ಟೋಕಿಯೋ: ಟೋಕಿಯೋ ಪ್ಯಾರಾಲಿಂಪಿಕ್ಸ್ನಲ್ಲಿ ಈ ಮುನ್ನ ಶೂಟಿಂಗ್ನಲ್ಲಿ ಚಿನ್ನದ ಪದಕ ಗೆದ್ದಿದ್ದ ಅವನಿ ಲೇಖಾರ ಅವರು ಇದೀಗ ಮತ್ತೊಂದು ಪದಕವನ್ನು ತಮ್ಮದಾಗಿಸಿಕೊಂಡಿದ್ದಾರೆ. ತನ್ಮೂಲಕ ಪ್ಯಾರಾ ಗೇಮ್ಸ್ನಲ್ಲಿ ಅವಳಿ ಪದಕಗಳಿಗೆ ಕೊರಳೊಡ್ಡಿದ ಮೊದಲ ಭಾರತೀಯ ಕ್ರೀಡಾಪಟು ಎಂಬ ಮನ್ನಣೆ ಗಳಿಸಿದ್ದಾರೆ.
ಇಂದು ನಡೆದ ಮಹಿಳೆಯರ 50 ಮೀಟರ್ ರೈಫಲ್ 3ಪಿ ಎಸ್ಎಚ್1 ಫೈನಲ್ ಸ್ಪರ್ಧೆಯಲ್ಲಿ ಜೈಪುರದ 19 ವರ್ಷ ವಯಸ್ಸಿನ ಅವನಿ, ಕಂಚಿನ ಪದಕ ಗೆದ್ದರು. ರಜತ ಪದಕಕ್ಕಾಗಿ ಆಡಿದಾಗ, ಚೀನಾದ ಜಾಂಗ್ 10.3 ಅಂಕ ಗಳಿಸಿದರೆ, ಅವನಿ, 10.2 ಅಂಕಗಳನ್ನು ಗಳಿಸಿದರು. ನಂತರ ಆಡಿದ ಕಂಚಿನ ಪದಕದ ಸ್ಪರ್ಧೆಯಲ್ಲಿ ಯುಕ್ರೇನಿನ ಶೆಟ್ನಿಕ್ 9.9 ಅಂಕ ಗಳಿಸಿದರೆ, ಅವನಿ 10.5 ಅಂಕಗಳನ್ನು ಗಳಿಸಿ ಪದಕವನ್ನು ಗೆದ್ದರು.
ಇದೇ ಪ್ಯಾರಾಲಿಂಪಿಕ್ಸ್ ಕ್ರೀಡಾಕೂಟದಲ್ಲಿ 10 ಮೀಟರ್ ಏರ್ ರೈಫಲ್ ಸ್ಟ್ಯಾಂಡಿಂಗ್ ಎಸ್ಎಚ್1 ಈವೆಂಟಿನಲ್ಲಿ ಅವನಿ ಲೇಖಾರ ಚಿನ್ನಕ್ಕೆ ಮುತ್ತಿಟ್ಟಿದ್ದರು. ಇದೀಗ ಮತ್ತೊಂದು ಪದಕ ಗೆದ್ದು, ಒಂದೇ ಕ್ರೀಡಾಕೂಟದಲ್ಲಿ ಬೇರೆ ಬೇರೆ ಈವೆಂಟುಗಳಲ್ಲಿ ಎರಡು ಪದಕಗಳನ್ನು ಗೆದ್ದ ಮೊದಲ ಭಾರತೀಯರಾಗಿದ್ದಾರೆ.
टोक्यो #Paralympics में राजस्थान की बेटी @AvaniLekhara को 50 मीटर शूटिंग में #Bronze मैडल जीतने पर बधाई। आपने इतिहास रचते हुए एक बार फिर देश को गौरवान्वित किया है। यह सफलता आपके निष्ठापूर्ण समर्पण और अद्भुत क्षमताओं की परिचायक है। उज्ज्वल भविष्य के लिए शुभकामनाएं।#Praise4Para pic.twitter.com/VbVTgGvKCQ
— Om Birla (@ombirlakota) September 3, 2021
ಅವನಿ ಅವರಿಗೆ ಕಂಚಿನ ಪದಕ ಪ್ರದಾನ ಮಾಡಲಾದ ಕ್ಷಣಗಳ ವಿಡಿಯೋವನ್ನು ಭಾರತದ ಲೋಕಸಭಾ ಸ್ಪೀಕರ್ ಓಮ್ ಬಿರ್ಲಾ ಅವರು ತಮ್ಮ ಟ್ವಿಟರ್ ಖಾತೆಯಲ್ಲಿ ಶೇರ ಮಾಡಿದ್ದಾರೆ. (ಏಜೆನ್ಸೀಸ್)
ರೈಲಿನಲ್ಲಿ ಬನಿಯನ್, ಅಂಡರ್ವೇರ್ನಲ್ಲಿ ಓಡಾಡಿದ ಶಾಸಕ!
ಮಹಿಳೆಯರೇ, ಸ್ತನ ಕ್ಯಾನ್ಸರ್ ಬಗ್ಗೆ ಎಚ್ಚರ ವಹಿಸಿ! ರೋಗಲಕ್ಷಣ, ತಪಾಸಣೆ, ಚಿಕಿತ್ಸೆ… ವಿವರಗಳು ಇಲ್ಲಿವೆ