ಬೆಂಗಳೂರು: ಮೊನ್ನೆಯಷ್ಟೇ ಭಾರತೀಯ ಚಿತ್ರರಂಗದ ಘಟಾನುಘಟಿಗಳಾದ ಅಮಿತಾಬ್ ಬಚ್ಚನ್, ರಜನಿಕಾಂತ್, ಶಿವರಾಜ್ ಕುಮಾರ್, ಚಿರಂಜೀವಿ, ಮಮಮೂಟ್ಟಿ, ಮೋಹನ್ಲಾಲ್, ಪ್ರಿಯಾಂಕಾ ಚೋಪ್ರಾ, ರಣಬೀರ್ ಕಪೂರ್, ಆಲಿಯಾ ಭಟ್ ಸೇರಿ ಹಲವರು ತಾವಿದ್ದಲ್ಲಿಂದಲೇ ವಿಡಿಯೋ ಮಾಡಿ ಅದಕ್ಕೆ ಫ್ಯಾಮಿಲಿ ಎಂಬ ಶೀರ್ಷಿಕೆ ನೀಡಿ ಯೂಟ್ಯೂಬ್ನಲ್ಲಿ ಹರಿಬಿಟ್ಟಿದ್ದರು. ಆ ಪ್ರಯತ್ನಕ್ಕೆ ಭಾರೀ ಮೆಚ್ಚುಗೆ ಸಹ ವ್ಯಕ್ತವಾಗಿತ್ತು. ಇದೀಗ ಆ ಪ್ರಯತ್ನದ ಸ್ಫೂರ್ತಿಯಿಂದ ಕನ್ನಡದಲ್ಲೂ ಒಂದು ಕಿರು ಚಿತ್ರ ಮೂಡಿಬಂದಿದೆ. ಅದರ ಹೆಸರು ಹೊಸ ಕ್ಲೈಮ್ಯಾಕ್ಸ್ ಎಲ್ಲಿ.. ಹೌದು, ಈ ಕ್ಲೈಮ್ಯಾಕ್ಸ್ ನ ಸೃಷ್ಟಿಕರ್ತ ಪವನ್ ಒಡೆಯರ್. ಈ ಕಿರುಚಿತ್ರಕ್ಕೆ ಅವರು ಬಳಸಿಕೊಂಡಿದ್ದು ತಮ್ಮದೆ ರೇಮೋ ಚಿತ್ರತಂಡವನ್ನು ಎಂಬುದಿಲ್ಲಿ ವಿಶೇಷ.
ರೇಮೋ ಚಿತ್ರದ ಕ್ಲೈಮ್ಯಾಕ್ಸ್ ಬದಲಾವಣೆ ಪ್ರಹಸನವೇ ಈ ಚಿತ್ರದ ಕಥೆ. ರಾಜೇಶ್ ನಟರಂಗ ಅವರಿಂದ ಶುರುವಾಗುವ ಈ ಕಿರುಚಿತ್ರದಲ್ಲಿ ಪವನ್ ಒಡೆಯರ್ ಯಥಾ ಪ್ರಕಾರ ನಿರ್ದೇಶರಾಗಿಯೇ ಕಾಣಿಸಿಕೊಂಡಿದ್ದಾರೆ. ಅವರ ಜತೆ ಅಚ್ಯುತ್ ಕುಮಾರ್, ನಿರ್ಮಾಪಕ ಮನೋಹರ್, ಚಿತ್ರದ ನಾಯಕ ಇಶಾನ್, ಇಮ್ರಾನ್ ಸರ್ದಾರಿಯಾ, ಅಪೇಕ್ಷಾ ಪುರೋಹಿತ್, ಆಶಿಕಾ ರಂಗನಾಥ್ ಸೇರಿ ಹಲವರು ಈ ಕ್ಲೈಮ್ಯಾಕ್ಸ್ ನಲ್ಲಿ ಬಂದು ಹೋಗುತ್ತಾರೆ. ಬ್ಲ್ಯಾಂಕ್ ಆ್ಯಂಡ್ ವೈಟ್ನಲ್ಲಿಯೇ ಕ್ಲೈಮ್ಯಾಕ್ಸ್ ಮೂಡಿಬಂದಿದೆ. ಪವನ್ ಒಡೆಯರ್ ಯೂಟ್ಯೂಬ್ ಚಾನೆಲ್ನಲ್ಲಿ ಈ ವಿಡಿಯೋ ಲಭ್ಯವಿದೆ.
ಹೊಸ ಕ್ಲೈಮಾಕ್ಸ್ ಎಲ್ಲಿ? Where is the new climax?
— Pavan Wadeyar (@PavanWadeyar) April 10, 2020
What home made short movie. From the team #Raymo just to entertain you. #Corona #Lockdown its purly inspired by @SrBachchan sir short movie. Watch share support. #Stayhome #Staysafehttps://t.co/4gWsKKRiWU
ಶಾರೂಖ್ ಖಾನ್ ಎಷ್ಟು ಬಾರಿ ಮದುವೆಯಾಗಿದ್ದಾರೆ ಗೊತ್ತಾ?