ಪಟನಾ: ಕೋವಿಡ್-19 ಪ್ರಕರಣಗಳು ಸ್ಥಿರವಾಗಿ ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ ಬಿಹಾರದ ರಾಜಧಾನಿ ಪಟನಾವನ್ನು ಲಾಕ್ಡೌನ್ ಮಾಡಲು ಜಿಲ್ಲಾಧಿಕಾರಿ ನಿರ್ಧರಿಸಿದ್ದಾರೆ. ಅದರಂತೆ ಜುಲೈ 10ರಿಂದ ಆರಂಭವಾಗಿ ಜುಲೈ 16ರವರೆಗೆ ಪಟನಾ ಲಾಕ್ಡೌನ್ ಆಗಲಿದೆ.
ಈ ಬಗ್ಗೆ ಆದೇಶ ಬಿಡುಗಡೆ ಮಾಡಿರುವ ಅವರು, ಲಾಕ್ಡೌನ್ ಅವಧಿಯಲ್ಲಿ ಅಗತ್ಯವಸ್ತುಗಳ ಮಾರಾಟ ಅಂಗಡಿಗಳು ಬಿಟ್ಟು ಬೇರಾವುದೇ ಅಂಗಡಿಗಳು ತೆರೆದಿರುವುದಿಲ್ಲ. ಪ್ರಾರ್ಥನಾ ಮಂದಿರ, ದೇಗುಲಗಳು ಕೂಡ ಬಂದ್ ಆಗಿರಲಿವೆ ಎಂದು ತಿಳಿಸಿದ್ದಾರೆ.
ಇದನ್ನೂ ಓದಿ: ವಿಶ್ವ ಹೂಡಿಕೆದಾರರ ಸೆಳೆಯಲಿದೆ ಬೆಂಗಳೂರಿನ ಚಿಂಗಾರಿ; ಸಂಗೀತ ಸಂಯೋಜಕರಿಗೂ ಆದಾಯ
ಮಂಗಳವಾರ ಹೊಸದಾಗಿ 385 ಮಂದಿ ಕೋವಿಡ್ ಪರೀಕ್ಷೆ ವರದಿ ಪಾಸಿಟಿವ್ ಬಂದಿದ್ದು, ಒಟ್ಟಾರೆ ಸೋಂಕಿತರ ಸಂಖ್ಯೆ 12,525 ತಲುಪಿದೆ. ಇದುವರೆಗೆ 97 ಮಂದಿ ಮೃತಪಟ್ಟಿದ್ದಾರೆ. ಈ ಹಿನ್ನೆಲೆಯಲ್ಲಿ ಪಟನಾವನ್ನು ಒಂದು ವಾರ ಲಾಕ್ಡೌನ್ ಮಾಡಲು ನಿರ್ಧರಿಸಲಾಗಿದೆ ಎಂದು ಹೇಳಲಾಗಿದೆ.
ಪಟನಾ ಜಿಲ್ಲೆಯಲ್ಲಿ ಇದುವರೆಗೆ 12 ಜನ ಕೋವಿಡ್ಗೆ ಬಲಿಯಾಗಿದ್ದಾರೆ. ದರ್ಭಾಂಗಾ (7), ಸಮಷ್ಟಿಪುರ (6), ಭಾಗಲ್ಪುರ, ಮುಜಾಫರಪುರ್, ನಳಂದಾ, ಪೂರ್ವ ಚಂಪಾರಣ್, ರೋಹಟಾಸ್ ಮತ್ತು ಸರನ್ನಲ್ಲಿ ತಲಾ ಐವರು ಮೃತಪಟ್ಟಿದ್ದಾರೆ.
ವಿಶ್ವ ಹೂಡಿಕೆದಾರರ ಸೆಳೆಯಲಿದೆ ಬೆಂಗಳೂರಿನ ಚಿಂಗಾರಿ; ಸಂಗೀತ ಸಂಯೋಜಕರಿಗೂ ಆದಾಯ