ಚೆನ್ನೈ: ಒಬ್ಬ ನಟಿ ತಾನು ಗರ್ಭಿಣಿ ಎಂದರೆ ಆಶ್ಚರ್ಯ ಪಡಬೇಕಿಲ್ಲ. ಆದರೆ, ಇಬ್ಬರು ನಟಿಯರು ಒಂದೇ ದಿನ ಗರ್ಭಿಣಿ ಎಂದು ಸೋಷಿಯಲ್ ಮೀಡಿಯಾದಲ್ಲಿ ಘೋಷಿಸಿಕೊಂಡಿದ್ದು ಹಲವರಿಗೆ ಆಶ್ಚರ್ಯವಾಗಿತ್ತು. ಕೊನೆಗೆ ಗೊತ್ತಾಗಿದ್ದೇನೆಂದರೆ, ಅವರಿಬ್ಬರೂ ಗರ್ಭಿಣಿಯರಾಗುತ್ತಿರುವು ಹೊಸ ಚಿತ್ರವೊಂದರಲ್ಲಿ ಎಂದು.
ಇದನ್ನೂ ಓದಿ: ಹಿಂದಿ ಬಾಕ್ಸ್-ಆಫೀಸ್ನಲ್ಲಿ ಧೂಳೆಬ್ಬಿಸುತ್ತಿದೆ ಕಾಂತಾರ!
ಶುಕ್ರವಾರ, ಮಲಯಾಳಂ ನಟಿಯರಾದ ಪಾರ್ವತಿ ಮತ್ತು ನಿತ್ಯಾ ಮೆನನ್ ಇಬ್ಬರೂ ತಾವು ಗರ್ಭಿಣಿಯರು ಎಂದು ಘೋಷಿಸಿದರು. ತಮ್ಮ ಪ್ರೆಗ್ನನ್ಸಿ ಕಿಟ್ಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಪ್ರದರ್ಶಿಸಿದರು. ಯಾವಾಗ, ಇದು ದೊಡ್ಡ ಸುದ್ದಿಯಾಯಿತೋ, ಸೆಲೆಬ್ರಿಟಿಗಳು ಸೇರಿದಂತೆ ಜನ ಸಾಮಾನ್ಯರು ಅವರಿಬ್ಬರಿಗೆ ವಿಷ್ ಮಾಡಿದರು. ಅವರಿಗೆ ಒಳ್ಳೆಯದಾಗಲೀ ಎಂದು ಹಾರೈಸಿದರು. ಕೊನೆಗೆ ಗೊತ್ತಾಗಿದ್ದೇನೆಂದರೆ, ಅವರಿಬ್ಬರೂ ಗರ್ಭಿಣಿಯರಲ್ಲ, ಚಿತ್ರವೊಂದರಲ್ಲಿ ಗರ್ಭಿಣಿಯರಾಗಿ ನಟಿಸುತ್ತಿದ್ದಾರೆ ಎಂದು ಗೊತ್ತಾಯಿತು. ಬರೀ ಅವರಿಬ್ಬರಷ್ಟೇ ಅಲ್ಲ, ನಟಿಯರಾದ ಪದ್ಮಪ್ರಿಯಾ ಮತ್ತು ಸಯನೋರಾ ಫಿಲಿಪ್ ಸಹ ಸೋಷಿಯಲ್ ಮೀಡಿಯಾದಲ್ಲಿ ಅದೇ ಫೋಟೋ ಮತ್ತು ಶೀರ್ಷಿಕೆಯನ್ನು ಪೋಸ್ಟ್ ಮಾಡಿದ್ದರು.
ಸರಿ, ಎಲ್ಲರೂ ಒಂದು ಚಿತ್ರಕ್ಕಾಗಿ ಇಷ್ಟೆಲ್ಲ ಮಾಡಿದ್ದಾರೆ ಎನ್ನುವುದೇನೋ ಸರಿ. ಆದರೆ, ಆ ಚಿತ್ರ ಯಾವುದು ಎಂಬ ಪ್ರಶ್ನೆ ಸಹಜ. ಆದರೆ, ಆ ಚಿತ್ರ ಯಾವುದು ಎಂಬ ಪ್ರಶ್ನೆಗೆ ಸದ್ಯಕ್ಕೆ ಉತ್ತರ ಸಿಕ್ಕಿಲ್ಲ. ಅಷ್ಟೇ ಅಲ್ಲ, ಆ ನಟಿಯರು ಸಹ ತಾವು ಯಾವ ಚಿತ್ರದಲ್ಲಿ ಗರ್ಭಿಣಿ ಪಾತ್ರ ಮಾಡುತ್ತಿರುವುದಾಗಿ ಹೇಳಿಕೊಂಡಿಲ್ಲ. ಹಾಗಾಗಿ, ಆ ಚಿತ್ರ ಯಾವುದು ಎಂಬ ರಹಸ್ಯ ಇನ್ನೂ ಬಗೆಹರಿದಿಲ್ಲ.
ಇದನ್ನೂ ಓದಿ: ಪುನೀತ್ ಹುಟ್ಟಿದ್ದೇ ಈ ಉದ್ದೇಶಕ್ಕೆ …
ಸದ್ಯಕ್ಕೆ ಆ ಚಿತ್ರ ಯಾವುದು ಎಂಬ ಪ್ರಶ್ನೆಗೆ ಉತ್ತರ ಸಿಗದಿರಬಹುದು. ಇಂದಲ್ಲ, ನಾಳೆ ಸಿಕ್ಕೇ ಸಿಗುತ್ತದೆ ಎಂಬ ನಂಬಿಕೆ ಪ್ರೇಕ್ಷಕರದು.