ಹಾವೇರಿ: ಚುನಾವಣಾ ಕಾವು ಏರುತ್ತಿದ್ದಂತೆಯೇ ರಾಜಕೀಯ ನಾಯಕರುಗಳು ನಾನಾ ರೀತಿಯ ಆಮಿಷ ತೋರಿಸಿ ಜನರ ಬೆಂಬಲ ಪಡೆಯಲು ಪ್ರಯತ್ನಿಸುತ್ತಾರೆ. ಹಾವೇರಿಯ ಬ್ಯಾಡಗಿ ಕ್ಷೇತ್ರದಲ್ಲೂ ಅದೇ ರೀತಿ ಆಮಿಷ ತೋರಿಸಲಾಗುತ್ತಿದ್ದು ಇಲ್ಲಿ ಮಾತ್ರ ಜನರನ್ನು ಸೆಳೆಯಲು ಬಳಸುತ್ತಿರುವುದು ಪೆಟ್ರೋಲ್! ಈ ವಿಶೇಷ ಎಕ್ಸ್ಕ್ಲೂಸಿವ್ ಮಾಹಿತಿ ಲಭಿಸಿರುವುದು ದಿಗ್ವಿಜಯ ನ್ಯೂಸ್ಗೆ.
ಹಾವೇರಿಯ ಬ್ಯಾಡಗಿ ಕ್ಷೇತ್ರದಲ್ಲಿ ಬಿಜೆಪಿ ಎಸ್ಟಿ ಮೋರ್ಚಾ ಸಮಾವೇಶದ ಹಿನ್ನಲೆಯಲ್ಲಿ ಬಿಜೆಪಿ ಕಾರ್ಯಕರ್ತರಿಗೆ ಪೆಟ್ರೋಲ್ ಆಮಿಷ ಒಡ್ಡಲಾಗಿದೆ. ಕಾರ್ಯಕರ್ತರಿಗೆ ಮೊದಲು ಟೋಕನ್ ನೀಡಿ ನಂತರ ಪೆಟ್ರೋಲ್ ನೀಡುವ ವ್ಯವಸ್ಥೆ ಮಾಡಲಾಗಿದೆ. ಇಲ್ಲಿ ಸೇರುವ ಪ್ರತಿಯೊಂದು ವಾಹನಕ್ಕೂ 100 ರೂಪಾಯಿಯ ಪೆಟ್ರೋಲ್ ನೀಡುವ ಆಮಿಷವನ್ನು ಒಡ್ಡಲಾಗಿದೆ.
ಆದರೆ ಇದಕ್ಕೆ ಒಂದೇ ಕೆಲಸವನ್ನು ನೀವು ಮಾಡಿಕೊಡಬೇಕು. ನಿಮ್ಮ ಬೈಕ್ಗೆ ಬಿಜೆಪಿ ಭಾವುಟ ಕಟ್ಟಿರಬೇಕು. ಅಂತಹ ದ್ವಿಚಕ್ರ ವಾಹನಗಳಿಗೆ ಮಾತ್ರ ಟೋಕನ್ ಕಾರ್ಯಕರ್ತರು ನೀಡುತ್ತಿದ್ದಾರೆ. ಹೀಗಾಗಿ ಬ್ಯಾಡಗಿ- ಮೊಟ್ಟೆಬೆನ್ನೂರು ರಸ್ತೆಯ ಹೊರವಲಯದ ಬಂಕ್ ಬಳಿ ದ್ವಿಚಕ್ರ ವಾಹನಗಳು ಸಾಲುಗಟ್ಟಿ ನಿಂತಿವೆ.
ಈ ಸುದ್ದಿಯನ್ನು ವಿಡಿಯೋ ರೂಪದಲ್ಲಿ ಇಲ್ಲಿ ನೋಡಿ:
ಬಿಜೆಪಿ ರಾಜ್ಯ ಉಸ್ತುವಾರಿ ಅರುಣ್ ಸಿಂಗ್, ಬಿಜೆಪಿ ಉಪಾಧ್ಯಕ್ಷ ಬಿ.ವೈ ವಿಜಯೇಂದ್ರ ಬರುತ್ತಿದ್ದು ರೋಡ್ ಶೋ ಹಿನ್ನೆಲೆಯಲ್ಲಿ ಜನರನ್ನು ಸೆಳೆಯಲು ಈ ತಂತ್ರವನ್ನು ಬಳಸಲಾಗಿದೆ. ಅಂದಹಾಗೆ ಪೆಟ್ರೋಲ್ ಆಮಿಷ ಒಡ್ಡಿ ಜನರನ್ನು ಸೇರಿಸುತ್ತಿರುವುದು ಹಾಲಿ ಶಾಸಕ ವಿರೂಪಾಕ್ಷಪ್ಪ ಬಳ್ಳಾರಿಯ ಬೆಂಬಲಿಗರು. ಈ ರೋಡ್ ಶೋ ಬ್ಯಾಡಗಿ ವಿಧಾನಸಭಾ ಕ್ಷೇತ್ರದ ಪ್ರಮುಖ ಬೀದಿಯಲ್ಲಿ ನಡೆಯಲಿದೆ.
ತೃತೀಯ ಲಿಂಗಿಗಳ ಆರ್ಥಿಕ ಅಭಿವೃದ್ಧಿ: ದೇಶದಲ್ಲಿ ಮೊದಲ ಟ್ರಾನ್ಸ್ ಟೀ ಸ್ಟಾಲ್!