ನೂರ್ ಸುಲ್ತಾನ್: ನಿದ್ರೆಯೆಂದರೆ ಯಾರಿಗೆ ತಾನೆ ಇಷ್ಟವಿಲ್ಲ ಹೇಳಿ? ಏನೂ ಕೆಲಸವಿಲ್ಲದೆ ನೆಮ್ಮದಿಯಾಗಿ ನಿದ್ರಿಸಿಬಿಡಿ ಎಂದರೆ ಅತ್ಯಂತ ಖುಷಿಯಿಂದ ಮಲಗಿಬಿಡುತ್ತಾರೆ. ಆದರೆ ಈ ಒಂದು ಗ್ರಾಮದ ಜನರಿಗೆ ನಿದ್ರೆಯೆಂದರೆ ಹೆದರಿಕೆ.
ಹೌದು! ಈಗ ನಾವು ಹೇಳಲೊರಟಿರುವುದು ಕಜಕಿಸ್ತಾನದ ಕಲಾಚಿ ಗ್ರಾಮದ ಬಗ್ಗೆ. ಈ ಗ್ರಾಮದಲ್ಲಿ ಕೆಲ ವರ್ಷಗಳ ಹಿಂದೆ ಜನರು ನಿದ್ರೆಯೆಂದರೆ ಭಯಭೀತರಾಗುತ್ತಿದ್ದರಂತೆ. ಎಷ್ಟೋ ಮಂದಿ ಕಂಡ ಕಂಡಲ್ಲೇ ನಿದ್ರೆಗೆ ಜಾರಿ ವಾರಗಟ್ಟಲೆ ನಿದ್ರೆ ಮಾಡಿಬಿಡುತ್ತಿದ್ದರಂತೆ.
ಅಂದ ಹಾಗೆ ಕಲಾಚಿ ಗ್ರಾಮದ ಪಕ್ಕದಲ್ಲಿ ಗಣಿಗಾರಿಕೆ ನಡೆಯುತ್ತಿತ್ತು. ಇದರಿಂದಾಗಿ ಆ ವಾತಾವರಣದಲ್ಲಿ ಕಾರ್ಬನ್ ಮೊನಾಕ್ಸೈಡ್ ಹೆಚ್ಚಿತ್ತಂತೆ. ಎಷ್ಟರ ಮಟ್ಟಿಗೆಂದರೆ ಸಾಮಾನ್ಯ ಪ್ರದೇಶದಲ್ಲಿ ಇರುವ ಕಾರ್ಬನ್ ಮೊನಾಕ್ಸೈಡ್ಗಿಂತ 10 ಪಟ್ಟಿನಷ್ಟು ಹೆಚ್ಚಾಗಿತ್ತಂತೆ. ಇದರಿಂದಾಗಿ ಗ್ರಾಮಕ್ಕೆ ಗ್ರಾಮವೇ ಒಂದು ರೀತಿಯ ಕಾಯಿಲೆಗೆ ತುತ್ತಾಗಿದೆ. ಯಾವುದಕ್ಕೂ ಆಸಕ್ತಿ ಇಲ್ಲದಿರುವುದು, ನಿದ್ರೆ ಮಾಡಿದರೆ ವಾರಗಟ್ಟಲೆ ಎಚ್ಚರವೇ ಆಗದಿರುವಂತಹ ವಿಚಿತ್ರ ರೋಗ ಲಕ್ಷಣಗಳು ಕಾಣಿಸಿಕೊಳ್ಳಲಿವೆ.
ಈ ವಿಚಾರ ಎಲ್ಲೆಡೆ ಪ್ರಸಾರವಾಗುತ್ತಿದ್ದಂತೆ ಎಚ್ಚೆತ್ತುಕೊಂಡ ಸರ್ಕಾರ ಈ ಕಾಯಿಲೆಗೆ ಕಾರಣವನ್ನು ಹುಡುಕಿದೆ. ಅದಾದ ನಂತರ ಅಲ್ಲಿದ್ದ ಸಾಕಷ್ಟು ಕುಟುಂಬಗಳನ್ನು ಅಲ್ಲಿಂದ ಬೇರೆಡೆಗೆ ಸ್ಥಳಾಂತರ ಮಾಡಲಾಗಿದೆ. ಈಗಲೂ 100ಕ್ಕೂ ಅಧಿಕ ಕುಟುಂಬಗಳು ಅಲ್ಲಿ ವಾಸಿಸುತ್ತಿದ್ದು, ಗಣಿಗಾರಿಕೆ ನಡೆಯುತ್ತಿಲ್ಲವಾದ್ದರಿಂದ ಆರೋಗ್ಯವಾಗಿ ಬದುಕುತ್ತಿದ್ದಾರೆ. (ಏಜೆನ್ಸೀಸ್)
16 ತಾಸು ನೀರೊಳಗೇ ಇದ್ದ ಮಹಿಳೆ! ಹೊರಬಂದವಳಿಗೆ ಈಗ ಬೇಕಂತೆ ನಿಮ್ಮೆಲ್ಲರ ಸಹಾಯ
ಹಣ್ಣು ಬೇಕಾ ಮಾವಿನಹಣ್ಣು…. ರೀಲ್ ಅಲ್ಲ ಇದು ರಿಯಲ್: ತೋಟದಲ್ಲಿ ಫುಲ್ ಬಿಜಿ ಈ ತುಮಕೂರು ಬೆಡಗಿ