ನವದೆಹಲಿ: ಮೋಸ್ಟ್ ವಾಂಟೆಡ್ ಉಗ್ರರಾದ ಮೌಲಾನಾ ಮಸೂದ್ ಅಜರ್ ಮತ್ತು ಹಫೀಜ್ ಸಯೀದ್ ವಿರುದ್ಧ ಕ್ರಮ ಕೈಗೊಳ್ಳುವುದು ಸೇರಿ ಜಾಗತಿಕ ಉಗ್ರ ನಿಗ್ರಹ ಕಣ್ಗಾವಲು ಸಂಸ್ಥೆಯಾದ ಹಣಕಾಸು ಕ್ರಿಯಾ ಕಾರ್ಯಪಡೆ (ಎಫ್ಎಟಿಎಫ್) ನೀಡಿದ್ದ 6 ಪ್ರಮುಖ ಕ್ರಿಯಾ ಯೋಜನೆಗಳನ್ನು ಜಾರಿಗೆ ತರುವಲ್ಲಿ ಪಾಕಿಸ್ತಾನ ವಿಫಲವಾಗಿದೆ. ಇದೇ ಕಾರಣಕ್ಕೆ ಅದನ್ನು 2021ರ ಫೆಬ್ರವರಿ ತನಕವೂ ‘ಬೂದು’ ಪಟ್ಟಿಯಲ್ಲಿ ಮುಂದುವರಿಸಲು ಎಫ್ಎಟಿಎಫ್ ತೀರ್ಮಾನಿಸಿದೆ.
ಎಫ್ಎಟಿಎಫ್ ಸಭೆ ಅಕ್ಟೋಬರ್ 21ರಿಂದ 23ರವರೆಗೆ ನಡೆದಿದ್ದು, ಪಾಕ್ನ ಭಯೋತ್ಪಾದನಾ ವಿರೋಧಿ ಕಾರ್ಯಕ್ಷಮತೆಯನ್ನು ಪರಿಶೀಲಿಸಲಾಗಿದೆ. ಕಳೆದ ಫೆಬ್ರವರಿಯಲ್ಲಿ ನಡೆಸಿದ್ದ ಸಭೆಯಲ್ಲಿ ಎಫ್ಎಟಿಎಫ್, ಪಾಕಿಸ್ತಾನಕ್ಕೆ ಒಟ್ಟು 27 ಕ್ರಿಯಾ ಯೋಜನೆಗಳನ್ನು ಪೂರೈಸುವಂತೆ ಸೂಚಿಸಿತ್ತು. ಆದರೆ ಪಾಕಿಸ್ತಾನ ಅವುಗಳಲ್ಲಿ ಈವರೆಗೆ 21 ಕ್ರಿಯಾ ಯೋಜನೆಗಳನ್ನು ಪೂರೈಸಿದ್ದು, ಪ್ರಮುಖ 6 ಕಾರ್ಯಗಳಲ್ಲಿ ವಿಫಲವಾಗಿದೆ ಎಂಬುದು ಪರಿಗಣಿಸಲ್ಪಟ್ಟಿದೆ.
ಇದನ್ನೂ ಓದಿ: ರಾಜ್ಯ ರಾಜಧಾನಿಯಲ್ಲಿ ಟ್ರಾಫಿಕ್ ಸಿಗ್ನಲ್ ಸಿಸ್ಟಮ್ ಕೂಡ ಕಳುವಾಗಿದೆಯಂತೆ ನೋಡಿ!
ಅಲ್ಲದೆ, ಪಾಕ್ ಈ ಮೊದಲು ಸಲ್ಲಿಸಿದ್ದ 7,600 ಉಗ್ರರ ಪಟ್ಟಿಯಿಂದ ಸುಮಾರು 4 ಸಾವಿರ ಉಗ್ರರ ಹೆಸರುಗಳನ್ನು ತೆಗೆದುಹಾಕಿದೆ. ಈ ಹಿನ್ನೆಲೆಯಲ್ಲಿ ಪಾಕಿಸ್ತಾವನ್ನು ಬೂದು ಪಟ್ಟಿಯಲ್ಲೇ ಉಳಿಸಬೇಕು ಎಂದು ಎಫ್ಎಟಿಎಫ್ ಸದಸ್ಯರು ಮತ ಚಲಾಯಿಸಿದ್ದಾರೆ. (ಏಜೆನ್ಸೀಸ್)
ಅಂತರ್ಜಲ ಪೋಲು ತಡೆಯಲು ಸರಿಯಾದ ಕ್ರಮವೇಕೆ ತಗೊಂಡಿಲ್ಲ: ಕೇಂದ್ರವನ್ನು ತರಾಟೆಗೆ ತಗೊಂಡ ಎನ್ಜಿಟಿ