ನವದೆಹಲಿ: ಲಾಕ್ಡೌನ್ ಹಂತ ಹಂತವಾಗಿ ಹಿಂತೆಗೆಯುವ ಪ್ರಕ್ರಿಯೆ ಆರಂಭವಾದ ಬೆನ್ನಿಗೆ ಪೆಟ್ರೋಲ್, ಡೀಸೆಲ್ ಬೆಲೆಗಳ ನಿತ್ಯ ಪರಿಷ್ಕರಣೆಯೂ ಆರಂಭವಾಗಿದೆ. ಭಾನುವಾರದಿಂದ ನಿತ್ಯ ದರ ಪರಿಷ್ಕರಣೆ ಶುರುವಾಗಿದ್ದು ಸತತ ಐದನೇ ದಿನವೂ ಬೆಲೆ ಏರಿಕೆ ದಾಖಲಾಗಿದೆ. ಲಾಕ್ಡೌನ್ ಅವಧಿಯಲ್ಲಿ 82 ದಿನಗಳ ಕಾಲ ಪೆಟ್ರೋಲಿಯಂ ಉತ್ಪನ್ನಗಳ ಬೆಲೆ ಸ್ಥಿರವಾಗಿತ್ತು.ಯಾವುದೇ ಪರಿಷ್ಕರಣೆ ನಡೆದಿರಲಿಲ್ಲ.
ಗುರುವಾರ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆ ಪ್ರತಿ ಲೀಟರ್ ಮೇಲೆ 60 ಪೈಸೆ ಹೆಚ್ಚಳವಾಗಿದೆ. ಇದರಂತೆ ದೆಹಲಿಯಲ್ಲಿ ಪೆಟ್ರೋಲ್ ಬೆಲೆ ಲೀಟರ್ಗೆ 74 ರೂಪಾಯಿ ಆದರೆ, ಡೀಸೆಲ್ ಬೆಲೆ ಪ್ರತಿ ಲೀಟರ್ಗೆ 72.22 ಪೈಸೆ ಆಗಿದೆ. ನಿನ್ನೆ ಪೆಟ್ರೋಲ್ ಬೆಲೆ ಲೀಟರ್ಗೆ 73.40 ಪೈಸೆ ಇತ್ತು. ಡೀಸೆಲ್ ಬೆಲೆ 71.62 ಪೈಸೆ ಇತ್ತು.
ಇದನ್ನೂ ಓದಿ: ತೈಲ ಬೆಲೆ ಸತತ 4ನೇ ದಿನ ಏರಿಕೆ
ಆದಾಗ್ಯೂ, ದೇಶಾದ್ಯಂತ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆ ಏಕರೂಪದಲ್ಲಿ ಇಲ್ಲ. ಆಯಾ ರಾಜ್ಯಗಳಲ್ಲಿನ ಸ್ಥಳೀಯ ತೆರಿಗೆ ಅಥವಾ ವ್ಯಾಟ್ ಮತ್ತು ಇತರೆ ವೆಚ್ಚಕ್ಕೆ ಅನುಗುಣವಾಗಿ ವ್ಯತ್ಯಾಸವಿದೆ. ದೆಹಲಿಯಲ್ಲಿ ಕಳೆದ ಐದು ದಿನಗಳ ಅವಧಿಯಲ್ಲಿ ಒಟ್ಟು ಪೆಟ್ರೋಲ್ ಬೆಲೆ ಲೀಟರ್ಗೆ 2.74 ರೂಪಾಯಿ, ಡೀಸೆಲ್ಗೆ ಲೀಟರಿಗೆ 2.83 ರೂಪಾಯಿ ಏರಿಕೆ ಆದಂತಾಗಿದೆ. (ಏಜೆನ್ಸೀಸ್)
ಪೆಟ್ರೋಲ್ ಬೆಲೆ 54 ಪೈಸೆ, ಡೀಸೆಲ್ ಬೆಲೆ 58 ಪೈಸೆ ಪ್ರತಿ ಲೀಟರ್ಗೆ ಹೆಚ್ಚಳ