ಉತ್ತರಕಾಶಿ: ಉತ್ತರಾಖಂಡದ ಉತ್ತರಕಾಶಿ ಜಿಲ್ಲೆಯ ಕಾಡೊಂದರಲ್ಲಿ ಪಾಕಿಸ್ತಾನದ ಧ್ವಜ ಮತ್ತು ತಿಳಿ ಹಸಿರು ಬಣ್ಣದ ಬಲೂನ್ಗಳಿಗೆ ಸುತ್ತಿದ ಎರಡು ಬ್ಯಾನರ್ಗಳು ಪತ್ತೆಯಾಗಿವೆ. ಪ್ರಕರಣ ಬೆಳಕಿಗೆ ನಂತರ ಪೊಲೀಸರು ಮತ್ತು ಗುಪ್ತಚರ ಸಂಸ್ಥೆಗಳು ಅಲರ್ಟ್ ಆಗಿವೆ ಎಂದು ಅಧಿಕಾರಿಗಳು ಶನಿವಾರ ತಿಳಿಸಿದ್ದಾರೆ.
ಎರಡು ಬ್ಯಾನರ್ ಪತ್ತೆಯಾಗಿದ್ದು ಒಂದು ಉರ್ದು ಭಾಷೆಯಲ್ಲಿದ್ದರೆ, ಇನ್ನೊಂದರಲ್ಲಿ “ಎಲ್ಬಿಎ ಕ್ಯಾಬಿನೆಟ್ ಲಾಹೋರ್ ಬಾರ್ ಅಸೋಸಿಯೇಷನ್” ಎಂದು ದಪ್ಪ ಅಕ್ಷರಗಳಲ್ಲಿ ಬರೆಯಲಾಗಿದೆ ಎಂದು ಉತ್ತರಕಾಶಿ ಪೊಲೀಸ್ ವರಿಷ್ಠಾಧಿಕಾರಿ (ಎಸ್ಪಿ) ಅರ್ಪಣ್ ಯದುವಂಶಿ ಹೇಳಿದ್ದಾರೆ. ಶುಕ್ರವಾರ ತುಲ್ಯಾಡ್ ಗ್ರಾಮದ ಅರಣ್ಯದಲ್ಲಿ ಬಲೂನ್ಗಳಿಗೆ ಕಟ್ಟಿದ್ದ ಧ್ವಜ ಮತ್ತು ಬ್ಯಾನರ್ಗಳು ಪತ್ತೆಯಾಗಿವೆ. ನಾವು ಕೇಂದ್ರ ತನಿಖಾ ಸಂಸ್ಥೆಗಳಿಗೆ ಈ ಬಗ್ಗೆ ಮಾಹಿತಿ ನೀಡಿದ್ದೇವೆ. ಈ ಸಂಘಟನೆಯ ಪೂರ್ವಾಒರ ತನಿಖೆಯ ನಂತರವೇ ತಿಳಿದು ಬರಬೇಕಿದೆ” ಎಂದು ಎಸ್ಪಿ ಹೇಳಿದರು.
ಈ ಪ್ರಕರಣದ ಕುರಿತಾಗಿ ತುಲ್ಯಾಡ್ ಗ್ರಾಮದ ನಿವಾಸಿಗಳು ಶುಕ್ರವಾರ ಪೊಲೀಸರಿಗೆ ದೂರು ನೀಡಿದ್ದಾರೆ ಎಂದು ಧರ್ಸು ಪೊಲೀಸ್ ಠಾಣೆ ಎಸ್ಎಚ್ಒ ಕಮಲ್ ಕುಮಾರ್ ಲುಂತಿ ಮಾಹಿತಿ ನೀಡಿದ್ದಾರೆ. (ಏಜೆನ್ಸೀಸ್)