ಬೆಂಗಳೂರು: ಇತ್ತೀಚೆಗಷ್ಟೇ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದ ನಿರ್ದೇಶಕ ಪವನ್ ಒಡೆಯರ್-ಅಪೇಕ್ಷಾ ದಂಪತಿಯು ಪ್ರೆಗ್ನನ್ಸಿ ಫೋಟೋಶೂಟ್ ಮಾಡಿಸಿ ಸಂಭ್ರಮಿಸಿತ್ತು. ಅದಾದ ಕೆಲವೇ ದಿನಗಳಲ್ಲಿ ಕುಟುಂಬದವರ ಸಮ್ಮುಖದಲ್ಲಿ ಸೀಮಂತ ಕಾರ್ಯವೂ ನಡೆದಿತ್ತು.
ಇದನ್ನೂ ಓದಿ: ಪಾರ್ಟಿ ಮೂಡ್ನಲ್ಲಿ ನಿಶ್ವಿಕಾ – ಚಂದನ್ ಶೆಟ್ಟಿ ಹೊಸ ಆಲ್ಬಂನಲ್ಲಿ ನಿವೇದಿತಾ
ಇಂದು ಬೆಳಿಗ್ಗೆ, ನಗರದ ಖಾಸಗೀ ಆಸ್ಪತ್ರೆಯಲ್ಲಿ ಅಪೇಕ್ಷಾ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ವಿಶೇಷವೆಂದರೆ, ಇಂದು ಪವನ್ ಒಡೆಯರ್ ಅವರ ಹುಟ್ಟುಹಬ್ಬ. ಅವರ ಹುಟ್ಟಿದ ದಿನದಂದೇ ಮಗ ಸಹ ಹುಟ್ಟಿರುವುದು ವಿಶೇಷ.
ಈ ಕುರಿತು ಸೋಷಿಯಲ್ ಮೀಡಿಯಾದಲ್ಲಿ ಸಿಹಿಸುದ್ದಿ ಹಂಚಿಕೊಂಡಿರುವ ಪವನ್, ಹುಟ್ಟುಹಬ್ಬದ ದಿನದಂದೇ ತಂದೆಯಾಗಿರುವುದು ತಮಗೆ ಸಿಕ್ಕ ಅದ್ಭುತ ಉಡುಗೊರೆ ಎಂದು ಹೇಳಿಕೊಂಡಿದ್ದಾರೆ. ಅಷ್ಟೇ ಅಲ್ಲ, ಒಂದು ಫೋಟೋ ಸಹ ಶೇರ್ ಮಾಡಿಕೊಂಡಿದ್ದಾರೆ. ಈ ಫೋಟೋದಲ್ಲಿ ಪುಟ್ಟ ಮಗುವಿನ ಕಾಲು ಹಿಡಿದುಕೊಂಡಿರುವ ಪವನ್ ಮತ್ತು ಅವರ ಪತ್ನಿಯನ್ನು ನೋಡಬಹುದು.
ಇದನ್ನೂ ಓದಿ: ‘ಫ್ಯಾಂಟಮ್’ ಕೊನೇ ಹಂತದ ಶೂಟಿಂಗ್ನಲ್ಲಿ ಕಿಚ್ಚ ಸುದೀಪ್
ಇನ್ನು ಇಂದು ಬೆಳಿಗ್ಗೆಯಿಂದಲೇ ಚಿತ್ರರಂಗದ ಮಂದಿ ಮತ್ತು ಪವನ್ ಅವರ ಅಭಿಮಾನಿಗಳು, ಪವನ್ ಹುಟ್ಟುಹಬ್ಬಕ್ಕೆ ಶುಭ ಕೋರಿದ್ದರು. ಇನ್ನು ಗಂಡು ಮಗುವಾದ ಸುದ್ದಿ ಹೊರಬಿದ್ದ ನಂತರ ಪವನ್ ಮತ್ತು ಅವರ ಮಗನಿಗೆ ಶುಭಹಾರೈಕೆಗಳ ಮಹಾಪೂರವೇ ಹರಿದಬರುತ್ತಿದೆ.
ಕೃತಿ ವರ್ಸಸ್ ಕಿಯಾರಾ!; ಹೃತಿಕ್ ‘ಕ್ರಿಷ್ 4’ ಚಿತ್ರಕ್ಕೆ ಇಬ್ಬರಲ್ಲಿ ಯಾರಾಗ್ತಾರೆ ಜೋಡಿ?