ಚಂಡೀಗಡ: ಭಾರತವು ಸ್ವಾತಂತ್ರ್ಯೋತ್ಸವ ಆಚರಿಸುತ್ತಿರುವ ಈ ಸಂದರ್ಭದಲ್ಲಿ ಪಂಜಾಬಿನ ಹೊಲವೊಂದರಲ್ಲಿ ಪಾಕಿಸ್ತಾನದ ಬಾವುಟಗಳು ಮತ್ತು ಐ ಲವ್ ಪಾಕಿಸ್ತಾನ್ ಎಂಬ ಬರಹ-ಚಿತ್ರಗಳುಳ್ಳ ಬಲೂನುಗಳು ಸಿಕ್ಕಿವೆ. ಇಂದು ಮಧ್ಯಾಹ್ನ ದಿಢೀರನೇ ಪ್ರತ್ಯಕ್ಷವಾದ ಈ ಬಲೂನುಗಳು ಸ್ಥಳೀಯರಲ್ಲಿ ಆತಂಕ ಮೂಡಿಸಿವೆ ಎಂದು ಎಎನ್ಐ ಸುದ್ದಿ ಸಂಸ್ಥೆ ವರದಿ ಮಾಡಿದೆ.
ಪಂಜಾಬಿನ ರೂಪನಗರ ಜಿಲ್ಲೆಯ ಸಾಂಡೋಯ ಗ್ರಾಮದಲ್ಲಿ ಈ ಪ್ರಸಂಗ ನಡೆದಿದ್ದು, ಪೊಲೀಸರು ತನಿಖೆ ಆರಂಭಿಸಿದ್ದಾರೆ. “ಬಲೂನುಗಳು ಹತ್ತಿರದ ಜಾಗದಿಂದ ಹಾರಿಕೊಂಡು ಬಂದಿರುವ ಹಾಗಿದೆ. ಎಲ್ಲಾ ಆ್ಯಂಗಲ್ಗಳಲ್ಲೂ ತನಿಖೆ ನಡೆಸುತ್ತಿದ್ದೇವೆ” ಎಂದು ರೂಪ್ನಗರದ ಎಸ್ಎಸ್ಪಿ ಅಖಿಲ್ ಚೌಧರಿ ಹೇಳಿದ್ದಾರೆ.
ಇದನ್ನೂ ಓದಿ: ಓಲಾ ಎಲೆಕ್ಟ್ರಿಕ್ ಸ್ಕೂಟರ್ ಅನಾವರಣ; ಬೆಲೆ, ಲಭ್ಯತೆ ವಿವರ ಇಲ್ಲಿದೆ
ನಿನ್ನೆಯ ದಿನ ಹಿಮಾಚಲ ಪ್ರದೇಶದ ಮಂಡಿ ಜಿಲ್ಲೆಯ ಭಂಗ್ಲೇದಾ ಗ್ರಾಮದಲ್ಲಿ ಕೂಡ ಈ ರೀತಿಯ ಬಲೂನುಗಳು ಸಿಕ್ಕಿದ್ದವು ಎಂದು ವರದಿಯಾಗಿತ್ತು. ನಿವಾಸಿಯೊಬ್ಬನ ಮನೆಯಂಗಳದಲ್ಲಿ ದಿಢೀರ್ ಪ್ರತ್ಯಕ್ಷವಾಗಿದ್ದ ಬಲೂನುಗಳ ಬಗ್ಗೆ ಪಂಚಾಯಿತಿ ಪ್ರಧಾನರಿಗೆ ತಿಳಿಸಲಾಯಿತು. ದೂರು ನೀಡಲಾಗಿ, ಬಲೂನುಗಳನ್ನು ವಶಕ್ಕೆ ತೆಗೆದುಕೊಂಡ ಮಂಡಿ ಪೊಲೀಸರು, ತನಿಖೆ ನಡೆಸುತ್ತಿದ್ದಾರೆ ಎನ್ನಲಾಗಿದೆ. (ಏಜೆನ್ಸೀಸ್)
ಜಾಕ್ಲೀನ್ ಫರ್ನಾಂಡಿಸ್, ಸಚಿನ್ ತೆಂಡೂಲ್ಕರ್…. ಸೆಲೆಬ್ರಿಟಿಗಳ ಸ್ವಾತಂತ್ರ್ಯ ದಿನಾಚರಣೆಯ ಝಲಕ್ ಇಲ್ಲಿದೆ