ಮುಂಬೈ: ಶಾರುಖ್ ಖಾನ್ ಅಭಿನಯದ ‘ಪಠಾಣ್’ ಚಿತ್ರದ ಬಿಡುಡೆಗೆ ಇನ್ನು ನಾಲ್ಕು ದಿನಗಳಷ್ಟೇ ಉಳಿದಿವೆ. ಈ ಮಧ್ಯೆ, ಚಿತ್ರದ ಮೊದಲ ದಿನವೇ ಎರಡು ಲಕ್ಷ ಟಿಕೆಟ್ ಮಾರಾಟವಾಗುವ ಮೂಲಕ ಹೊಸ ದಾಖಲೆ ನಿರ್ಮಾಣವಾಗಿದೆ.
ಇದನ್ನೂ ಓದಿ: ಬಾಲಿವುಡ್ಗೆ ಎಂಟ್ರಿ ಕೊಡುವುದಕ್ಕೆ ರೆಡಿಯಾಗಿದ್ದಾಳೆ ರವೀನಾ ಟಂಡನ್ ಮಗಳು
ಸಾಮಾನ್ಯವಾಗಿ ಒಂದು ಚಿತ್ರ ಬಿಡುಗಡೆಯಾದ ಮೊದಲ ದಿನ ಎಷ್ಟು ಗಳಿಕೆ ಮಾಡಬಹುದು ಎಂದು ಆ ನಂತರ ಲೆಕ್ಕಾಚಾರ ಇರುತ್ತದೆ. ಆದರೆ, ‘ಪಠಾಣ್’ ಬಿಡುಗಡೆಗೂ ಮುನ್ನವೇ, ಚಿತ್ರ ಮೊದಲ ದಿನ ಎಷ್ಟು ಗಳಿಕೆ ಮಾಡಬಹುದು ಎಂಬ ಲೆಕ್ಕಾಚಾರ ಶುರುವಾಗಿದೆ. ಮೂಲಗಳ ಪ್ರಕಾರ, ‘ಪಠಾಣ್’ ಮೊದಲ ದಿನ ಭಾರತದಲ್ಲಿ 40 ಕೋಟಿ ರೂ. ಗಳಿಕೆ ಮಾಡಬಹುದು ಎಂದು ಹೇಳಲಾಗುತ್ತಿದೆ.
ಅದಲ್ಲೆ ಸರಿಯಾಗಿ, ಶುಕ್ರವಾರ ಚಿತ್ರದ ಅಡ್ವಾನ್ಸ್ ಬುಕ್ಕಿಂಗ್ ಪ್ರಾರಂಭಾಗಿದ್ದು, ಇಡೀ ದೇಶದಲ್ಲಿ ಮೊದಲ ದಿನವೇ ಎರಡು ಲಕ್ಷಕ್ಕೂ ಹೆಚ್ಚು ಟಿಕೆಟ್ಗಳು ಮಾರಾಟವಾಗಿರುವ ಸುದ್ದಿ ಇದೆ. ಈ ಪೈಕಿ ಪಿವಿಆರ್ ಸಿನಿಮಾಸ್ನಲ್ಲೇ 87 ಸಾವಿರ ಟಿಕೆಟ್ಗಳು ಮಾರಾಟವಾಗಿವೆ. ಇನ್ನು, ಐನಾಕ್ಸ್ನಲ್ಲಿ 73 ಸಾವಿರ ಮತ್ತು 41 ಸಾವಿರ ಸಿನಿಪೊಲೀಸ್ನಲ್ಲಿ ಮಾರಾಟವಾಗಿವೆ. ಇದು ಬರೀ ಮೂರು ಮಲ್ಟಿಪ್ಲೆಕ್ಸ್ ಸಮೂಹಗಳಿಂದ ಸಿಕ್ಕೆ ಲೆಕ್ಕವಷ್ಟೇ. ಮಿಕ್ಕ ಸಮೂಹಗಳು ಮತ್ತು ಏಕಪರದೆಯ ಚಿತ್ರಮಂದಿರಗಳನ್ನೆಲ್ಲ ಸೇರಿಸಿದರೆ ಲೆಕ್ಕ ಇನ್ನೂ ಜಾಸ್ತಿಯಾಗುತ್ತದೆ.
ಮೂಲಗಳ ಪ್ರಕಾರ, ದೇಶಾದ್ಯಂತ ಸದ್ಯಕ್ಕೆ ಮೊದಲ ದಿನದ ಅಡ್ವಾನ್ಸ್ ಬುಕ್ಕಿಂಗ್ ಹಣವೇ 15ರಿಂದ 20 ಕೋಟಿಯಷ್ಟು ಗಳಿಸಬಹುದು ಎಂದು ಹೇಳಲಾಗುತ್ತಿದೆ. ಇನ್ನು, ಅಡ್ವಾನ್ಸ್ ಬುಕ್ಕಿಂಗ್ ಸಹ ಸೇರಿಸಿ, ಒಟ್ಟಾರೆ ಮೊದಲ ದಿನವೇ 40 ಕೋಟಿ ರೂ. ಕಲೆಕ್ಷನ್ ಆಗುವ ಅಂದಾಜಿದೆ.
ಇದನ್ನೂ ಓದಿ: ರಚಿತಾ ರಾಮ್ ಹೇಳಿಕೆಗೆ ಟೀಕೆ; ಮದ್ದೂರಿನಲ್ಲಿ ಕೇಸ್ ದಾಖಲು!
‘ಪಠಾಣ್’ ಚಿತ್ರದಲ್ಲಿ ಶಾರುಖ್ ಖಾನ್, ದೀಪಿಕಾ ಪಡುಕೋಣೆ, ಜಾನ್ ಅಬ್ರಹಾಂ, ಡಿಂಪಲ್ ಕಪಾಡಿಯಾ ಮುಂತಾದವರು ಅಭಿನಯಿಸಿದ್ದಾರೆ. ಯಶ್ರಾಜ್ ಫಿಲಂಸ್ನಡಿ ಆದಿತ್ಯ ಚೋಪ್ರಾ ಈ ಚಿತ್ರವನ್ನು ನಿರ್ಮಿಸಿದ್ದು, ಚಿತ್ರವನ್ನು ಸಿದ್ಧಾರ್ಥ್ ಆನಂದ್ ನಿರ್ದೇಶನ ಮಾಡಿದ್ದಾರೆ.
ಇನ್ನು ದಪ್ಪ ಆಗಬಾರದು ಎಂದು ವಿಜಯ್ ಸೇತುಪತಿ ತೀರ್ಮಾನ … ಯಾಕೆ ಗೊತ್ತಾ?