ನವದೆಹಲಿ: ಜಾಗತಿಕ ತೈಲ ಬೆಲೆಗಳಲ್ಲಿ ಮೂರು ವರ್ಷಗಳಲ್ಲೇ ಅತಿಯಾದ ಏರಿಕೆ ಕಂಡುಬಂದಿರುವ ಕಾರಣ, ಭಾರತದಲ್ಲಿ ಶನಿವಾರ(ಅ.2) ಪೆಟ್ರೋಲ್-ಡೀಸೆಲ್ ಬೆಲೆಗಳಲ್ಲಿ ಮತ್ತೆ ಏರಿಕೆ ಕಂಡುಬಂದಿದೆ. ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ 25 ಪೈಸೆ ಏರಿಕೆಯೊಂದಿಗೆ ಲೀಟರ್ಗೆ 101.89 ರೂ. ಇದ್ದ ಪೆಟ್ರೋಲ್ ಬೆಲೆ ₹ 102.14 ಆಗಿದೆ. ಡೀಸೆಲ್ ಬೆಲೆಯು 30 ಪೈಸೆಯಷ್ಟು ಹೆಚ್ಚಿದ್ದು, ಪ್ರತಿ ಲೀಟರ್ಗೆ ₹ 90.17 ರಿಂದ ₹ 90.47 ಹೆಚ್ಚಿದೆ ಎಂದು ಇಂಡಿಯನ್ ಆಯಿಲ್ ಕಾರ್ಪೋರೇಷನ್ ತಿಳಿಸಿದೆ.
ಮುಂಬೈನಲ್ಲಿ 24 ಪೈಸೆ ಹೆಚ್ಚಳದೊಂದಿಗೆ ಪೆಟ್ರೋಲ್ ಬೆಲೆಯು ಲೀಟರ್ಗೆ 108.19 ರೂ. ಆಗಿದ್ದು, ಡೀಸೆಲ್ಗೆ ಪ್ರತಿ ಲೀಟರ್ಗೆ 32 ಪೈಸೆ ಹೆಚ್ಚಳವಾಗಿ 98.16 ರೂ. ತಲುಪಿದೆ. ನಾಲ್ಕು ಮೆಟ್ರೊ ನಗರಗಳಲ್ಲಿ ಅತಿಹೆಚ್ಚಿನ ಇಂಧನ ಬೆಲೆ ಇರುವ ನಗರವೆಂದರೆ ಮುಂಬೈ. ವ್ಯಾಟ್ನಲ್ಲಿನ ವ್ಯತ್ಯಾಸದಿಂದಾಗಿ ವಿವಿಧ ರಾಜ್ಯಗಳಲ್ಲಿ ಬೇರೆ ಬೇರೆ ಇಂಧನ ದರಗಳು ಇರುತ್ತವೆ. (ಏಜೆನ್ಸೀಸ್)
VIDEO| ಅಂಡರ್ವಾಟರ್ ಜಾವೆಲಿನ್! ಚಿನ್ನದ ಹುಡುಗ ನೀರಜ್ ಚೋಪ್ರಾರ ಈ ವಿಡಿಯೋ ನೋಡಿ