗಿರುವುದು ರಾಜಸ್ಥಾನದ ಗಂಗಾನಗರದಲ್ಲಿ – ಇಲ್ಲಿನ ಬಂಕುಗಳಲ್ಲಿ ಪೆಟ್ರೋಲ್ನ ಮಾರಾಟ ಬೆಲೆ ಲೀಟರ್ಗೆ 113.21 ರೂ. ಇದ್ದರೆ, ಡೀಸೆಲ್ ಬೆಲೆ 103.15 ರೂ.ನಷ್ಟಿದೆ.
ಇದನ್ನೂ ಓದಿ: ರಾಜ್ಯದಲ್ಲಿ ಉನ್ನತ ಶಿಕ್ಷಣ ಕಾಲೇಜು ತರಗತಿ ಆರಂಭ ಯಾವಾಗ?
ಏರುತ್ತಿರುವ ಅಂತರರಾಷ್ಟ್ರೀಯ ತೈಲ ದರಗಳು ಮತ್ತು ದೇಶೀಯ ತೆರಿಗೆಗಳ ದುಬಾರಿ ಮಟ್ಟವು ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆ ಏರಿಕೆಗೆ ಪ್ರಮುಖ ಕಾರಣಗಳಾಗಿವೆ. ಭಾರತ ಪರಿಷ್ಕರಿಸುವ ಇಂಧನದಲ್ಲಿ ಶೇ. 80 ರಷ್ಟಕ್ಕೆ ಕಚ್ಚಾ ತೈಲವನ್ನು ಆಮದು ಮಾಡಿಕೊಳ್ಳುತ್ತದೆ ಎನ್ನಲಾಗಿದೆ. (ಏಜೆನ್ಸೀಸ್)
ರಾಜ್ಯಾದ್ಯಂತ ಎಸ್ಸೆಸ್ಸೆಲ್ಸಿ ಮಾದರಿ ಪರೀಕ್ಷೆ; ಪರೀಕ್ಷಾ ಕೇಂದ್ರಗಳಿಗೆ ಶಿಕ್ಷಣ ಸಚಿವರ ಭೇಟಿ