ಪಲ್ಲೆಕಿಲೆ: ಆರಂಭಿಕ ಪಥುಮ್ ನಿಸ್ಸಂಕ (210*ರನ್, 139 ಎಸೆತ, 20 ಬೌಂಡರಿ, 8 ಸಿಕ್ಸರ್) ಏಕದಿನ ಕ್ರಿಕೆಟ್ನಲ್ಲಿ ಶ್ರೀಲಂಕಾ ಪರ ದ್ವಿಶತಕ ಸಿಡಿಸಿದ ಮೊಟ್ಟಮೊದಲ ಬ್ಯಾಟರ್ ಎಂಬ ಇತಿಹಾಸ ನಿರ್ಮಿಸಿದ್ದಾರೆ. ಪ್ರವಾಸಿ ಅಫ್ಘಾನಿಸ್ತಾನ ವಿರುದ್ಧದ ಏಕದಿನ ಸರಣಿಯ ಮೊದಲ ಪಂದ್ಯದಲ್ಲಿ 25 ವರ್ಷದ ನಿಸ್ಸಂಕ ಈ ಸಾಧನೆ ಮಾಡುವ ಮೂಲಕ ಶ್ರೀಲಂಕಾಕ್ಕೆ 42 ರನ್ಗಳಿಂದ ಗೆಲುವು ತಂದುಕೊಟ್ಟರು.
ಶುಕ್ರವಾರ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿದ ಲಂಕಾ, ನಿಸ್ಸಂಕ ಸಾಹಸದಿಂದ 3 ವಿಕೆಟ್ಗೆ 381 ರನ್ ಪೇರಿಸಿತು. ಪ್ರತಿಯಾಗಿ ಅಜ್ಮತ್ಉಲ್ಲಾ ಒಮರ್ಜಾಯಿ (149*) ಮತ್ತು ಮೊಹಮದ್ ನಬಿ (136) ಶತಕದ ಹೋರಾಟದ ನಡುವೆಯೂ ಆಫ್ಘನ್ 6 ವಿಕೆಟ್ಗೆ 339 ರನ್ ಗಳಿಸಲಷ್ಟೇ ಶಕ್ತವಾಯಿತು.
ಸನತ್ ಜಯಸೂರ್ಯ 24 ವರ್ಷಗಳ ದಾಖಲೆ ಪತನ
ಪಥುಮ್ ನಿಸ್ಸಂಕ ಏಕದಿನ ಕ್ರಿಕೆಟ್ನಲ್ಲಿ ಶ್ರೀಲಂಕಾ ಪರ ಗರಿಷ್ಠ ರನ್ ಬಾರಿಸಿದ ಬ್ಯಾಟರ್ ಎಂಬ ಸನತ್ ಜಯಸೂರ್ಯ ಅವರ 24 ವರ್ಷ ಹಳೆಯ ದಾಖಲೆಯನ್ನೂ ಮುರಿದಿದ್ದಾರೆ. 2000ದಲ್ಲಿ ಶಾರ್ಜಾದಲ್ಲಿ ಭಾರತ ವಿರುದ್ಧದ ಚಾಂಪಿಯನ್ಸ್ ಟ್ರೋಫಿ ಪಂದ್ಯದಲ್ಲಿ ರ್ಜಯಸೂರ್ಯ 189 ರನ್ ಬಾರಿಸಿದ್ದು ಇದುವರೆಗಿನ ದಾಖಲೆಯಾಗಿತ್ತು. ದೇಶೀಯ ಏಕದಿನ ಕ್ರಿಕೆಟ್ನಲ್ಲೂ ಲಂಕಾ ಪರ ಇದುವರೆಗೆ ದ್ವಿಶತಕ ದಾಖಲಾಗಿರಲಿಲ್ಲ.
ಪಥುಮ್ ನಿಸ್ಸಂಕ ಏಕದಿನ ಕ್ರಿಕೆಟ್ನಲ್ಲಿ ವಿಶ್ವದ 10ನೇ ದ್ವಿಶತಕವೀರರಾಗಿದ್ದಾರೆ. ರೋಹಿತ್ ಗರಿಷ್ಠ 3 ಬಾರಿ ದ್ವಿಶತಕ ಸಿಡಿಸಿದ ದಾಖಲೆ ಹೊಂದಿದ್ದಾರೆ. ಸಚಿನ್ ತೆಂಡುಲ್ಕರ್, ವೀರೇಂದ್ರ ಸೆಹ್ವಾಗ್, ಶುಭಮಾನ್ ಗಿಲ್, ಇಶಾನ್ ಕಿಶನ್, ಮಾರ್ಟಿನ್ ಗುಪ್ಟಿಲ್, ಕ್ರಿಸ್ ಗೇಲ್, ಖರ್ ಜಮಾನ್, ಗ್ಲೆನ್ ಮ್ಯಾಕ್ಸ್ವೆಲ್ ಇತರ ದ್ವಿಶತಕವೀರರು.
ಪಥುಮ್ ನಿಸ್ಸಂಕ 136 ಎಸೆತಗಳಲ್ಲಿ ದ್ವಿಶತಕ ಪೂರೈಸುವ ಮೂಲಕ 3ನೇ ಅತಿವೇಗದ ಸಾಧಕ ಎನಿಸಿದರು. ಇಶಾನ್ ಕಿಶನ್ (126) ಮತ್ತು ಗ್ಲೆನ್ ಮ್ಯಾಕ್ಸ್ವೆಲ್ (128) ಮೊದಲೆರಡು ಸ್ಥಾನದಲ್ಲಿದ್ದಾರೆ. 25 ವರ್ಷ, 267 ದಿನ ವಯಸ್ಸಿನ ಪಥುಮ್ ನಿಸ್ಸಂಕ ಏಕದಿನದಲ್ಲಿ ದ್ವಿಶತಕ ಸಿಡಿಸಿದ 3ನೇ ಕಿರಿಯ ಬ್ಯಾಟರ್. ಶುಭಮಾನ್ ಗಿಲ್ (23 ವರ್ಷ, 132 ದಿನ) ಮತ್ತು ಇಶಾನ್ ಕಿಶನ್ (24 ವರ್ಷ, 145 ದಿನ) ಮೊದಲೆರಡು ಸ್ಥಾನದಲ್ಲಿದ್ದಾರೆ.
ಶ್ರೀಲಂಕಾ: 3 ವಿಕೆಟ್ಗೆ 381 (ಪಥುಮ್ ನಿಸ್ಸಂಕ 210*, ಅವಿಷ್ಕಾ ೆರ್ನಾಂಡೊ 88, ಕುಸಲ್ ಮೆಂಡಿಸ್ 16, ಸಮರವಿಕ್ರಮ 45, ರೀದ್ ಅಹ್ಮದ್ 79ಕ್ಕೆ 2, ನಬಿ 44ಕ್ಕೆ 1). ಅಫ್ಘಾನಿಸ್ತಾನ: 6 ವಿಕೆಟ್ಗೆ 339 (ರಹಮತ್ ಷಾ 7, ಒಮರ್ಜಾಯಿ 149*, ನಬಿ 136, ಮಧುಶಾನ್ 75ಕ್ಕೆ 4).
ಪ್ಯಾರಿಸ್ ಒಲಿಂಪಿಕ್ಸ್ ಪದಕಗಳಲ್ಲಿ ಕಬ್ಬಿಣ! ಇವು ಐಫೆಲ್ ಟವರ್ ಲೋಹದ ತುಂಡುಗಳು!