ಇನ್ನು ಇಸ್ಲಾಂ ಪ್ರಕಾರವೇ ಬದುಕುವೆ ಎಂದು 18ನೇ ವಯಸ್ಸಿನಲ್ಲೇ ಪಾಕ್​ ಮಹಿಳಾ ಕ್ರಿಕೆಟರ್​ ವಿದಾಯ!

ಲಾಹೋರ್​: ಪಾಕಿಸ್ತಾನ ಮಹಿಳಾ ಕ್ರಿಕೆಟ್​ ತಂಡದ ಉದಯೋನ್ಮುಖ ಆಟಗಾರ್ತಿ ಆಯೇಷಾ ನಸೀಮ್​ 18ನೇ ವಯಸ್ಸಿನಲ್ಲೇ ದಿಢೀರ್​ ಆಗಿ ಗುರುವಾರ ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ವಿದಾಯ ಘೋಷಿಸಿದ್ದಾರೆ. ಇನ್ನು ಇಸ್ಲಾಂ ಧರ್ಮದ ಅನ್ವಯವೇ ಬದುಕುವೆ ಎಂಬ ನಿಲುವಿನೊಂದಿಗೆ ಆಯೇಷಾ ನಸೀಮ್​ ಈ ನಿರ್ಧಾರ ಕೈಗೊಂಡಿದ್ದಾರೆ.

"ನಾನು ಕ್ರಿಕೆಟ್​ನಿಂದ ಹೊರನಡೆಯುತ್ತಿರುವೆ. ಇನ್ನು ಇಸ್ಲಾಂ ಪ್ರಕಾರವೇ ಬದುಕಲು ಬಯಸಿರುವೆ' ಎಂದು ನಿವೃತ್ತಿ ನಿರ್ಧಾರದ ಬಗ್ಗೆ ಆಯೇಷಾ, ಪಾಕಿಸ್ತಾನ ಕ್ರಿಕೆಟ್​ ಮಂಡಳಿಗೂ ಮಾಹಿತಿ ನೀಡಿದ್ದಾರೆ. ಪಾಕ್​ ಮಹಿಳಾ ಕ್ರಿಕೆಟ್​ನಲ್ಲಿ ಬಿರುಸಿನ ಬ್ಯಾಟರ್​ ಆಗಿ ಗಮನಸೆಳೆದಿದ್ದ ಆಯೇಷಾ, ವೃತ್ತೀಜಿವನದಲ್ಲಿ ಉತ್ತುಂಗಕ್ಕೆ ಏರಬಹುದಾದ ಹಂತದಲ್ಲೇ ನಿವೃತ್ತಿ ಹೇಳಿರುವುದು ಪಾಕ್​ ಕ್ರಿಕೆಟ್​ ವಲಯಕ್ಕೆ ಆಘಾತ ತಂದಿದೆ.

2020ರಲ್ಲಿ ಪಾಕಿಸ್ತಾನ ತಂಡದ ಪರ ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿದ್ದ ಆಯೇಷಾ, ಇದುವರೆಗೆ 4 ಏಕದಿನ ಮತ್ತು 30 ಟಿ20 ಪಂದ್ಯಗಳನ್ನು ಆಡಿದ್ದು ಕ್ರಮವಾಗಿ 33 ಮತ್ತು 269 ರನ್​ ಬಾರಿಸಿದ್ದಾರೆ. ಸರಾಗವಾಗಿ ಸಿಕ್ಸರ್​ ಬಾರಿಸುವ ಸಾಮರ್ಥ್ಯದಿಂದಾಗಿ ಪಾಕ್​ ಮಹಿಳಾ ಕ್ರಿಕೆಟ್​ನಲ್ಲಿ ಹೊಸ ತಾರೆಯಾಗಿ ಮಿಂಚುವ ಹಂತದಲ್ಲೇ ಆಯೇಷಾ ಗುಡ್​ಬೈ ಹೇಳಿದ್ದಾರೆ.

https://www.vijayavani.net/cricketer-smriti-mandhana-boyfriend-surprise-visit-to-bangladesh-on-birthday

https://www.vijayavani.net/muslim-ex-pak-pacer-makes-controversial-claim-ahead-of-odi-world-cup