ಮ್ಯಾಂಚೆಸ್ಟರ್: ಪಾಕಿಸ್ತಾನ ಹಾಗೂ ಏಕದಿನ ವಿಶ್ವಕಪ್ ಚಾಂಪಿಯನ್ ಇಂಗ್ಲೆಂಡ್ ನಡುವಿನ ಮೊದಲ ಟೆಸ್ಟ್ ಪಂದ್ಯಕ್ಕೆ ಮಳೆ ಅಡ್ಡಿಯುಂಟು ಮಾಡಿದೆ. ಓಲ್ಡ್ ಟ್ರಾೋರ್ಡ್ ಮೈದಾನದಲ್ಲಿ ಬುಧವಾರ ಆರಂಭಗೊಂಡ ಪಂದ್ಯದಲ್ಲಿ ಟಾಸ್ ಜಯಿಸಿ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ ಪಾಕಿಸ್ತಾನ ತಂಡ, 2 ವಿಕೆಟ್ಗೆ 121 ರನ್ ಗಳಿಸಿದ್ದ ವೇಳೆ ಪಂದ್ಯಕ್ಕೆ ಮಳೆ ಅಡ್ಡಿ ಪಡಿಸಿತು.
ಇದಕ್ಕೂ ಮೊದಲು ಇಂಗ್ಲೆಂಡ್ ವೇಗಿಗಳ ದಾಳಿಗೆ ತತ್ತರಿಸಿದ್ದ ಪಾಕಿಸ್ತಾನ ತಂಡ ಭೋಜನ ವಿರಾಮದ ವೇಳೆಗೆ 2 ವಿಕೆಟ್ಗೆ 53 ರನ್ ಗಳಿಸಿತ್ತು. ಶಾನ್ ಮಸೂದ್ (45 ರನ್, 134 ಎಸೆತ, 7 ಬೌಂಡರಿ) ಹಾಗೂ ಬಾಬರ್ ಅಜಮ್ (52 ರನ್, 71 ಎಸೆತ, 9 ಬೌಂಡರಿ) ಜೋಡಿ ಮುರಿಯದ 3ನೇ ವಿಕೆಟ್ಗೆ 78 ರನ್ ಪೇರಿಸಿ ಪ್ರತಿಹೋರಾಟದ ನಿರೀಕ್ಷೆ ಮೂಡಿಸಿದೆ. ಪಾಕಿಸ್ತಾನ ಸೂಪರ್ ಲೀಗ್ (ಪಿಎಸ್ಎಲ್) ಬಳಿಕ ಕ್ರಿಕೆಟ್ನಿಂದ ದೂರ ಉಳಿದಿದ್ದ ಪಾಕಿಸ್ತಾನ ಕ್ರಿಕೆಟಿಗರು ಬಹುತೇಕ 5 ತಿಂಗಳ ಬಳಿಕ ಮೈದಾನಕ್ಕಿಳಿದರು. ಕಳೆದ ವಾರವಷ್ಟೇ ವೆಸ್ಟ್ ಇಂಡೀಸ್ ವಿರುದ್ಧ ಸರಣಿ ಗೆದ್ದ ಹುಮ್ಮಸ್ಸಿನಲ್ಲಿರುವ ಆತಿಥೇಯ ಇಂಗ್ಲೆಂಡ್, ಮತ್ತೊಂದು ಸರಣಿ ಗೆಲುವಿನ ಕನಸಿನಲ್ಲಿದೆ. ವಿಂಡೀಸ್ ವಿರುದ್ಧದ ಕಡೇ ಪಂದ್ಯದಲ್ಲಿ ಆಡಿದ ತಂಡವನ್ನೇ ಇಂಗ್ಲೆಂಡ್ ಕಣಕ್ಕಿಳಿಸಿದೆ.
ಇಂಗ್ಲೆಂಡ್: 41.1 ಓವರ್ ಗಳಲ್ಲಿ 2 ವಿಕೆಟ್ಗೆ 121 (ಶಾನ್ ಮಸೂದ್ 45, ಬಾಬರ್ ಅಜಮ್ 52, ಅಬಿದ್ ಅಲಿ 16, ಕ್ರಿಸ್ ವೋಕ್ಸ್ 14ಕ್ಕೆ 1, ಜೋಫ್ರಾ ಆರ್ಚರ್ 22 ಕ್ಕೆ 1)